ମୋଦି ସରକାରଙ୍କ ୬ ଉପଲବ୍ଧି ଦର୍ଶାଇଲେ ରାହୁଲ୍ ଗାନ୍ଧି

ନୂଆଦିଲ୍ଲୀ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୧୧ଲକ୍ଷ ଟପିଲାଣି। କରୋନା ସଂକ୍ରମଣ ବ୍ୟାପିବାକୁ ନେଇ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ୍ ଗାନ୍ଧି ମୋଦି ସରକାରଙ୍କ ଉପରେ ବର୍ଷିଛନ୍ତି। କେନ୍ଦ୍ର ସରକାର କରୋନା ମୁକାବିଲାରେ ବିଫଳ ହୋଇଥିବା କହିଛନ୍ତି କଂଗ୍ରେସ ନେତା ରାହୁଲ ଗାନ୍ଧି। ଏମିତି କି, ରାହୁଲ୍ କଟାକ୍ଷ କରି ମହାମାରୀ କରୋନା ସମୟରେ କେନ୍ଦ୍ର ସରକାରଙ୍କ ୬ଟି ଉପଲବ୍ଧି ଦର୍ଶାଇଛନ୍ତି।

ଫେବ୍ରୁଆରୀରେ ନମସ୍ତେ ଟ୍ରମ୍ପ, ମାର୍ଚ୍ଚରେ ମଧ୍ୟପ୍ରଦେଶର ସରକାର ଭାଙ୍ଗିବା, ଏପ୍ରିଲରେ ମହମବତୀ ଜଳାଇବା, ମେ’ ରେ ବିଜେପି ସରକାରର ୬ ବର୍ଷ ପୂର୍ତ୍ତି, ଜୁନରେ ବିହାରରେ ଭର୍ଚୁଆଲ୍ ରାଲି ଏବଂ ଜୁଲାଇରେ ରାଜସ୍ଥାନରେ ସରକାର ଭାଙ୍ଗିବା ବୋଲି ରାହୁଲ ଟ୍ୱିଟ୍ କରିଥିଲେ। ଏଥିପାଇଁ ଦେଶ କରୋନାର ଲଢ଼େଇରେ ‘ଆତ୍ମନିର୍ଭର’ ଅଛି।

ତେବେ ରାହୁଲଙ୍କ ଏଭଳି ଟ୍ୱିଟର୍ ଜବାବ ଦେଇଛନ୍ତି କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର। ସେ ମଧ୍ୟ କଂଗ୍ରେସର ୬ ମାସରେ ୬ଟି ସଫଳତା ଦର୍ଶାଇ କଟାକ୍ଷ କରିଛନ୍ତି। ଫେବ୍ରୁଆରୀରେ ଶାହିନବାଗ ଓ ଦିଲ୍ଲୀ ଦଙ୍ଗା, ମାର୍ଚ୍ଚରେ ମଧ୍ୟପ୍ରଦେଶ ସରକାର ଓ ଜ୍ୟେତିରାଦିତ୍ୟ ସିନ୍ଧିଆଙ୍କୁ ହରାଇବା, ଏପ୍ରିଲରେ ଶ୍ରମିକଙ୍କୁ ଉସକାଇବା, ମେ ମାସରେ କଂଗ୍ରେସ ପରାଜୟର ୬ ବର୍ଷ ପୂର୍ତ୍ତି, ଜୁନରେ ଚୀନ ସପକ୍ଷରେ ଯିବା ଏବଂ ଜୁଲାଇରେ ରାଜସ୍ଥାନରେ କଂଗ୍ରେସର ପତନ ବୋଲି ଟ୍ୱିଟ୍ କରିଛନ୍ତି ପ୍ରକାଶ ଜାଭଡେକର।

ଏହାସହ ସେ କହିଛନ୍ତି, ଭାରତରେ କରୋନା ସଂକ୍ରମଣ ଓ ମୃତ୍ୟୁ ହାର ଅନ୍ୟ ଦେଶ ତୁଳନାରେ କମ୍ ରହିଛି। ମହମବତୀ ଜଳାଇବାକୁ ତାତ୍ସଲ୍ୟ କରି ଭାରତୀୟ ଓ କରୋନା ଯୋଦ୍ଧାଙ୍କୁ ରାହୁଲ ଅସମ୍ମାନ କରିଥିବା କେନ୍ଦ୍ର ମନ୍ତ୍ରୀ କହିଛନ୍ତି।

ଆହୁରି ପଢ଼ନ୍ତୁ

ଭାରତର ବନ୍ଧୁ ବୋଲି ପୁଣି ଥରେ ପ୍ରମାଣିତ କଲା ମାଲଦୀପ

NCB ଅଫିସ୍‌ରେ ହାଜର ହେଲେ ଶ୍ରଦ୍ଧା, ସାରା

ଗୋଟିଏ ପ୍ରଶ୍ନ ଦୀପିକାଙ୍କ ପାଇଁ ସାଜିଛି କଣ୍ଟା

ଦୀପିକା, ଶ୍ରଦ୍ଧା ଓ ସାରାଙ୍କୁ ଆଜି ଏନ୍‌ସିବିର ଜେରା

ସୁଶାନ୍ତ ସିଂ ମୃତ୍ୟୁ ମାମଲା; ’ମୁଖ୍ୟ ଅଭିଯୁକ୍ତଙ୍କୁ ଛାଡ଼ି ତଦନ୍ତ ଡ୍ରଗ୍ସ ଆଡ଼କୁ ମୁହାଁଉଛି କାହିଁକି ?’

କରୋନା ଆକ୍ରାନ୍ତ ବି ଦେବେ ଭୋଟ୍

ଲଦାଖରେ ବଡ଼ ଧରଣର ଭୂକମ୍ପ

୧୬ ବର୍ଷର ଝିଅ ଆକାଉଣ୍ଟରେ ୧୦ କୋଟି ଟଙ୍କା !

ସାଧାରଣ ଲୋକଙ୍କୁ ଦିଆଗଲା ଋଷ ଭାକ୍ସିନ୍‌ ‘ସ୍ପୁଟନିକ ଭି’

ଏନ୍‌କାଉଣ୍ଟରରେ ଦୁଇ ଲସ୍କର ଆତଙ୍କୀ ନିହତ

Bihar Election 2020 Date:୩ଟି ପର୍ଯ୍ୟାୟରେ ହେବ ବିହାର ବିଧାନସଭା ନିର୍ବାଚନ, ଭୋଟ୍‌ ଗ୍ରହଣ ସମୟ ସୀମା ୧ ଘଣ୍ଟା ବୃଦ୍ଧି

ଅକ୍ଟୋବରରେ ହେବ ଭାରତ ପ୍ରସ୍ତୁତ ’କୋଭାକ୍ସିନ’ର ତୃତୀୟ ପର୍ଯ୍ୟାୟ ପରୀକ୍ଷଣ

You might also like