ଜାତିସଂଘକୁ ପାକିସ୍ତାନ ଲେଖିଥିବା ଚିଠିରେ ରାହୁଲଙ୍କ ସହ ରହିଛି ଆହୁରି ଅନେକ ନେତାଙ୍କ ନାମ

ନୂଆଦିଲ୍ଲୀ: ଜମ୍ମୁ କଶ୍ମୀରରୁ ଧାରା ୩୭୦ ଉଚ୍ଛେଦ ଏବଂ ୩୫ (ଏ) ପ୍ରସଙ୍ଗରେ ବୁଧବାର ଜାତିସଂଘକୁ ପାକିସ୍ତାନ ଚିଠି ଲେଖିଛି। ଯେଉଁଥିରେ ପାକିସ୍ତାନ ଭାରତୀୟ ନେତାଙ୍କ ଦ୍ୱାରା ଦିଆଯାଇଥିବା ମନ୍ତବ୍ୟକୁ ଉଦ୍ଧୃତ କରି ନିଜ ଚିଠିକୁ ଟନିକ୍ ଯୋଗାଇଛି। ସେଥିରେ କେବଳ କଂଗ୍ରେସ ନେତା ରାହୁଲ ଗାନ୍ଧିଙ୍କ ଦ୍ୱାରା ଦିଆଯାଇଥିବା ମନ୍ତବ୍ୟକୁ ଉଦ୍ଧୃତ କରିନି ପାକିସ୍ତାନ। ବରଂ ରାହୁଲଙ୍କ ମନ୍ତବ୍ୟ ସହିତ ହରିଆନା ମୁଖ୍ୟମନ୍ତ୍ରୀ ମନୋହର ଖଟ୍ଟର ଏବଂ ବିଜେପି ବିଧାୟକ ବିକ୍ରମ ସୋନିଙ୍କ ନାଁ ବି ରହିଛି। ପାକିସ୍ତାନର ମାନବାଧିକାର ମନ୍ତ୍ରୀ ଶିରିନ ମଜାରୀ ଟୁଇଟ୍ କରି ୮ ପୃଷ୍ଠାର ଏହି ଚିଠିକୁ ଶେୟାର କରିଛନ୍ତି। କଶ୍ମୀର ପ୍ରସଙ୍ଗରେ ୧୮ ଜଣ ଜାତିସଂଘ ସ୍ପେଶାଲ ପ୍ରସିଜିଓର ମାଣ୍ଡେଟ୍‌ ହୋଲ୍ଡରଙ୍କୁ ସେ ଚିଠି ଲେଖିଛନ୍ତି।

କଶ୍ମୀରକୁ ନେଇ ଅପପ୍ରଚାର କରିବା ପାଇଁ ପାକିସ୍ତାନ କରିଆସୁଥିବା ବିଭିନ୍ନ ପ୍ରୟାସ ମଧ୍ୟରୁ ଏହି ଚିଠି ଅନ୍ୟତମ। ଏଥିରେ କୁହାଯାଇଛି, “ଏପରିକି ରାହୁଲ ଗାନ୍ଧି ମଧ୍ୟ କହିଛନ୍ତି ଜମ୍ମୁ-କଶ୍ମୀରରେ ଲୋକେ ମରୁଛନ୍ତି।” ସେ ଏହି ଚିଠିରେ ସ୍ପଷ୍ଟ ଲେଖିଛନ୍ତି, “ରାହୁଲ ଗାନ୍ଧିଙ୍କ ସମେତ ଭାରତର ମୁଖ୍ୟ ସ୍ରୋତର ରାଜନେତା ମାନେ ମଧ୍ୟ ଜାଣିବାକୁ ପାଇଛନ୍ତି ଯେ ସେଠାରେ ହିଂସା ହେଉଛି। ରାହୁଲ କହିଛନ୍ତି , ସେଠାରେ (ଜମ୍ମୁ-କଶ୍ମୀରରେ) କିଛି ଠିକ୍‌ ଚାଲିନି, ଲୋକଙ୍କର ଜୀବନ ଯିବାରେ ଲାଗିଛି।

ସେହିପରି ହରିଆନା ମୁଖ୍ୟମନ୍ତ୍ରୀ ମନୋହର ଖଟ୍ଟରଙ୍କ ମନ୍ତବ୍ୟକୁ ଉଦ୍ଧାର କରି ଲେଖିଛି ଯେ ୧୦ ଅଗଷ୍ଟ ୨୦୧୯ରେ ହରିଆନା ମୁଖ୍ୟମନ୍ତ୍ରୀ ମନୋହର ଖଟ୍ଟର କଶ୍ମୀର ଝିଅଙ୍କୁ ବିବାହ ନେଇ ଏକ ମନ୍ତବ୍ୟ ରଖିଥିଲେ। ସେହିପରି ବିଜେପି ବିଧାୟକ ବିକ୍ରମ ସୋନି କହିଥିଲେ ଜମ୍ମୁ କଶ୍ମୀରରୁ ଧାରା ୩୭୦ ହଟିବା ପରେ ମୁସଲମାନ ମାନେ ଖୁସି ହେବା ଦରକାର। ଏହା ଦ୍ୱାରା ମୁସଲମାନ ମାନେ କଶ୍ମୀରର ଗୋରୀ ଝିଅଙ୍କୁ ବିବାହ କରିପାରିବେ। ପାକିସ୍ତାନ ବିକ୍ରମ୍ ସୋନିଙ୍କ ଏହି ମନ୍ତବ୍ୟକୁ ମଧ୍ୟ ଯୋଡ଼ିଛି।

