ଆତଙ୍କବାଦୀଙ୍କୁ ଦେଶର ହିରୋ କହିଲେ ମୁସାରଫ

ଇସ୍‌ଲାମାବାଦ୍: ପାକିସ୍ତାନ ଆତଙ୍କବାଦୀଙ୍କ ଭୂସ୍ୱର୍ଗ-ଏକଥା ସ୍ୱୀକାର କରିଛନ୍ତି ଏହି ଦେଶର ପୂର୍ବତନ ରାଷ୍ଟ୍ରପତି ପର୍ଭେଜ୍‌ ମୁସାରଫ। ଏକ ଗଣମାଧ୍ୟମ ସାକ୍ଷାତକାରରେ ସେ କହିଛନ୍ତି କାଶ୍ମିରୀରେ ଭାରାତୀୟ ସେନା ବିରୋଧରେ ଲଢ଼ିବା ପାଇଁ ପାକିସ୍ତାନରେ ମୁଜାହିଦ୍ଦୀନ୍‌  ତାଲିମ୍‌ ଦିଆଯାଉଥିଲା। ସେ ଜିହାଦୀ ଆତଙ୍କବାଦୀମାନଙ୍କୁ  ହିରୋ ବୋଲି କହିଛନ୍ତି। ସେତିକି ନୁହେଁ, ସେ ଓସାମା ବିନ୍‌ ଲାଡେନ୍‌, ଆୟମାନ୍‌ ଅଲ୍‌ ଜୱାହିରି, ଜଲ୍ଲାଉଦ୍ଦିନ୍‌ ହକାନି ଏବଂ ଅନ୍ୟମାନଙ୍କୁ ମଧ୍ୟ ‘ପାକିସ୍ତାନର ହିରୋ’ କହିବାକୁ ପଛାଇ ନାହାନ୍ତି।

ବୁଧବାର ପାକିସ୍ତାନର ଜଣେ ରାଜନୀତିକ ବ୍ୟକ୍ତି ଫରାହତୁଲ୍ଲା ବାବର ଟ୍ୱିଟରରେ ଏକ ଭିଡିଓ ଜାରି କରିଛନ୍ତି, ଯେଉଁଥିରେ ମୁସାରଫ୍‌ଙ୍କ ସାକ୍ଷାତକାରର ଏକ ଅଂଶ ରହିଛି। ମୁସାରଫ୍‌ ଏଥିରେ କହିଛନ୍ତି, “ପାକିସ୍ତାନ ଆସିଥିବା କଶ୍ମିରୀମାନଙ୍କୁ ହିରୋ ଭଳି ସମ୍ମାନର ସହ ଗ୍ରହଣ କରାଯାଉଥିଲା। ଆମେ ସେମାନଙ୍କୁ ତାଲିମ ଦେବା ସହ ସମର୍ଥନ ଦେଇଆସୁଥିଲୁ। ଆମେ ସେମାନଙ୍କୁ ମୁଜାହିଦ୍ଦୀନ ବୋଲି ବିଚାର କରୁଥିଲୁ ଯେଉଁମାନେ କି ଭାରତୀୟ ସେନା ସହ ଲଢ଼େଇ କରିବାର ଥିଲା। ଏହି ସମୟରେ ଲସ୍କର-ଇ-ତାଏବା ଭଳି ଅନେକ ସଂଗଠନ ମୁଣ୍ଡ ଟେକିଥିଲା। ସେମାନେ (ଜିହାଦୀ) ଆମ ହିରୋ।”

