ସଂକ୍ରମଣ ବଢ଼ୁଥିବାରୁ ବିହାରରେ ଲକଡାଉନ୍ ଘୋଷଣା କଲେ ମୁଖ୍ୟମନ୍ତ୍ରୀ

ପାଟଣା : ବିହାରରେ ଲକଡାଉନ୍ ଘୋଷଣା କଲେ ମୁଖ୍ୟମନ୍ତ୍ରୀ ନୀତିଶ କୁମାର। ଆସନ୍ତା ୧୫ ତାରିଖ ଯାଏଁ ସାରା ରାଜ୍ୟରେ ଲକଡାଉନ୍ ଘୋଷଣା। ବିହାରରେ କରୋନାର ବଢ଼ୁଥିବା ସଂକ୍ରମଣକୁ ଦୃଷ୍ଟିରେ ରଖି ସରକାର ୧୫ ମେ ପର୍ଯ୍ୟନ୍ତ ଲକଡାଉନ୍ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ନୀତିଶ କୁମାର ତାଲାବନ୍ଦ ଘୋଷଣା କରିବା ସହ ଲକଡାଉନର ବିସ୍ତୃତ ଗାଇଡଲାଇ୍ ଘୋଷଣା କରିବାକୁ ନିର୍ଦ୍ଦେଶ ଦେଇଛନ୍ତି ।

ମନ୍ତ୍ରୀ ସମୂହଙ୍କ ସହ ଆଲୋଚନା କ୍ରମେ ଏପରି ନିଷ୍ପତ୍ତି ନିଆଯାଇଛି ବୋଲ ଟ୍ୱିଟ କରି କହିଛନ୍ତି ମୁଖ୍ୟମନ୍ତ୍ରୀ ନୀତିଶ କୁମାର । ସେଠାରେ ୧୫ ମେ ୨୦୨୧ ପର୍ଯ୍ୟନ୍ତ ରାଜ୍ୟରେ ତାଲାବନ୍ଦ କରିବାକୁ ନିର୍ଣ୍ଣୟ ନିଆଯାଇଥିଲା । ତେବେ ଲକଡାଉନ ବେଳେ ଜରୁରୀ ସେବା ଚାଲୁ ରଖିବାକୁ ଅନୁମତି ଦିଆଯାଇଛି। ହସ୍ପିଟାଲ, ନର୍ସିଂହୋମ, ଔଷଧ ଦୋକାନ ଖୋଲା ରହିବ। ତେବେ  ନିୟମ ଉଲ୍ଲଘଂନ କଲେ  ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ବିହାରରେ ଦିନକୁ ଦିନ ସଂକ୍ରମଣ ବେଲଗାମ୍ ହେବାରେ ଲାଗିଛି । କରୋନା ଆକ୍ରାନ୍ତଙ୍କ ସଂଖ୍ୟା ୫ ଲକ୍ଷ ପାର ହୋଇଛି । କରୋନା ରୋଗୀଙ୍କ ସଂଖ୍ୟା ବଢ଼ୁଥିବା ବେଳେ ହସ୍ପିଟାଲରେ ବେଡ ଓ ଅକ୍ସିଜେନ୍ ସଙ୍କଟ ଦେଖାଦେଉଛି । ଫଳରେ କରୋନା ସଂକ୍ରମଣ ଚେନରେ ବ୍ରେକ ଲଗାଇବାକୁ ବିହାର ସରକାରଙ୍କ ଉପରେ ଲକଡ।।ଉନ୍ ଲଗାଇବା ପାଇଁ ଚାରିଆଡ଼ୁ ଚାପ ପଡ଼ୁଥିଲା । ପାଟଣା ହାଇକୋର୍ଟ ମଧ୍ୟ ସରକାରଙ୍କୁ ଏନେଇ ପଶ୍ନ କରିଥିଲେ । ତୁରନ୍ତୁ କିଛି ନିଷ୍ପତ୍ତି ନିଅ, ନହେଲେ ଆମେ ନିଷ୍ପତ୍ତି ନେବୁ ବୋଲି କହିଥିଲେ କୋର୍ଟ ।

You might also like