ହାଇକୋର୍ଟଙ୍କ ରାୟ ଉପରେ ସୁପ୍ରିମକୋର୍ଟଙ୍କ ରୋକ୍: ତାମିଲନାଡୁ ଖୋଲିପାରିବ ମଦ ଦୋକାନ

ଚେନ୍ନାଇ: ତାମିଲ୍‌ନାଡୁରେ ମଦ ବିକ୍ରି ନେଇ ମାଡ୍ରାସ ହାଇକୋର୍ଟଙ୍କ ରାୟ ଉପରେ ରୋକ୍ ଲଗାଇଛନ୍ତି ସୁପ୍ରିମକୋର୍ଟ।
ଏଥିସହିତ ଆବେଦନକାରୀଙ୍କୁ ନୋଟିସ୍ ଜାରି କରି ଯବାବ ମଧ୍ୟ ମାଗିଛନ୍ତି ସର୍ବୋଚ୍ଚ ଅଦାଲତ। ରାଜ୍ୟରେ ମୋଦ ଦୋକାନ ବନ୍ଦ ନେଇ ରାୟ ଶୁଣାଇଥିଲେ ହାଇକୋର୍ଟ। ଯାହାକୁ ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ରାଜ୍ୟ ସରକାର।

ମଦ ଦୋକାନ ବାହାରେ ଲକୋମାନଙ୍କର ଅସମ୍ଭବ ଭିଡ଼ ଓ ସୋସିଆଲ୍‌ ଡିଷ୍ଟାସିଂର ଅବମାନନା ହେତୁ ରାଜ୍ୟରେ ମଦ ଦୋକନା ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ମାଡ୍ରାସ୍‌ ହାଇକୋର୍ଟ। ଏଥିସହିତ ମଦର ଅନ୍‌ଲାଇନ୍‌ ବିକ୍ରି ଓ ହୋମ୍‌ ଡେଲିଭରି କରିବାକୁ ରାଜ୍ୟ ସରକାରଙ୍କୁ ପରାମର୍ଶ ଦେଇଥିଲେ। କିନ୍ତୁ ହାଇକୋର୍ଟଙ୍କର ମଦ ଦୋକାନ ବନ୍ଦ ନିଷ୍ପତ୍ତିକୁ ବିରୋଧ କରିଥିଲେ ରାଜ୍ୟ ସରକାର। ଏହା ବିରୋଧରେ ମେ ୮ ତାରିଖରେ ସୁପ୍ରିମକୋର୍ଟରେ ଆବେଦନ କରିଥିଲେ ତାମିଲନାଡୁ ସରକାର।

ରାଜ୍ୟ ସରକାର ଲୋକଙ୍କ ମଧ୍ୟରେ ସୋସିଆଲ୍‌ ଡିଷ୍ଟାସିଂ ନିୟମର ପାଳନ କରୁଛନ୍ତି। ଯେଉଁମାନେ ସୋସିଆଲ୍ ଡିଷ୍ଟାସିଂ ନିୟମ ପାଳନ କରୁ ନାହାନ୍ତି ସେମାନଙ୍କ ବିରୋଧରେ ପୁଲିସ୍‌ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରୁଛି ବୋଲି ତାମିଲ୍‌ଲାଡୁ ସରକାର ଅବେଦନରେ ଦର୍ଶାଇଥିଲେ। ଏଥିସହିତ ମଦ ବିକ୍ରି ବନ୍ଦ ହୋଇଗଲେ ଅନ୍ୟ ରାଜ୍ୟରେ ବିକ୍ରି ଚାଲୁ ରହୁଥିବାରୁ ସାମୀନ୍ତରେ ଅନେକ ସମସ୍ୟା ଦେଖାଦେବ। ରାଜ୍ୟବାସୀ ମଦ କିଣିବା ପାଇଁ ଅନ୍ୟ ରାଜ୍ୟକୁ ଯିବେ। ଫଳରେ କରୋନା ଲକ୍‌ଡାଉନ୍‌ ସମୟରେ ଲୋକଙ୍କ ଆତଜାତ ବଢ଼ିଯିବ ବୋଲି ସୁପ୍ରିମକୋର୍ଟରେ ଦର୍ଶାଇଥିଲେ ସରକାର। ସୁପ୍ରିମକୋର୍ଟ ଆବେଦନରେ ଶୁଣାଣି କରି ମାଡ୍ରାସ୍ ହାଇକୋର୍ଟଙ୍କ ନିର୍ଦ୍ଦେଶ ଉପରେ ରହିତାଦେଶ ଲଗାଇଛନ୍ତି।

You might also like