ମାସିକ ଖର୍ଚ୍ଚ ଉଠାଇ ପାରିବ ଆତଙ୍କବାଦୀ ହାଫିଜ୍ ସୟିଦ

ନୂଆଦିଲ୍ଲୀ: ମୁମ୍ୱାଇ ଆତଙ୍କବାଦୀ ଆକ୍ରମଣର ମାଷ୍ଟର ମାଇଣ୍ଡ ତଥା ଅନ୍ତର୍ଜାତୀୟ ଆତଙ୍କବାଦୀ ଘୋଷିତ ହାଫିଜ୍ ସୟିଦ୍ ଏଣିକି ମାସିକ ୧,୫୦, ୦୦୦ ଟଙ୍କା ମାସିକ ଉଠାଇପାରିବ। ପାକିସ୍ତାନର ଅନୁରୋଧ କ୍ରମେ ଜାତିସଂଘ ସୁରକ୍ଷା ପରିଷଦ ଏହି ଅନୁମତି ଦେଇଛି। ହାଫିଜ୍ ସୟିଦ ଉପରେ ୪ ଜଣ ନିର୍ଭରଶୀଳ। ଘର ଚଳାଇବା ପାଇଁ ଟଙ୍କା ଆବଶ୍ୟକ ରହିଥିବା ବେଳେ ବ୍ୟାଙ୍କ ଆକାଉଣ୍ଟ ପରେ ପ୍ରତିବନ୍ଧକ ଲଗାଯାଇଥିବାରୁ ହାଫିଜ୍ ଟଙ୍କା ଉଠାଇ ପାରୁନଥିଲା। ଏହାପରେ ଅଗଷ୍ଟ ୧୫ ତାରିଖରେ ପାକିସ୍ତାନ ସରକାର ଏକ ଚିଠି ମାଧ୍ୟମରେ ଜାତିସଂଘକୁ ଜଣାଇଥିଲେ। ଏନେଇ ଜାତିସଂଘ ଅନ୍ୟ ଦେଶ ମାନଙ୍କର ମତାମତ ମାଗିଥିଲା। କେହି ଆପତ୍ତି ନଉଠାଇବା ପରେ ଜାତିସଂଘ ସୁରକ୍ଷା ପରିଷଦ ମାସିକ ୧,୫୦, ୦୦୦ ଟଙ୍କା ଉଠାଇ ପାରିବା ପାଇଁ ହାଫିଜକୁ ଅନୁମତି ଦେଇଛି।

ହାଫିଜ ସୟିଦକୁ ଅନ୍ତର୍ଜାତୀୟ ଆତଙ୍କବାଦୀ ବୋଲି ଘୋଷିତ ହେବା ପରେ ତାର ସମସ୍ତ ସମ୍ପତ୍ତି ଓ ବ୍ୟାଙ୍କ ଆକାଉଣ୍ଚ ପରେ ପ୍ରତିବନ୍ଧକ ଲଗାଯାଇଥିଲା। ଜାତିସଂଘର ୧୨୬୭ ଧାରା ଅନୁଯାୟୀ ଏହି ପ୍ରତିବନ୍ଧକ ଲଗାଯାଇଥିଲା। ଏମିତିକି ହାଫିଜର ବିଦେଶ ଯାତ୍ରା ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି।

ଆତଙ୍କବାଦୀ ହାଫିଜ୍ ସୟିଦ୍ ଲାହୋର ଇଞ୍ଜିନିୟରିଂ ବିଶ୍ୱବିଦ୍ୟାଳୟର ସହଯୋଗୀ ପ୍ରଫେସର ଭାବରେ ୧୯୭୪ରୁ ୧୯୯୯ ମସିହା ଯାଏ କାମ କରିଛି। ଚାକିରି ଛାଡ଼ିବା ପରେ ପାକିସ୍ତାନ ସରକାରଙ୍କ ତରଫରୁ ମାସିକ ୪୫, ୭୦୦ ଟଙ୍କା ପେନସନ ତାର ବ୍ୟାଙ୍କ ଆକାଉଣ୍ଟକୁ ଯାଇଥାଏ।

