ପାକିସ୍ତାନକୁ ରାହୁଲଙ୍କ ଚେତାବନୀ: ‘କାଶ୍ମୀର ପ୍ରସଙ୍ଗରେ ମୁଣ୍ଡ ପୂରାଅନି’

ନୂଆଦିଲ୍ଲୀ: ଜମ୍ମୁ କଶ୍ମୀରରୁ ଧାରା ୩୭୦ ଉଚ୍ଛେଦ ହେବା ପରେ ପାକିସ୍ତାନ ଏହି ପ୍ରସଙ୍ଗକୁ ନେଇ ବୟାନବାଜି ଜାରି ରଖିଛି। ଏହାରି ଉପରେ ଆଜି ପ୍ରତିକ୍ରିୟା ରଖିଛନ୍ତି ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି। କେନ୍ଦ୍ର ସରକାରଙ୍କ ଅନେକ ନୀତିକୁ ସେ ସମର୍ଥନ କରିନଥାଇ ପାରନ୍ତି କିନ୍ତୁ କଶ୍ମୀର ଭାରତର ଅନ୍ତରୀଣ ମାମଲା ବୋଲି ଆଜି ଟୁଇଟ୍ କରି ସେ ମତ ରଖିଛନ୍ତି।

ଏଥିରେ ପାକିସ୍ତାନ କି ଅନ୍ୟ ଦେଶ ମୁଣ୍ଡ ପୁରାଇବା ଉଚିତ୍ ନୁହେଁ ବୋଲି ରାହୁଲ୍ ଟୁଇଟ୍ କରି କହିଛନ୍ତି। ଜମ୍ମୁ କଶ୍ମୀରରେ ଯେଉଁ ହିଂସା ଦେଖାଦେଉଛି ତାକୁ ପାକିସ୍ତାନ ସମର୍ଥନ କରୁଛି। ସାରା ଦୁନିଆ ଜାଣିଛି ଯେ, ପାକିସ୍ତାନ ଆତଙ୍କବାଦକୁ ହିଁ ସମର୍ଥନ କରୁଛି ବୋଲି ସେ କହିଛନ୍ତି।

ରାହୁଲଙ୍କ ପୂର୍ବରୁ ଗତକାଲି ଜମ୍ମୁ କଶ୍ମୀର କଂଗ୍ରେସ ମଧ୍ୟ ପ୍ରତିକ୍ରିୟା ରଖି କହିଥିଲା ସୀମାବର୍ତ୍ତୀ ଅଞ୍ଚଳରେ ପାକିସ୍ତାନ ପଟୁ ଅଗଷ୍ଟ ୧୭ରୁ ଅସ୍ତ୍ରବିରତି ଉଲ୍ଲଂଘନ ହେଉଛି। ତେଣୁ ଭାରତ କଡ଼ା ଜବାବ ଦେଉ ବୋଲି କଂଗ୍ରେସ କହିଥିଲା। ଏହି ଅସ୍ତ୍ରବିରତି ଉଲ୍ଲଂଘନ ଦ୍ୱାରା ଜଣେ ସାଧାରଣ ଲୋକଙ୍କ ମୃତ୍ୟୁ ଘଟିଥିବା ବେଳେ ତିନି ଯବାନ ସହିଦ ହୋଇଛନ୍ତି ଓ ୪ ଯବାନ ଏଯାବତ୍ ଆହତ ହୋଇଛନ୍ତି।

