ଲକ୍‌ଡାଉନ ସମୟରେ ଦରମା ଦେଇ ନ ଥିବା କମ୍ପାନୀ ବିରୋଧରେ କାର୍ଯ୍ୟାନୁଷ୍ଠାନ ହେବନି

ନୂଆଦିଲ୍ଲୀ: ବେସରକାରୀ ନିଯୁକ୍ତିଦାତାଙ୍କୁ ଆଶ୍ୱସ୍ତି ପ୍ରଦାନ କରିଛନ୍ତି ସୁପ୍ରିମକୋର୍ଟ। ଲକଡାଉନ ସମୟରେ ଶ୍ରମିକମାନଙ୍କୁ ପାଉଣା ଦେଇପାରିନଥିବା ଘରୋଇ ନିଯୁକ୍ତିଦାତାଙ୍କ ବିରୋଧରେ ଜୁଲାଇ ଶେଷ ପର୍ଯ୍ୟନ୍ତ କୌଣସି କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ନାହିଁ । ଏ ସମ୍ପର୍କିତ ଏକାଧିକ ମାମଲାରେ ଶୁଣାଣି କରି ଆଜି ସୁପ୍ରିମକୋର୍ଟ ଏହି ରାୟ ଦେଇଛନ୍ତି ।

ସର୍ବୋଚ୍ଚ ଅଦାଲତ କହିଛନ୍ତି ଯେ କର୍ମଚାରୀଙ୍କୁ କିଭଳି ସୁବିଧାରେ ସେମାନଙ୍କ ପ୍ରାପ୍ୟ ମିଳିପାରିବ ରାଜ୍ୟ ସରକାରଙ୍କ ଶ୍ରମ ବିଭାଗ ଏନେଇ ସୁଗମ ପଥ ବାହାର କରିବା ଆବଶ୍ୟକ । କର୍ମଚାରୀ ଏବଂ ନିଯୁକ୍ତିଦାତାଙ୍କ ମଧ୍ୟରେ ବୁଝାମଣା ଜରିଆରେ କିଭଳି ଏହି ସମସ୍ୟାର ସମାଧାନ କରିହେବ ସେନେଇ ରାଜ୍ୟ ସରକାର ସୁନିଶ୍ଚିତ କରିବା ପାଇଁ ରାଜ୍ୟ ସରକାରମାନଙ୍କୁ ପରାମର୍ଶ ଦେଇଛନ୍ତି ସର୍ବୋଚ୍ଚ ଅଦାଲତ ।

ଆଲୋଚନା ମାଧ୍ୟମରେ ଉପଯୁକ୍ତ ରାସ୍ତା ବାହାର କରି ସମ୍ପୃକ୍ତ ଶ୍ରମ କମିଶନରଙ୍କ ନିକଟରେ ସେମାନଙ୍କ ରିପୋର୍ଟ ଦାଖଲ କରିବା ଆବଶ୍ୟକ ବୋଲି ମଧ୍ୟ ସୁପ୍ରିମକୋର୍ଟ ତାଙ୍କ ରାୟରେ ଉଲ୍ଲେଖ କରିଛନ୍ତି । କେନ୍ଦ୍ର ସରକାରଙ୍କ ଗତ ମାର୍ଚ୍ଚ ୨୯ ତାରିଖର ବିଜ୍ଞପ୍ତିର ଆଇନଗତ ବୈଧତା ନେଇ ଜବାବ ଦାଖଲ କରିବାକୁ କେନ୍ଦ୍ରକୁ ଆଉ ଚାରି ସପ୍ତାହ ସମୟ ଦେଇଛନ୍ତି । କୋର୍ଟ ଲକଡାଉନ ସମୟରେ କର୍ମଚାରୀଙ୍କୁ ସେମାନଙ୍କ ସଂପୂର୍ଣ୍ଣ ପାଉଣା ଦେବାନେଇ କେନ୍ଦ୍ର ଗୃହ ମନ୍ତ୍ରଣାଳୟ ବିଜ୍ଞପ୍ତି ଜାରି କରିଥିଲା। ଏହା ବିରୋଧରେ ବିଭିନ୍ନ ଶିଳ୍ପ ସଂଘ ପକ୍ଷରୁ ଆବେଦନ କରିଯାଇଥିଲା

You might also like