ପିଟ୍ରୋଡ଼ାଙ୍କ ବୟାନକୁ ନିନ୍ଦା କଲେ ରାହୁଲ, କହିଲେ କ୍ଷମା ମାଗିବା ଉଚିତ୍‌

ନୂଆଦିଲ୍ଲୀ: ୧୯୮୪ ଶିଖ୍ ବିରୋଧୀ ଦଙ୍ଗାକୁ ନେଇ ବରିଷ୍ଠ କଂଗ୍ରେସ ନେତା ଶାମ ପିଟ୍ରୋଡ଼ା ଦେଇଥିବା ବୟାନକୁ ନିନ୍ଦା କରିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ।  ଏଥିପାଇଁ ସେ କ୍ଷମା ପ୍ରାର୍ଥନା କରିବା ଉଚିତ୍‌ ବୋଲି ରାହୁଲ କହିଛନ୍ତି । ୧୯୮୪ ଦଙ୍ଗା ଅତି ଭୟାନକ ଘଟଣା ଥିଲା ।  ତେବେ ପିଟ୍ରୋଡ଼ାଙ୍କ ଏପରି ବୟାନ ଦଳର ମତ ନୁହେଁ । ଏ ସମ୍ପର୍କରେ ସେ ପିଟ୍ରୋଡ଼ାଙ୍କ ସହ କଥା ହେବେ ବୋଲି ଏକ ନ୍ୟୁଜ୍ ୱେବସାଇଟକୁ ସାକ୍ଷାତକାର ଦେଇ କହିଛନ୍ତି।

ଶାମ ପିଟ୍ରୋଡା ଗୁରୁବାର ଗଣମାଧ୍ୟମକୁ ଦଙ୍ଗା ସଂପର୍କରେ ଦେଇଥିବା ବୟାନକୁ ନେଇ ବିବାଦ ସୃଷ୍ଟି ହୋଇଥିଲା। କହିଥିଲେ ଯେ, ‘ହେଲା ତ ହେଲା, ଏବେ ସମୟ ଆସିଛି ଆଗକୁ ବଢ଼ିବା ଲାଗି।’ ତେବେ ତାଙ୍କର ପିଟ୍ରୋଡ଼ାଙ୍କ ଏଭଳି ମନ୍ତବ୍ୟକୁ ନେଇ ବିଜେପି ତୀବ୍ର ଭର୍ତ୍ସନା କରିଥିଲା ଏହାପରେ ପିଟ୍ରୋଡ଼ା କ୍ଷମା ମାଗିଥିଲେ। ପିଟ୍ରୋଡ଼ାଙ୍କ ବୟାନରୁ ଦଳ ଦୂରେଇ ରହିଥିବାବେଳେ କଂଗ୍ରେସ ମୁଖପାତ୍ର ରଣଦୀପ ସୁଜେର୍ଓାଲା ଗୋଧ୍ରା ଦଙ୍ଗା କଥା ଦୋହରାଇଥିଲେ । ଶିଖ୍ ଦଙ୍ଗା ଭଳି ୨୦୦୨ ଗୁଜରାଟ ଦଙ୍ଗା ମଧ୍ୟ ଭୟାନକ ଥିଲା ବୋଲି ସେ କହିଛନ୍ତି।

You might also like