ସୂଚନାଯୋଗ୍ୟ, କେନ୍ଦ୍ରର ଧାରା ୩୭୦ ଉଚ୍ଛେଦ ନିଷ୍ପତ୍ତିକୁ କଂଗ୍ରେସ ବିରୋଧ କରୁଛି। ଯାହାକୁ ପାକିସ୍ତାନ ମଧ୍ୟ ବିରୋଧ କରିଛି। ଧାରା ୩୭୦ ଉଚ୍ଛେଦକୁ ନେଇ ଲୋକସଭାରେ ବିତର୍କ ଚାଲିଥିବା ବେଳେ କଂଗ୍ରେସ ପକ୍ଷରୁ ସାଂସଦ ଅଧୀର ରଞ୍ଜନ ଚୌଧୁରୀ ମତ ରଖିଥିଲେ। ସେ କହିଥିଲେ “ଜମ୍ମୁ କଶ୍ମୀର ଦୁଇ ଦେଶ ମଧ୍ୟରେ ଥିବା ବିବାଦ ବୋଲି କିପରି କହିହେବ? ଏହି ପ୍ରସଙ୍ଗ ଉପରେ ତ ଜାତିସଂଘ ୧୯୪୮ରୁ ନଜର ରଖୁଛି”। ଅଧୀରଙ୍କ ଦ୍ୱାରା ଦିଆଯାଇଥିବା ଏହି ମନ୍ତବ୍ୟକୁ ନେଇ ସେତେବେଳେ ପାଖ ଆସନରେ ବସିଥିବା ସୋନିଆ ଗାନ୍ଧି ଓ ରାହୁଲ ଗାନ୍ଧି ତାଜୁବ ହୋଇଯାଇଥିଲେ। ଯାହାକୁ ନେଇ କଂଗ୍ରେସ ଅଡ଼ୁଆରେ ପଡ଼ିଛି। କାରଣ, ଶିମଲା ଚୁକ୍ତି ଅନୁଯାୟୀ ଜମ୍ମୁ କଶ୍ମୀର ବିବାଦ ଦ୍ୱିପାକ୍ଷିକ ପ୍ରସଙ୍ଗ। ଏହି ପ୍ରସଙ୍ଗରେ ଅନ୍ୟ କୌଣସି ଦେଶ ହସ୍ତକ୍ଷେପ କରିପାରିବ ନାହିଁ।

ଆହୁରି ପଢ଼ନ୍ତୁ

କରୋନା ଚିକିତ୍ସାରୁ ବାଦ୍ ପଡ଼ିପାରେ ପ୍ଲାଜ୍‌ମା ଥେରାପି

ବଜେପି ଛାଡ଼ିଲେ ବରିଷ୍ଠ ନେତା ଏକନାଥ ଖଡ଼ସେ; କହିଲେ, ଫଡ଼ନାଭିସଙ୍କ ପାଇଁ ଛାଡ଼ିଲି ଦଳ

ଆନ୍ଧ୍ର କନକ ଦୁର୍ଗା ମନ୍ଦିର ନିକଟରେ ଭୂସ୍ଖଳନ: ୪ ଫସି ରହିଥିବା ଆଶଙ୍କା

କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ବୋନସ୍ ଘୋଷଣା

ମଦ୍ରାସାକୁ ନେଇ ବିବାଦୀୟ ମନ୍ତବ୍ୟ ଦେଲେ ବିଜେପି ସାଂସଦ

କିଛି ଦିନ ତଳେ କମିଥିଲା, ଏବେ ପୁଣି ବଢ଼ିଲା ସୁନା ଦର

୨୩ ଜଣ ବନ୍ଧୁଙ୍କୁ ନେଇ ରେଷ୍ଟୁରାଣ୍ଟରେ ପହଞ୍ଚିଲେ ଗର୍ଲଫ୍ରେଣ୍ଡ; ବିଲ୍‌ ଦେଖି ଦୌଡି ପଳାଇଲେ ପ୍ରେମିକ

ହାଥରସ୍‌ ଘଟଣା ପରେ ଧର୍ମ ପରିବର୍ତ୍ତନ କଲେ ବାଲ୍ମିକୀ ସମାଜର ୫୦ ପରିବାର

ପାକିସ୍ତାନରେ ବିସ୍ଫୋରଣ: ୩ ମୃତ

ଶତ୍ରୁ ପାଖରେ ବି ମହନୀୟତା ଦେଖାଇଲେ ଭାରତୀୟ ଯବାନ; ଧରାପଡ଼ିଥିବା ଚୀନ ସେନାଙ୍କୁ ଫେରାଇ ଦେଲେ

ପାକିସ୍ତାନ ଅନୁପ୍ରବେଶକାରୀକୁ ଧରିଲା ସେନା; ୫ ହଜାର ପାକିସ୍ତାନୀ ଟଙ୍କା ଜବତ

‘ପାପ, ଭୁଲ ଓ ବେମାରୀକୁ ଛୋଟ ଭାବିବା ଉଚିତ ନୁହେଁ’

You might also like