ସୋନଭଦ୍ରା ହତ୍ୟାକାଣ୍ଡକୁ ନେଇ ସରଗରମ ରାଜନୀତି ରାଜନୀତି

ଲକ୍ଷ୍ନୌ: ଉତ୍ତରପ୍ରଦେଶ ସୋନଭଦ୍ରାରେ ଗୋଟିଏ ଗୋଷ୍ଠୀର ୧୦ ଜଣଙ୍କୁ ହତ୍ୟା କରାଯିବାକୁ ନେଇ ରାଜନୀତି ସରଗରମ ହେବାରେ ଲାଗିଛି। ଜମିଜମା ଗଣ୍ଡଗୋଳରୁ ୧୦ ଜଣ ଆଦିବାସୀଙ୍କୁ ହତ୍ୟା କରାଯିବା ପରେ କଂଗ୍ରେସ ସାଧାରଣ ସଂପାଦିକା ପ୍ରିୟଙ୍କା ଗାନ୍ଧି ଆଜି ମୃତକଙ୍କ ପରିବାରକୁ ଭେଟିବାକୁ ଯିବାବେଳେ ପୁଲିସ୍‌ ତାଙ୍କୁ ଛାଡ଼ି ନଥିଲା।

ବାରାଣସୀ ବିମାନବନ୍ଦରରେ ପହଞ୍ଚିବା ପରେ ପ୍ରିୟଙ୍କା ସୋନଭଦ୍ରାରେ ପହଞ୍ଚିଥିଲେ। ହେଲେ ସୋନଭଦ୍ରା ପୋଲିସ ତାଙ୍କୁ ଗାଁକୁ ଯିବାକୁ ଦେଇନଥିଲା। ଏହାକୁ ନେଇ ପ୍ରୟିଙ୍କା ଓ ସମର୍ଥକମାନେ ଥାନାରେ ଧାରଣାରେ ବସିଥିଲେ। ସେପଟେ ରାହୁଲ ଗାନ୍ଧି ମଧ୍ୟ ପୁଲିସର ଏଭଳି ବ୍ୟବହାରକୁ ନିନ୍ଦା କରିଛନ୍ତି। ତେବେ ପ୍ରିୟଙ୍କା କେବଳ ରାଜନୀତି ପାଇଁ ସୋନଭଦ୍ରା ଆସିଥିବା କହିଛି ବିଜେପି।

ଜମି ବିବାଦକୁ ନେଇ ଆଦିବାସୀ ସଂପ୍ରଦାୟର ୧୦ ଜଣଙ୍କୁ ହତ୍ୟା ଘଟଣାକୁ ବିରୋଧୀ ତୀବ୍ର ନିନ୍ଦା କରିଛନ୍ତି। ଯୋଗୀ ସରକାରଙ୍କ ଅମଳରେ ରାଜ୍ୟରେ ଆଇନଶୃଙ୍ଖଳା ବିଗିଡ଼ିବା ସହ ଦଳିତ ଓ ଆଦିବାସୀଙ୍କ ପ୍ରତି ବିପଦ ବଢ଼ିବାରେ ଲାଗିଛି ବୋଲି ବିରୋଧୀ ଅଭିଯୋଗ କରିଛନ୍ତି। ଏହାକୁ ନେଇ ରାଜନୀତି ସରଗରମ ଥିବାବେଳେ ପୀଡ଼ିତଙ୍କ ପରିବାରକୁ ଭେଟିବାକୁ ଉଦ୍ୟମ କରି ପୋଲିସ ଦ୍ୱାରା ଗିରଫ ହୋଇଛନ୍ତି କଂଗ୍ରେସ ସାଦାରଣ ସଂପାଦିକା ପ୍ରିୟଙ୍କା ଗାନ୍ଧି।

ପ୍ରିୟଙ୍କାଙ୍କୁ ଗିରଫ କରାଯିବାକୁ ତୀବ୍ର ନିନ୍ଦା କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧି। ଗରିବ ଆଦିବାସୀ, ଯିଏକ ନିଜ ଜମିର ସୁରକ୍ଷା ପାଇଁ ଲଢ଼େଇ କରୁଥିଲେ, ତାଙ୍କ ପରିବାରକୁ ସାକ୍ଷାତ କରିବାକୁ ନ ଦେବା ଦୁର୍ଭାଗ୍ୟଜନକ ବୋଲି ରାହୁଲ କହିଛନ୍ତି। ତେବେ ପ୍ରିୟଙ୍କା ଅଟକ ରଖିବା, ଉତ୍ତରପ୍ରଦେଶ ସରକାରଙ୍କ ଅସହାୟତାର ପରିଚୟ ଦେଉଛି ବୋଲି ରାହୁଲ ଟ୍ୱିଟ୍ କରିଛନ୍ତି। ସେପଟେ ଘଟଣାକୁ ନେଇ କଂଗ୍ରେସ ରାଜନୀତି କରୁଥିବା କହିଛନ୍ତି ବିଜେପି ସାଂସଦ ଜଗଦମ୍ବିକା ପାଲ୍। ମୋଦି ଲହରରେ କଚାଡ଼ି ହୋଇପଡ଼ିଥିବା କଂଗ୍ରେସ ପାଦ ଠିକ୍ କରିବା ଲାଗି ଘଟଣାକୁ ରାଜନୈତିକ ଅସ୍ତ୍ର କରୁଛି ବୋଲି ପାଲ୍ କହିଛନ୍ତି