ଲଶ୍କର-ଏ-ତୋଇବା ଏବଂ ଜାମାତ୍-ଉଦ-ଦାଓ୍ୱା ଭଳି ଆତଙ୍କବାଦୀ ସଂଗଠନର ପ୍ରତିଷ୍ଠାତା ହାଫିଜ୍ ସୟିଦ୍। ୨୦୦୮ରେ ହୋଇଥିବା ମୁମ୍ୱାଇ ଆତଙ୍କବାଦୀ ଆକ୍ରମଣ ହାଫିଜ ନିର୍ଦ୍ଦେଶରେ ହୋଇଥିଲା। ଏଥିରେ ୧୬୬ ଜଣ ଲୋକଙ୍କ ମୃତ୍ୟୁ ଘଟିଥିଲା। ଯେଉଁଥିରେ ଅନ୍ୟ ଦେଶର ଲୋକ ମଧ୍ୟ ଥିଲେ। ଏହାପରେ ଜାତିସଂଘ ସୁରକ୍ଷା ପରିଷଦ ହାଫିଜକୁ ଅନ୍ତର୍ଜାତୀୟ ଆତଙ୍କବାଦୀ ବୋଲି ଘୋଷଣା କରିଥିଲା।

ଜୁଲାଇରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଆମେରିକା ଯିବା ପୂର୍ବରୁ ହାଫିଜ୍ ସୟିଦକୁ ପାକିସ୍ତାନ ସରକାର ଜୁଲାଇ ୧୭ରେ ଗିରଫ କରିଥିଲେ। ଏବେ ତାକୁ ଜେଲରୁ ମୁକ୍ତ କରାଯାଇଛି ବୋଲି ଜଣାପଡ଼ିଛି। ହେଲେ ଏହାକୁ ପାକିସ୍ତାନ ସରକାର ଗୋପନୀୟ ରଖିଥିବା ଜଣାପଡ଼ିଛି।

ଆହୁରି ପଢ଼ନ୍ତୁ

କରୋନା ଭ୍ୟାକ୍‌ସିନ୍‌ ପରେ ଔଷଧ ତିଆରି କଲା ଋଷ

ପ୍ଲେ’ ଷ୍ଟୋରକୁ ପୁଣି ଫେରିଲା Paytm

ଚୀନକୁ ଆଉଏକ ଝଟ୍‌କା, ଏହି ଦେଶରେ ବି ବ୍ୟାନ୍ ହେଲା TikTok

ମୋଦିଙ୍କୁ ଜନ୍ମଦିନ ଶୁଭେଚ୍ଛା ଜଣାଇଲେ ବିରାଟ୍, ଜବାବରେ ପ୍ରଧାନମନ୍ତ୍ରୀ କହିଲେ…

ଡ୍ରଗ୍ସ ଲିଙ୍କ୍ ମାମଲାରେ ଆଉଜଣେ ପେଡଲର୍ ଗିରଫ

ଏଣିକି କୁକୁରଙ୍କ ପାଇଁ ବ୍ଲଡ୍ ବ୍ୟାଙ୍କ୍

ମୃତ୍ୟୁ ପୂର୍ବରୁ ଶେଷଥର ପାଇଁ କାହାକୁ କଲ୍‌ କରିଥିଲେ ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶା ?

କରୋନା ପଜିଟିଭ୍‌ କହି ପତ୍ନୀଙ୍କ ପାଖରୁ ଖସିଗଲେ, ଗର୍ଲଫ୍ରେଣ୍ଡ୍‌ଙ୍କ ସହ ଧରାପଡ଼ିଲେ

ନୂଆ କୃଷି ବିଲ୍‌‌କୁ କାହିଁକି ଡରୁଛନ୍ତି ଚାଷୀ ?

ଦେଶରେ ଦିନକରେ ୯୬ହଜାର ୪୨୪ କରୋନା ଆକ୍ରାନ୍ତ ଚିହ୍ନଟ

ୱାଶ୍‌ରୁମ୍‌ରୁ ମିଳିଲା ଜଣାଶୁଣା ଫ୍ୟାଶନ୍‌ ଡିଜାଇନର୍‌ଙ୍କ ମୃତଦେହ

ବିରୋଧ ସତ୍ତ୍ୱେ ଲୋକସଭାରେ ପାରିତ ହେଲା କୃଷି ବିଲ

You might also like