ଫିଟ୍ ଇଣ୍ଡିଆ ଅଭିଯାନରେ ସଫଳତାର ମନ୍ତ୍ର ଦେଲେ ମୋଦି

ନୂଆଦିଲ୍ଲୀ: ଜାତୀୟ କ୍ରୀଡ଼ା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫିଟ୍ ଇଣ୍ଡିଆ ଅଭିଯାନର ଶୁଭାରମ୍ଭ କରିଛନ୍ତି। ଦେଶବାସୀଙ୍କୁ ଫିଟ୍ ରଖିବା ପାଇଁ କେନ୍ଦ୍ର ସରକାର ଏହି ଅଭିଯାନ ଆରମ୍ଭ କରିଛନ୍ତି। ଖୁବଶୀଘ୍ର ସବୁ ସ୍କୁଲ୍, କଲେଜ, ଜିଲ୍ଲା, ବ୍ଲକ ଏବଂ ଗାଁ ଗୁଡ଼ିକରେ ଏହି ଅଭିଯାନ ଆରମ୍ଭ ହେବାକୁ ଯାଉଛି। ଆଜି ଉଦ୍‌ଘାଟନ ଉତ୍ସବ ଅବସରରେ ଦେଶବାସୀଙ୍କୁ ଫିଟ୍ ରହିବା ପାଇଁ ଅନେକ ମନ୍ତ୍ର ଦେଇଛନ୍ତି ପ୍ରଧାନମନ୍ତ୍ରୀ। ଯେଉଁଥିରେ ସେ କହିଛନ୍ତି ଲିଫ୍ଟ ପରିବର୍ତ୍ତେ ଲୋକେ ସିଡ଼ି ବ୍ୟବହାର କରିବା ଉଚିତ।

ପ୍ରଧାନମନ୍ତ୍ରୀ କହିଥିବା ଫିଟନେସ ମନ୍ତ୍ର

ଫିଟନେସ ଏକ ସାଧାରଣ ଶବ୍ଦ ନୁହେଁ ବରଂ ସୁସ୍ଥ ରହିବା ସହିତ ସମୃଦ୍ଧ ଜୀବନ ଯାପନ କରିବା ହେଉଛି ଏହି ଶବ୍ଦର ପ୍ରକୃତ ଅର୍ଥ। ଏବେ ଦୈନନ୍ଦିନ ଜୀବନରେ ଦେଖାଦେଉଥିବା ରୋଗ ଓ ଅସନ୍ତୁଳନ ଆମର ଜୀବନଶୈଳୀର ପରିବର୍ତ୍ତନ ଯୋଗୁ ଘଟୁଛି। ତେଣୁ ଏହାକୁ ପ୍ରତିହତ କରିବା ପାଇଁ ଆମକୁ ଜୀବନଶୈଳୀରେ ପରିବର୍ତ୍ତନ ଆଣିବାର ଆବଶ୍ୟକ ରହିଛି।

ସଫଳତା ଏବଂ ଫିଟନେସ ମଧ୍ୟରେ ସମ୍ପର୍କ ରହିଛି। ଯିଏ ଫିଟ୍ ସିଏ ସଫଳ ହୁଏ। କାରଣ ସିନେମା ହେଉ କି କ୍ରୀଡା କିମ୍ୱା ଅନ୍ୟ କ୍ଷେତ୍ରରେ ହିରୋ ସବୁବେଳେ ଫିଟ୍ ଥାଏ ସେଥିପାଇଁ ସଫଳତା ପାଏ।

ଯିଏ ସଫଳ ହୁଅନ୍ତି ତାଙ୍କର ଗୋଟିଏ ଲକ୍ଷ୍ୟ ଥାଏ ଆଉ ତା’ ହେଉଛି ସେ କିଭଳି ଫିଟ୍ ରହିବେ। ଯେକୌଣସି ବ୍ୟକ୍ତି ଉଭୟ ମାନସିକ ଏବଂ ଫିଜିକାଲ ଭାବରେ ଫିଟ୍ ରହିବା ଜରୁରୀ। ବେଡ୍ ରୁମ ହେଉ ଅବା ବଲିଉଡ, ଯିଏ ଫିଟ୍ ସିଏ ସଫଳତା ପାଇଛି। ଆଉ ଯଦି ଶରୀର ଫିଟ୍ ରହିଛି ତା’ହେଲେ ମାଇଣ୍ଡ ବା ମାନସିକ ଅବସ୍ଥା ମଧ୍ୟ ଫିଟ୍ ରହିବ।