ଗତକାଲି ପାକିସ୍ତାନ ଲେଖିଥିବା ଚିଠି ସମ୍ପର୍କରେ ବିଜେପି ନେତା ପ୍ରକାଶ ଜାଭଡେକର ପ୍ରତିକ୍ରିୟା ରଖି କହିଥିଲେ ରାହୁଲ ଗାନ୍ଧି ସମୟ ଅନୁସାରେ ୟୁ ଟର୍ଣ୍ଣ ନେଇଛନ୍ତି। କଂଗ୍ରେସକ ଧାରା ୩୭୦ ପ୍ରସଙ୍ଗରେ ଯେଉଁ ଭଳି ମତ ରଖି ଆସିଛି ସେ ନେଇ ଦେଶ ଏବେ ଲଜ୍ଜିତ।ଦୀର୍ଘ ୭୦ ବର୍ଷ ଭିତରେ ମଧ୍ୟ କୌଣସି ନେତା ଏଭଳି ବେପରୁଆ ମନ୍ତବ୍ୟ ରଖିନଥିଲେ। ସେହିପରି ଆମେଠି ସାଂସଦ ସ୍ମୃତି ଇରାନୀ କହିଥିଲେ ରାହୁଲ ପାକିସ୍ତାନର ପ୍ରିୟ ନେତା। ନାଁକୁ ମାତ୍ର ତ୍ରିରଙ୍ଗା ପତାକାକୁ ସମ୍ମାନ କରୁଛନ୍ତି। ତେବେ ମନୋହରଲାଲ ଖଟ୍ଟର କିମ୍ୱା ଦଳୀୟ ବିଧାୟକ ବିକ୍ରମ୍ ସୋନୀଙ୍କ ନାଁ ଚିଠିରେ ଉଲ୍ଲେଖ ରହିଥିବା ନେଇ ବିଜେପି କୌଣସି ପ୍ରତିକ୍ରିୟା ରଖି ନାହିଁ।

ଗତକାଲି କିନ୍ତୁ ରାହୁଲ ଟୁଇଟ୍ କରି କହିଥିଲେ, ପାକିସ୍ତାନ କଶ୍ମୀର ପ୍ରସଙ୍ଗରେ ମୁଣ୍ଡ ପୂରାଇବା ଉଚିତ୍ ନୁହେଁ। ଏହା ଭାରତର ଆଭ୍ୟନ୍ତରୀଣ ମାମଲା। ଯଦିଓ ଶାସକ ଦଳ ସହ ତାଙ୍କର ମତଭେଦ ରହିଛି ତଥାପି କଶ୍ମୀର ପ୍ରସଙ୍ଗରେ ପାକିସ୍ତାନ ମୁଣ୍ଡ ନପୂରାଉ ବୋଲି ରାହୁଲ ଗତକାଲି କହିଥିଲେ।

ଆହୁରି ପଢ଼ନ୍ତୁ

କରୋନା ଚିକିତ୍ସାରୁ ବାଦ୍ ପଡ଼ିପାରେ ପ୍ଲାଜ୍‌ମା ଥେରାପି

ବଜେପି ଛାଡ଼ିଲେ ବରିଷ୍ଠ ନେତା ଏକନାଥ ଖଡ଼ସେ; କହିଲେ, ଫଡ଼ନାଭିସଙ୍କ ପାଇଁ ଛାଡ଼ିଲି ଦଳ

ଆନ୍ଧ୍ର କନକ ଦୁର୍ଗା ମନ୍ଦିର ନିକଟରେ ଭୂସ୍ଖଳନ: ୪ ଫସି ରହିଥିବା ଆଶଙ୍କା

କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ବୋନସ୍ ଘୋଷଣା

ମଦ୍ରାସାକୁ ନେଇ ବିବାଦୀୟ ମନ୍ତବ୍ୟ ଦେଲେ ବିଜେପି ସାଂସଦ

କିଛି ଦିନ ତଳେ କମିଥିଲା, ଏବେ ପୁଣି ବଢ଼ିଲା ସୁନା ଦର

୨୩ ଜଣ ବନ୍ଧୁଙ୍କୁ ନେଇ ରେଷ୍ଟୁରାଣ୍ଟରେ ପହଞ୍ଚିଲେ ଗର୍ଲଫ୍ରେଣ୍ଡ; ବିଲ୍‌ ଦେଖି ଦୌଡି ପଳାଇଲେ ପ୍ରେମିକ

ହାଥରସ୍‌ ଘଟଣା ପରେ ଧର୍ମ ପରିବର୍ତ୍ତନ କଲେ ବାଲ୍ମିକୀ ସମାଜର ୫୦ ପରିବାର

ପାକିସ୍ତାନରେ ବିସ୍ଫୋରଣ: ୩ ମୃତ

ଶତ୍ରୁ ପାଖରେ ବି ମହନୀୟତା ଦେଖାଇଲେ ଭାରତୀୟ ଯବାନ; ଧରାପଡ଼ିଥିବା ଚୀନ ସେନାଙ୍କୁ ଫେରାଇ ଦେଲେ

ପାକିସ୍ତାନ ଅନୁପ୍ରବେଶକାରୀକୁ ଧରିଲା ସେନା; ୫ ହଜାର ପାକିସ୍ତାନୀ ଟଙ୍କା ଜବତ

‘ପାପ, ଭୁଲ ଓ ବେମାରୀକୁ ଛୋଟ ଭାବିବା ଉଚିତ ନୁହେଁ’

You might also like