ମାସୁଦର ମୃତ୍ୟୁ ଖବରକୁ ପାକିସ୍ତାନ ମିଡିଆରେ ଖଣ୍ଡନ

ଇସ୍‌ଲାମାବାଦ୍‌ : ଆତଙ୍କବାଦୀ ସଂଗଠନ ଜୈଶ୍- ଇ- ମହମ୍ମଦର ମୁଖ୍ୟ ମସୁଦ ଆଝରର ମୃତ୍ୟୁ ହୋଇନି। ଏହି ଖବରକୁ ଖଣ୍ଡନ କରିଛି ପାକିସ୍ତାନୀ ଗଣମାଧ୍ୟମ। ପାକ୍ ଗଣମାଧ୍ୟମର ରିପୋର୍ଟ ଅନୁସାରେ ଅଜହରର ମୃତ୍ୟୁ ହୋଇନାହିଁ। ପାକ୍ ମିଡିଆ ଜିଓ ଟିଭି ପକ୍ଷରୁ କୁହାଯାଇଛି ଯେ, ମସୁଦ ଏବେ ବି ଜୀବିତ ଅଛି। ଏ ସଂପର୍କରେ କିନ୍ତୁ ପାକିସ୍ତାନ ସରକାରଙ୍କ ପକ୍ଷରୁ କୌଣସି ସ୍ପଷ୍ଟ ସୂଚନା ମିଳିନାହିଁ।

ଗତକାଲି ସଂଧ୍ୟାରେ ବିଭିନ୍ନ ଗଣମାଧ୍ୟମରେ ଖବର ପ୍ରସାରିତ ହୋଇଥିଲା ଯେ, ଅପରେସନ ବାଲାକୋଟରେ ମସୁଦର ମୃତ୍ୟୁ ହୋଇଛି। ଏହା ସହ ଭାରତୀୟ ବାୟୁସେନାର ବାଲାକୋଟ ଏୟାର୍ ଷ୍ଟ୍ରାଇକ୍ ବେଳେ ସେହି କ୍ୟାମ୍ପରେ ଉପସ୍ଥିତ ଥିବା ମସୁଦ ଗୁରୁତର ଆହତ ହୋଇଥିଲା। ଏକ ଆର୍ମି ହସ୍ପିଟାଲରେ ଚିକିତ୍ସାଧୀନ ଅବସ୍ଥାର ତାର ମୃତ୍ୟୁ ହୋଇଥିବା ନେଇ ଚର୍ଚ୍ଚା ହୋଇଥିଲା।

You might also like