୨ ଦିନରେ ହ୍ରାସ ପାଇଲା ପେଟ୍ରୋଲ, ଡିଜେଲ ଦର

ନୂଆଦିଲ୍ଲୀ: ସରକାରୀ ତେଲ କମ୍ପାନୀ ଆଜି ୨ୟ ଦିନରେ ପୁଣି ପେଟ୍ରୋଲ,ଡିଜେଲ ଦର ହ୍ରାସ କରିଛନ୍ତି। ଆଜି ପେଟ୍ରୋଲ ୨୧ ପଇସା ଏବଂ ଡିଜେଲ ୨୦ ପାଇସା ଶସ୍ତା ହୋଇଛି। ଫଳରେ ଉପଭୋକ୍ତାଙ୍କୁ ସାମାନ୍ୟ ଆଶ୍ୱସ୍ତି ମିଳିଛି। ଦର ହ୍ରାସ ପରେ ଦିଲ୍ଲୀରେ ପେଟ୍ରୋଲ ଦାମ ଲିଟର ପିଛା ୯୦.୭୮ଟଙ୍କା ହୋଇଥିବାବେଳେ ଡିଜେଲ ଦାମ ୮୧.୧୦ଟଙ୍କା ହୋଇଛି। ସେହିପରି ମୁମ୍ବାଇରେ ପେଟ୍ରୋଲ ଦର ୯୭.୧୯ ଟଙ୍କା ଏବଂ ଡିଜେଲ ଦାମ ୮୮.୨୦ ଟଙ୍କା ରହିଛି। ଦୁଇଦିନ ଭତରେ ପେଟ୍ରୋଲ ଦାମ ୩୯ ଏବଂ ଡିଜେଲ ଦାମ ଲିଟର ପିଛା ୩୭ ପଇସା ଶସ୍ତା ହୋଇଛି।

ସେହପରି ଚେନ୍ନଇରେ ପେଟ୍ରୋଲ ଦର ୯୨.୭୭ ଓ ଡିଜେଲ ଦର ୮୬.୧୦ଟଙ୍କା, କୋଲକାତାରେ ୯୦.୦୮ ଏବଂ ଡିଜେଲ ଦର ୮୩.୯୮ ଟଙ୍କା ରହିଛି।

ସୂଚନାଥାଉ କି, ଗତମାସରେ ୧୦ ଫେବ୍ରୁଆରୀରୁ୨୬ ଫେବ୍ରୁଆରୀ ମଧ୍ୟରେ ଘରୋଇ ତୈଳ କମ୍ପାନୀଗୁଡ଼ିକ ପେଟ୍ରୋଲ, ଡିଜେଲ ଦାମ ଲିଟର ପିଛା ୪ରୁ ୫ ଟଙ୍କା ଯାଏ ବୃଦ୍ଧି କରିଥିଲେ।

 

 

You might also like