ଏହି ଅଭିଯାନ ଯଦିଓ ସରକାର ଆରମ୍ଭ କରିଛନ୍ତି, ଲୋକମାନେ ହିଁ ଏହି ଅଭିଯାନକୁ ଆଗକୁ ନେବେ। ଏଥିରେ ପୁଞ୍ଜି ନିବେଶ ଶୂନ ରହିଥିବା ବେଳେ ଏହାର ରିଟର୍ଣ୍ଣ ଅସୀମିତ। ଶରୀର ଫିଟ୍ ରହିବା ପାଇଁ ଲିଫ୍ଟ ନୁହେଁ ବରଂ ସିଡ଼ି ବା ପାହାଚ ବ୍ୟବହାର କରିବା ଉଚିତ୍। ଯଦି ଜଣେ ଫିଟ୍ ରହିଛି ତା’ହେଲେ ଯାଇ ସେ ସିଡ଼ି ବ୍ୟବହାର କରିପାରିବ।

ପୂର୍ବରୁ ଲୋକମାନେ ଶାରୀରିକ ଶ୍ରମ କରୁଥିଲେ, ତେଣୁ ଫିଟ୍ ରହୁଥିଲେ। ହେଲେ ଆଜିର ବୈଷୟିକ ଯୁଗରେ ବହୁତ ଲୋକ ବେଶୀ ଚାଲି ପାରୁନାହାନ୍ତି କି ପରିଶ୍ରମ ମଧ୍ୟ କରୁନାହାନ୍ତି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହୁଛନ୍ତି।

ଆହୁରି ପଢ଼ନ୍ତୁ

ମଦ ଢାଳି ଭୂମି ପୂଜନ କଲେ ବିଧାୟକ

ମୁଙ୍ଗେର ଗୁଳିକାଣ୍ଡ ପ୍ରତିବାଦରେ ବ୍ୟାପକ ହିଂସାକାଣ୍ଡ, ତଦନ୍ତ ନିର୍ଦ୍ଦେଶ ଦେଲେ ସିଇସି

ଫ୍ରାନ୍ସରେ ଆତଙ୍କବାଦୀ ଆକ୍ରମଣ

ବିବାଦୀୟ ମାନଚିତ୍ର ନେଇ ସଂସଦୀୟ କମିଟି ପାଖରେ କ୍ଷମା ମାଗିଲା ଟ୍ୱିଟର

ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲଙ୍କ ପରଲୋକ

ଜେଇଇ ମେନ୍‌ରେ ଟପ୍ କରିଥିବା ପରୀକ୍ଷାର୍ଥୀ ଗିରଫ

୬୫ ବର୍ଷରେ ବିବାହ କଲେ ବରିଷ୍ଠ ଓକିଲ ହରିଶ ସାଲ୍‌ଭେ

ଲ୍ୟାଣ୍ଡ ମାଇନ୍ସ ବିଛାଉଥିବାବେଳେ ବିସ୍ଫୋରଣ; ୧୨ରୁ ଅଧିକ ସେନା ମୃତ

୬୦ ବର୍ଷୀୟ ବୃଦ୍ଧଙ୍କ ଆଖିରୁ ବାହାରିଲା ୨୦ ଜୀବନ୍ତ କୃମି

ଭୟରେ ପାଦ ଥରୁଥିଲା, ଝାଳରେ ଭିଜି ଯାଇଥିଲେ ପାକ୍‌ ଆର୍ମି ଚିଫ୍, ଶେଷରେ ଅଭିନନ୍ଦନଙ୍କୁ ଛାଡି ଦେଇଥିଲେ

ବେଷ୍ଟ୍‌ କଷ୍ଟ୍ୟୁମ୍ ଡିଜାଇନର୍ ପୁରସ୍କାର ପାଇବେ ଏହି ଦିନ ମଜୁରିଆ

କରୋନା କାଳରେ ପୋଲିସ ଦମନଲୀଳାକୁ ଭର୍ତ୍ସନା କଲେ ସୁପ୍ରିମକୋର୍ଟ

You might also like