ପାକିସ୍ତାନର ସେନାମୁଖ୍ୟ ଦାୟିତ୍ୱ ତୁଲାଇ  ସାରିଥିବା ମୁସାରଫ ଆହୁରି ମଧ୍ୟ କହିଛନ୍ତି, “୧୯୭୯ ମସିହାରେ ଆମେ ଆଫଗାନିସ୍ତାନରେ ଧାର୍ମିକ ଆତଙ୍କବାଦ ଆରମ୍ଭ କରିଥିଲୁ, ଯାହାକି ପାକିସ୍ତାନ ପାଇଁ ଲାଭବାନ ହେବାର ଥିଲା ଏବଂ ଏହା ସୋଭିଏତ୍‌କୁ ସେହି ଦେଶରୁ ହଟାଇବା ପାଇଁ ଥିଲା। ଆମେ ସାରା ବିଶ୍ୱରୁ ମୁଜାହିଦ୍ଦୀନ୍‌ ଆଣିଥିଲୁ, ସେମାନଙ୍କୁ ଅସ୍ତ୍ର ଦେବା ସହ ତାଲିମ ମଧ୍ୟ ଦେଇଥିଲୁ।  ସେମାନେ ଆମ ହିରୋ ଥିଲେ, ହକାନି ଆମ ହିରୋ ଥିଲା, ଲାଡେନ୍‌ ମଧ୍ୟ ହିରୋ ଥିଲା ଏବଂ ଜୱାହିରି ମଧ୍ୟ ଆମ ହିରୋ ଥିଲା। ଏହାପରେ ପୁରା ବିଶ୍ୱର ପରିବେଶ ବଦଳିଲା। ବିଭିନ୍ନ ପ୍ରସଙ୍ଗକୁ ବିଶ୍ୱ ଅଲଗା ନଜରରେ ଦେଖିଲା। ଆମ ହିରୋମାନଙ୍କୁ ଭିଲେନ୍‌ ନଜରରେ ଦେଖାଗଲା।”

ମୁସାରଫଙ୍କ ଏହି ମନ୍ତବ୍ୟ ପାକିସ୍ତାନର ମୁଖା ଖୋଲି ଦେଇଛି। ପାକିସ୍ତାନ କଶ୍ମୀରରେ ମୁଣ୍ଡ ଖେଲାଉନି ବୋଲି କହି ଆସୁଥିବା ମିଛ ଆଉଥରେ ଧରାପଡ଼ିଯାଇଛି। ପାକିସ୍ତାନ ହିଁ ଯେ ଆତଙ୍କବାଦର ପ୍ରାଣକେନ୍ଦ୍ର ଏବଂ ଭୂସ୍ୱର୍ଗ ତାହା ସ୍ପଷ୍ଟ ହୋଇଯାଇଛି।

ଆହୁରି ପଢ଼ନ୍ତୁ

ସିଏଏ ଆଇନ୍‌ ବିରୋଧ ହିଂସା: ପଶ୍ଚିମବଙ୍ଗରେ ୫ ସ୍ଥାନର ଇଣ୍ଟରନେଟ୍ ସେବା ବନ୍ଦ

‘ମିସ୍‌ ୱାର୍ଲଡ’ ମୁକୁଟ; ତୃତୀୟ ସ୍ଥାନରେ ଭାରତୀୟ ସୁନ୍ଦରୀ ସୁମନ୍‌

ଭାଗ୍ୟ ବଦଳାଇଲା ପିଆଜ; ଋଣଗ୍ରସ୍ତ ଚାଷୀ ଏବେ କୋଟିପତି

ଦିଲ୍ଲୀ ମେଟ୍ରୋରେ ଚାକିରି କରିବାକୁ ଚାହୁଁଛନ୍ତି ? ତୁରନ୍ତ କରନ୍ତୁ ଆବେଦନ…

କମିଲା ରିଲାଏନ୍ସ ଜିଓ ଫାଇବରର ନେଟ୍‌ ସ୍ପିଡ୍

ସହିଦ ବାପାଙ୍କ ପ୍ରତିମୂର୍ତ୍ତିକୁ ଜୀବିତ ଭାବି ଚୁମ୍ବନ ଦେଲା କୁନି ଝିଅ

ପିଆଜ ପରେ ବଢ଼ିଲା କ୍ଷୀର ଦର; କେତେ ହେଲା ଜାଣନ୍ତୁ

୫୦୦ ମିଟର ତଳକୁ ଖସିଲା ବସ୍; ୧୨ ମୃତ, ଅନେକ ଆହତ

ଶସ୍ତା ହେଲା ସାମସଙ୍ଗ୍‌ର ଏହି ଫୋନ୍‌

ପାହାଚ ଚଢିବା ବେଳେ ପଡ଼ିଗଲେ ମୋଦି

ବିନା ଟଙ୍କାରେ ଏମିତି ବୁକ୍‌ କରନ୍ତୁ ଟ୍ରେନ୍‌ ଟିକେଟ୍‌

ସିଏଏକୁ ବିରୋଧ: ୫ ଟ୍ରେନ୍‌ ଜାଳିଦେଲେ ବିକ୍ଷୋଭକାରୀ

You might also like