୩୭୦ ଉଚ୍ଛେଦ ପରେ ହିଂସାକୁ ନିୟନ୍ତ୍ରଣ ପାଇଁ ସରକାର କେମିତି ହୋଇଥିଲେ ପ୍ରସ୍ତୁତ, ଜାଣନ୍ତୁ

ନୂଆଦିଲ୍ଲୀ: ଜମ୍ମୁ-କଶ୍ମୀର ପାଇଁ ୭ ଦଶନ୍ଧି ଧରି ଲାଗୁ ହୋଇଥିବା ଧାରା ୩୭୦କୁ ଉଚ୍ଛେଦ କରିବା ପୂର୍ବରୁ କେନ୍ଦ୍ର ସରକାର ହିଂସା ନିୟନ୍ତ୍ରଣ ପାଇଁ ବ୍ୟାପକ ପ୍ରସ୍ତୁତି କରିଥିଲେ। ୧୪୪ ଧାରା ଜାରି କରିବାଠାରୁ ଆରମ୍ଭ କରି ବିଭିନ୍ନ ନେତାଙ୍କୁ ଅଟକ ଏବଂ ଫୋନ୍‌ ଓ ଇଣ୍ଟରନେଟ୍‌ ବନ୍ଦ ଆଦି ପଦକ୍ଷେପ ନିଆଯାଇଥିଲା। ତେବେ ବର୍ତ୍ତମାନ ସୂଚନା ମିଳିଛି ଅଗଷ୍ଟ ୫ ତାରିଖର ଏହି ଐତିହାସିକ ନିଷ୍ପତ୍ତି ପରେ ସମ୍ଭାବ୍ୟ ହିଂସାକୁ ନିୟନ୍ତ୍ରଣ ପାଇଁ ୪ଟି ଗୋଷ୍ଠୀ ସରକାରଙ୍କ ଟାର୍ଗେଟ୍‌ରେ ଥିଲେ। ସେମାନଙ୍କ ପାଇଁ ପ୍ରସ୍ତୁତ ହୋଇଥିଲା ସ୍ୱତନ୍ତ୍ର ବ୍ଲୁ ପ୍ରିଣ୍ଟ।

ପ୍ରଥମ ଗୋଷ୍ଠୀଙ୍କୁ ‘ମୁଭର୍ସ ଆଣ୍ଡ ଶେକର୍ସ’ ନାମ ଦିଆଯାଇଥିଲା। ଏମାନେ ବାହାରକୁ ସକାରାତ୍ମକ ଲୋକ ବୋଲି ଜଣାପଡ଼ନ୍ତି, ବୁଦ୍ଧିଜୀବୀଙ୍କ ସହ ଚଳପ୍ରଚଳ କରନ୍ତି କିନ୍ତୁ ସୂଚନା ଏକାଠି କରି ହିଂସା ସୃଷ୍ଟି ପାଇଁ ଅନୁକୂଳ ପରିବେଶ ସୃଷ୍ଟି କରନ୍ତି। ଏହିଁ ଗୋଷ୍ଠୀରେ ହୁରିୟାତ୍‌ ପରି ସଂଗଠନ ଏବଂ ଅନ୍ୟ ମୁଖ୍ୟସ୍ରୋତର ରାଜନୀତିକ ଦଳର ନେତାମାନଙ୍କୁ ଚିହ୍ନଟ କରାଯାଇଥିଲା। ଏମାନଙ୍କୁ ଗୃହବନ୍ଦୀ କରାଯିବ ଏବଂ ବିଶେଷ ପରିସ୍ଥିତିରେ ଗିରଫ କରାଯିବ ବୋଲି ନିଷ୍ପତ୍ତି କରାଯାଇ ଥିଲା।

ଦ୍ୱିତୀୟ ଗୋଷ୍ଠୀ ଢେଲାପଥର ମାଡ଼ କରୁଥିବା ଏବଂ ହିଂସାତ୍ମକ ଉପାୟରେ ବିରୋଧ କରୁଥିବା ଗୋଷ୍ଠୀ। ଏଥିରେ ଅଧିକାଂଶ କିଶୋର ବର୍ଗର କଶ୍ମିରୀ ରହିଥା’ନ୍ତି। ଏମାନଙ୍କ ମୁକାବିଲା ପାଇଁ ସରକାର କମ୍ୟୁନିଟି ବଣ୍ଡ ବ୍ୟବସ୍ଥା କରିଛନ୍ତି। ଏଥିରେ ୨୦ ପରିବାରକୁ ନେଇ ଗୋଟିଏ ଗୋଷ୍ଠୀ ଗଢ଼ାଯାଇ ସେମାନଙ୍କୁ ଏପରି କାର୍ଯ୍ୟକଳାପରୁ ବିରତ ରହିବାକୁ କୁହାଯାଇଛି।

