ଭାରତର ବିମାନ ଆକ୍ରମଣକୁ ଦୃଢ଼ ଖଣ୍ଡନ କଲା ପାକିସ୍ତାନ

ଇସ୍‌ଲାମାବାଦ : ଭାରତର ବିମାନ ଆକ୍ରମଣକୁ ଦୃଢ଼ ଭାବରେ ଖଣ୍ଡନ କଲା ପାକିସ୍ତାନ। ଭାରତ କହୁଥିବା ଆକ୍ରମଣ କଥା ମନଗଢ଼ା ବୋଲି କହିଲା ପାକିସ୍ତାନ। ତେବେ ଭାରତ ଉପରେ ପ୍ରତି ଆକ୍ରମଣ ବି କରାଯିବ ବୋଲି କହିଲା ପାକିସ୍ତାନ।

ଉଲ୍ଲେଖନୀୟ ଯେ, ଆଜି ଭୋର ୩ଟା ୩୦ରେ ଭାରତୀୟ ବାୟୁସେନାର ମିରେଜ ଫାଇଟର ଜେଟ୍‌ସ୍‌ ପିଓକେରେ ଥିବା ଆତଙ୍କବାଦୀ ଶିବିର ଉପରେ ଆକ୍ରମଣ କରିଥିଲା। ଫଳରେ ବାୟୁସେନାର ଜୋରଦାର ଆକ୍ରମଣରେ ଆତଙ୍କବାଦୀ ଲଞ୍ଚ୍‌ ପ୍ୟାଡ୍‌ ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି। ଆତଙ୍କବାଦୀ ଶିବିର ଉପରେ ହଜାରେ କେଜିରୁ ଅଧିକ ଓଜନର ବୋମା ମାଡ଼ କରାଯାଇଛି। ଯାହାକି ଭାରତୀୟ ବାୟୁସେନା ସୂତ୍ରରୁ ଏହି ସୂଚନା ମିଳିଛି।

ପୁଲଓ୍ୱାମା ଆକ୍ରମଣର ପ୍ରତିଶୋଧ ନେବାକୁ ଆତଙ୍କବାଦୀ ଶିବିର ଉପରେ ବାୟୁସେନା ପକ୍ଷରୁ ଏହି ଆକ୍ରମଣ କରାଯାଇଛି। ଗତ ୧୪ ତାରିଖରେ ପାକିସ୍ତାନର ଆତଙ୍କବାଦୀ ସଂଗଠନ ଜୈଶ୍‌-ଏ-ମହମ୍ମଦର ଆତଙ୍କବାଦୀଙ୍କ ଆକ୍ରମଣରେ ୪୦ରୁ ଅଧିକ ସିଆରପିଏଫ ଯବାନଙ୍କ ମୃତ୍ୟୁ ହୋଇଥିଲା।

 

You might also like