ବୁଧବାର ଦିନ ଘଟଣା ଘଟିଥିବାବେଳେ ରାଜ୍ୟ ସରକାର ଏହାକୁ ଗୁରୁତ୍ୱ ସହ ନେଇ ତଦନ୍ତ କରୁଛନ୍ତି। ଅଭିଯୁଙ୍କ ବିରୋଧରେ ମାମଲା ରୁଜୁ ହେବା ସହ ୨୮ରୁ ଅଧିକ ଲୋକଙ୍କୁ ଗିରଫ କରାଯାଇଛି। ଆହତଙ୍କ ଚିକିତ୍ସା ଖର୍ଚ୍ଚ ସରକାର ବହନ କରୁଥିବାବେଳେ ପୀଡ଼ିତ ପରିବାରଙ୍କୁ କ୍ଷତିପୂରଣ ପ୍ରଦାନ କରାଯାଇଛି ବୋଲି ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ ଦୀନେଶ ଶର୍ମା କହିଛନ୍ତି।

ଖଣିଜ ସମ୍ପଦ ଭରପୁର ସୋନଭଦ୍ରା ରାଜ୍ୟର ଶକ୍ତି କେନ୍ଦ୍ର ଭାବେ ପରିଚିତ ଥିବାବେଳେ ବୁଧବାର ଦିନ ଜମି ବିବାଦକୁ ନେଇ ହତ୍ୟାକାଣ୍ଡ ହୋଇଥିଲା। ଦଖଲ ନେବାରେ ବାଧା ଉପୁଜାଇବାରୁ ଉମ୍ଭା ଗାଁର ମୁଖିଆ ଯଜ୍ଞଦତ୍ତ ନିଜ ସମର୍ଥକଙ୍କ ସହିତ ଆସି ଆଦିବାସୀ ସମ୍ପ୍ରଦାୟର ୧୦ ଜଣଙ୍କୁ ଆଖିବୁଜା ଗୁଳି କରି ହତ୍ୟା କରିଥିଲେ।

 

ଆହୁରି ପଢ଼ନ୍ତୁ

ସିଏଏ ଆଇନ୍‌ ବିରୋଧ ହିଂସା: ପଶ୍ଚିମବଙ୍ଗରେ ୫ ସ୍ଥାନର ଇଣ୍ଟରନେଟ୍ ସେବା ବନ୍ଦ

‘ମିସ୍‌ ୱାର୍ଲଡ’ ମୁକୁଟ; ତୃତୀୟ ସ୍ଥାନରେ ଭାରତୀୟ ସୁନ୍ଦରୀ ସୁମନ୍‌

ଭାଗ୍ୟ ବଦଳାଇଲା ପିଆଜ; ଋଣଗ୍ରସ୍ତ ଚାଷୀ ଏବେ କୋଟିପତି

ଦିଲ୍ଲୀ ମେଟ୍ରୋରେ ଚାକିରି କରିବାକୁ ଚାହୁଁଛନ୍ତି ? ତୁରନ୍ତ କରନ୍ତୁ ଆବେଦନ…

କମିଲା ରିଲାଏନ୍ସ ଜିଓ ଫାଇବରର ନେଟ୍‌ ସ୍ପିଡ୍

ସହିଦ ବାପାଙ୍କ ପ୍ରତିମୂର୍ତ୍ତିକୁ ଜୀବିତ ଭାବି ଚୁମ୍ବନ ଦେଲା କୁନି ଝିଅ

ପିଆଜ ପରେ ବଢ଼ିଲା କ୍ଷୀର ଦର; କେତେ ହେଲା ଜାଣନ୍ତୁ

୫୦୦ ମିଟର ତଳକୁ ଖସିଲା ବସ୍; ୧୨ ମୃତ, ଅନେକ ଆହତ

ଶସ୍ତା ହେଲା ସାମସଙ୍ଗ୍‌ର ଏହି ଫୋନ୍‌

ପାହାଚ ଚଢିବା ବେଳେ ପଡ଼ିଗଲେ ମୋଦି

ବିନା ଟଙ୍କାରେ ଏମିତି ବୁକ୍‌ କରନ୍ତୁ ଟ୍ରେନ୍‌ ଟିକେଟ୍‌

ସିଏଏକୁ ବିରୋଧ: ୫ ଟ୍ରେନ୍‌ ଜାଳିଦେଲେ ବିକ୍ଷୋଭକାରୀ

You might also like