ଆରମ୍ଭରୁ ସମସ୍ୟା, ୨ ଘଣ୍ଟା ବିଳମ୍ବରେ ହେବ ଟ୍ରେନ ଟିକେଟ୍‌ ବୁକିଂ

ନୂଆଦିଲ୍ଲୀ: ଲକଡାଉନରେ ସରକାର ଲୋକଙ୍କ ସୁବିଧା ପାଇଁ ସୀମିତ ଟ୍ରେନ ଚଳାଚଳ ପାଇଁ ମଧ୍ୟ ଅନୁମତି ଦେଇଛନ୍ତି। ମେ’ ୧୨ରୁ ୧୫ଟି ସ୍ୱତନ୍ତ୍ର ଟ୍ରେନ ଚଳାଚଳ କରିବ।  ଆଇଆରସିଟିସି ୱେବସାଇଟ୍‌ରେ ଆଜି ଅପରାହ୍ନ ୪ଟାରେ ଟ୍ରେନ ଟିକେଟ ବୁକିଂ ଅନ୍‌ଲାଇନରେ ହେବ ବୋଲି କୁହାଯାଇଥିଲା ।

ହେଲେ କେତେକ ସମସ୍ୟା ଯୋଗୁ ୪ଟାରୁ ବୁକିଂ ହୋଇ ପାରୁନାହିଁ। ଏହାକୁ ଆହୁରି ୨ ଘଣ୍ଟା ବଢାଇ ଦିଆଯାଇଛି। ଅର୍ଥାତ୍‌ ସନ୍ଧ୍ୟା ୬ଟାରୁ ବୁକିଂ ଆରମ୍ଭ ହେବ ବୋଲି ବିଭାଗ ପକ୍ଷରୁ କୁହାଯାଇଛି।

ନେଟୱାର୍କ ଜାମ୍‌ ଯୋଗୁ ୪ଟାରେ ବୁକିଂ ହୋଇ ପାରି ନ ଥିବା ବିଭାଗ ପକ୍ଷରୁ କୁହାଯାଇଛି। ପ୍ରଥମେ ଆଇଆରସିଟିସି ତାର ୱେବସାଇଟ୍‌ରେ ଏକ ସୂଚନା ଦେଇ ହେଭି ଟ୍ରାଫିକ ଯୋଗୁ ବୁକିଂ ରଦ୍ଦ କରିଦିଆଗଲା ବୋଲି କହିଥିଲା। ଏହାର କିଛି ମିନିଟ ପରେ ରେଳ ମନ୍ତ୍ରାଳୟ ଟ୍ୱିଟ କରି କହିଥିଲା, ୱେବସାଇଟ୍‌ରେ ଡାଟା ଫିଡ୍ କରାଯାଉଛି। କାମ ସରିବା ପରେ ବୁକିଂ ଆରମ୍ଭ ହେବ।

 

You might also like