ମାତ୍ର ୫ ସେକେଣ୍ଡରେ କେନାଲ ଭିତରକୁ ଟଳିପଡ଼ିଲା ୩ ମହଲା କୋଠା

କୋଲକାତା: ପଶ୍ଚିମବଙ୍ଗରେ ଭୁଶୁଡ଼ିଲା ତିନି ମହଲା ବିଶିଷ୍ଟ ଘର। ମାତ୍ର ୫ ସେକେଣ୍ଡରେ ତିନି ମହଲା କୋଠା ଭୁଶୁଡ଼ି ମାଟିରେ ମିଶିଗଲା। ବିରାଟ ଚୁନା ହୋଇଗଲା ବିରାଟ କୋଠାଘର। କୋଲକାତାଠାରୁ ୧୨୦ କିଲୋମିଟର ଦୂର ପଶ୍ଚିମ ମିଦନାପୁର ଜିଲ୍ଲା ଦାସପୁର ବ୍ଲକର ନିଶ୍ଚିନ୍ତପୁର ଗାଁରେ ଘଟିଛି ଏହି ଘଟଣା। କୋଠାଟି ପାଖରେ ଯାଇଥିବା କେନାଲ ଭିତରକୁ ଭୁଶୁଡ଼ି ପଡ଼ିଛି। ଏହି ସମୟରେ ଆଖପାଖ ପୂରା ଧୂଆଁଳିଆ ହୋଇଯାଇଥିଲା।

ଖବର ଅନୁସାରେ,  କିଛିଦିନ ପୂର୍ବରୁ କେନାଲ ସଂପ୍ରସାରଣ ଓ ସଫେଇ କରାଯାଇଥିଲା। କେନାଲ ଖୋଳାଯିବା ଯୋଗୁଁ କୋଠାର ମୂଳ ଦୁର୍ବଳ ହୋଇଯାଇଥିଲା। ଫଳରେ କୋଠାଟି ଆଜି ସକାଳେ କେନାଲ ଭିତରକୁ ଗଡ଼ିପଡ଼ିଛି। ତେବେ କୋଠାରେ କେହି ନଥିବାରୁ ଜୀବନହାନୀ ହୋଇନାହିଁ।

କେନାଲ ସଫା ହେବା ପରେ କିଛିଦିନ ହେଲା ବିଲ୍‌ଡିଂରେ ଫାଟ ସୃଷ୍ଟି ହୋଇଥିଲା। ପରଦିନ ପ୍ରବଳ ବର୍ଷା ହେବାରୁ ତିନି ମହଲା ବିଶିଷ୍ଟ କୋଠାଟି କେନାଲ ଭିତରକୁ ଗଳିପଡ଼ିଥିଲା।

You might also like