ଗିଲଗିତ୍‌-ବାଲ୍ଟିସ୍ତାନ ଓ ମୁଜାଫରବାଦକୁ ଭାରତର ଅଙ୍ଗ କହିଲା IMD

ନୂଆଦିଲ୍ଲୀ: ପାକିସ୍ତାନ ଅଧୀନରେ ଥିବା ଗିଲଗିତ୍‌ ବାଲ୍‌ଟିସ୍ଥାନ ଭାରତର ଅଭିନ୍ନ ଅଙ୍ଗ।  ଭାରତୀୟ ପାଣିପାଗ ବିଭାଗ (IMD) ତାର ବୁଲେଟିନ୍‌ରେ ଏକଥା ସଷ୍ଟ କରିଛି। IMD ତାର ମେ’ ୫ ତାରିଖ ବୁଲେଟିନ୍‌ରେ ଜମ୍ମୁ-କାଶ୍ମୀର ସବ୍‌ଡିଭିଜନରେ  ଜମ୍ମୁ-କାଶ୍ମୀର, ଲଦାଖ, ଗିଲଗିତ୍‌-ବାଲ୍ଟିସ୍ତାନ ଏବଂ ମୁଜାଫରବାଦକୁ ସାମିଲ କରିବା ଆରମ୍ଭ କରିଛି। ଏଠି କହି ରଖିବୁ ଗିଲଗିତ୍‌-ବାଲ୍ଟିସ୍ତାନ ଏବଂ ମୁଜାଫରବାଦକୁ  ଏବେ ପାକିସ୍ତାନ ନିଜ କବ୍‌ଜାରେ ରଖିଛି।

ମଙ୍ଗଳବାର IMD ଉତ୍ତର-ପଶ୍ଚିମ ଭାରତର ପାଣିପାଗ ବିବରଣୀ ଦେବାବେଳେ ଏଥିରେ ପାକ୍‌ ଅଧିକୃତ ଏହି ଦୁଇ ଅଞ୍ଚଳକୁ ସାମିଲ କରିଛି। ତେବେ IMD ତାର ପାଣିପାଗ ବୁଲେଟିନ୍‌ରେ ଏପରି ସୂଚନା ଦେବା ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ। IMD ଡାଇରେକ୍ଟର ଜେନେରାଲ ମୃତ୍ୟୁଞ୍ଜୟ ମହାପାତ୍ର କହିଛନ୍ତି, ‘IMD ସମ୍ପୂର୍ଣ୍ଣ ଜମ୍ମୁ-କାଶ୍ମୀରର ପାଣିପାଗ ରିପୋର୍ଟ ତାର ବୁଲେଟିନ୍‌ରେ ଦେଇଥାଏ। ଆମେ ଏହି ବୁଲେଟିନ୍‌ରେ ଗିଲଗିତ୍‌-ବାଲ୍ଟିସ୍ତାନ ଏବଂ ମୁଜାଫରବାଦକୁ ଏଥିପାଇଁ ସ୍ଥାନ ଦେଇଛୁ ଯେ, ଏହାର ଭାରତର ଏକ ଅଙ୍ଗ ଅଟେ। ‘

ସୂଚନାଥାଉ କି, ଚଳିତମାସ ପ୍ରାରମ୍ଭରେ ଭାରତ କହିଥିଲା, ଏହି ଇଲାକାରେ ପାକିସ୍ତାନର କୌଣସି ଅଧିକାର ନାହିଁ। ସେଠିକାର ସୁପ୍ରିମକୋର୍ଟ ଗିଲଗିତ୍‌-ବାଲ୍ଟିସ୍ତାନରେ ନିର୍ବାଚନ କରିବା ପାଇଁ ପାକ୍ ସରକାରଙ୍କୁ ନିର୍ଦ୍ଦେଶ ଦେଇଥିଲେ। ଭାରତ ଏହା ଉପରେ ତୀବ୍ର ପ୍ରତିକ୍ରିୟା ପ୍ରକାଶ କରିବା ସହ ଏହି ଅଞ୍ଚଳରେ ପାକିସ୍ତାନର କୌଣସି ଅଧିକାର ନାହିଁ ବୋଲି କହିଥିଲା।

 

You might also like