ତୃତୀୟ ଗୋଷ୍ଠୀ ହେଉଛନ୍ତି ଆତଙ୍କବାଦୀ। ପ୍ରଶାସନ ନିଶ୍ଚିତ ଯେ ଅନ୍ତର୍ଜାତୀୟ ସୀମାରେ ଓ ଏଲ୍‌ଓସି ଦେଇ ପାକିସ୍ତାନ ଆତଙ୍କବାଦୀଙ୍କ ଅନୁପ୍ରବେଶ ଉଦ୍ୟମକୁ ସାହାଯ୍ୟ କରିବ। ଏମାନଙ୍କ ଦାୟିତ୍ୱରେ ଭାରତୀୟ ସେନା ରହିବେ। ସରକାର ପଞ୍ଜାବ ଏବଂ ଜମ୍ମୁରେ ମଧ୍ୟ ପ୍ରଭାବୀ ସୁରକ୍ଷା ବ୍ୟବସ୍ଥା କରିବାକୁ ଭିନ୍ନ ଯୋଜନା କରିଛନ୍ତି।

ଚତୁର୍ଥ ଗୋଷ୍ଠୀ ହେଉଛନ୍ତି ଧାର୍ମିକ ନେତାଙ୍କ ପରି ପ୍ରଭାବଶାଳୀ ବ୍ୟକ୍ତି ସମୂହ। ମିଳିଥିବା ସୂଚନା ଅନୁଯାୟୀ, ସରକାର ସେହି ସମସ୍ତ ଧାର୍ମିକ ନେତାଙ୍କ ଉପରେ ନଜର ରଖିବାକୁ ଯୋଜନା କରିଥିଲେ ଯେଉଁମାନେ ଉପତ୍ୟକାରେ ଅଶାନ୍ତି ଏବଂ ହିଂସା ସୃଷ୍ଟି କରିବା ଯୋଜନାରେ ଲିପ୍ତ ରହିଥା’ନ୍ତି। କର୍ତ୍ତୃପକ୍ଷ ଏମାନଙ୍କ କ୍ଷେତ୍ରରେ ଜିରୋ ଟଲେରାନ୍ସ ନୀତି ଆପଣାଇବା ସହ ସନ୍ଦେହ ହେଲେ ଗିରଫ କରିବାକୁ ନିଷ୍ପତ୍ତି ନେଇଥିଲେ।

ଆହୁରି ପଢ଼ନ୍ତୁ

CAA ବିରୋଧୀ ହିଂସା: ପୋଲିସ କର୍ମୀ ମୃତ

‘ନମସ୍ତେ’ରୁ ଆରମ୍ଭ, ‘ଓ୍ୱି ଲଭ୍ ଇଣ୍ଡିଆ’ରେ ଅଭିଭାଷଣ ଶେଷ କଲେ ଟ୍ରମ୍ପ

ସୁନା କିଣିବା ପାଇଁ ଯୋଜନା କରୁଛନ୍ତି କି ? ଲାଗିପାରେ ଏମିତି ଝଟ୍‌କା

ସାବରମତୀ ଆଶ୍ରମରେ ଚରଖା ଚଲେଇଲେ ଟ୍ରମ୍ପ

ବିମାନ ବନ୍ଦରରେ ଟ୍ରମ୍ପଙ୍କୁ ଆଲିଙ୍ଗନ କଲେ, ପାଛୋଟି ନେଲେ ମୋଦି

ଭାରତରେ ପହଞ୍ଚିଲେ ଟ୍ରମ୍ପ, ବିମାନବନ୍ଦରରେ ବିପୁଳ ସ୍ୱାଗତ

ଚୀନ୍‌ ପରେ ଏବେ ଦକ୍ଷିଣ କୋରିଆରେ କରୋନା ଆତଙ୍କ

କାଲି ଆସୁଛନ୍ତି ଟ୍ରମ୍ପ; ଏମିତି ହୋଇଛି ପ୍ରସ୍ତୁତି

ସୋନଭଦ୍ରରେ ସୁନା ନାହିଁ; ଖବର ମିଛ ବୋଲି କହିଲା ଭାରତୀୟ ଭୂତତ୍ତ୍ୱ ସର୍ବେକ୍ଷଣ ସଂସ୍ଥା

କଂଗ୍ରେସ ପାଇଁ ସକ୍ରିୟ ଏବଂ ପୂର୍ଣ୍ଣକାଳୀନ ନେତୃତ୍ୱ ଦରକାର: ଶଶି ଥରୁର

ବଢ଼ିପାରେ ତମାଖୁ ସେବନର ବୟସ ସୀମା

ଦିଲ୍ଲୀରେ ସିଏଏ ସପକ୍ଷବାଦୀ ଓ ଆନ୍ଦୋଳନକାରୀଙ୍କ ମଧ୍ୟରେ ପଥର ମାଡ଼

You might also like