‘କେହି ଆମକୁ ଆଖି ଦେଖାଇ ପାରିବେନି’

ନୂଆଦିଲ୍ଲୀ: ଗଲୱାନ ଘାଟିରେ ଭାରତ ଓ ଚୀନ୍ ସେନା ମଧ୍ୟରେ ନିକଟରେ ହିଂସାତ୍ମକ ସଂଘର୍ଷ ଦେଖିବାକୁ ମିଳିଥିଲା। ଯାହା ପରେ ଚୀନ୍ ମାମଲାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ସର୍ବଦଳୀୟ ବୈଠକ ଡକାଇଥିଲେ। ବୈଠକ ପରେ ମୋଦି ଚୀନ୍ ଉପରେ ବର୍ଷିଥିବା ବେଳେ ଭାରତୀୟ ସେନାକୁ ସଲାମ୍ କରିଛନ୍ତି। ମୋଦି କହିଛନ୍ତି, “ଆମ ସୀମାରେ କେହି ଅନୁପ୍ରବେଶ କରିନାହାନ୍ତି କି ଆମର କୌଣସି ପୋଷ୍ଟ କାହାରି କବଜାରେ ନାହିଁ। ଆମର ଇଞ୍ଚେ ବି ଜମି ଉପରେ କେହି ଆଖି ପକାଇ ପାରିବେନି। ଲଦାଖରେ ଆମର ଦେଶର ୨୦ଜଣ ଯବାନ୍ ସହିଦ୍ ହୋଇଛନ୍ତି। ସହିଦଙ୍କ ପରିବାରଙ୍କୁ ଏ ଦେଶ ପ୍ରଣାମ କରୁଛି।”


ମୋହି ଆହୁରି କହିଛନ୍ତି, “ଡିପ୍ଲୟମେଣ୍ଟ ହେଉ, ଆକ୍ସନ୍ ହେଉ, କାଉଣ୍ଟର ଆକ୍ସନ୍ ହେଉ, ଜଳ-ସ୍ଥଳ-ନୌସେନାରେ ଦେଶର ରକ୍ଷା ପାଇଁ ଯାହା କିଛି ଦରକାର, ତାହା ଆମ ସେନା କରୁଛନ୍ତି। ଆଜି ଆମ ପାଖରେ ଏଭଳି ଶକ୍ତି ଅଛି ଯେ କେହିବି ଆମର ଗୋଟିଏ ଇଞ୍ଚ୍ ଯାଗା ଉପରକୁ ଆଖି ଉଠାଇ ଦେଖି ପାରିବ ନାହିଁ। ଆଜି ଭାରତର ସେନା ଅଲଗା ଅଲଗା ସେକ୍ଟରରେ ଏକାଠି ଗତିଶୀଳ ହେବାରେ ପୂରା ସକ୍ଷମ।”

ପିଏମ୍ ମୋଦି କହିଛନ୍ତି, “ଦେଶ ତା’ର ସୀମାକୁ ଅଧିକ ସୁରକ୍ଷିତ କରିବା ପାଇଁ ବର୍ଡର ନିକଟରେ ଭିତ୍ତିଭୂମୀ ବିକାଶକୁ ପ୍ରାଥମିକତା ଦେଇଛି। ତା’ଛଡ଼ା ଆମର ସେନାକୁ ଅନ୍ୟ ଆବଶ୍ୟକତା ଯେପରି ଫାଇଟର୍ ପ୍ଲେନ୍, ଆଧୁନିକ ହେଲିକପ୍ଟର, ମିସାଇଲ୍ ଡିଫେନ୍ସ ସିଷ୍ଟମ୍ ଆଦି ଉପରେ ମଧ୍ୟ ଆମେ ଅଧିକ ବଳ ଯୋଇ ଦେଇଛୁ। ନୂଆ ଭିତ୍ତିଭୂମି କାରଣରୁ ବିଶେଷକରି ଏଲଏସିରେ ଏବେ ଆମର ପାଟ୍ରୋଲିଂର କ୍ଷମତା ମଧ୍ୟ ବଢ଼ିଯାଇଛି। ପାଟ୍ରୋଲିଂ ବଢ଼ିବା ଦ୍ୱାରା ସେନା ଅଧିକ ସତର୍କ ହୋଇଛନ୍ତି ଏବଂ ଏଲଏସି ସୀମାରେ ହେଉଥିବା ଗତିବିଧି ଉପରେ ମଧ୍ୟ ପ୍ରତିଟି ଖବର ସହଜରେ ମିଳିଯାଉଛି। ଯେଉଁ ଅଞ୍ଚଳରେ ପୂର୍ବରୁ କୌଣସି ସୁରକ୍ଷାର ଗ୍ୟାରେଣ୍ଟି ନଥିଲା, ଏବେ ସେଠାରେ ଆମର ଯବାନ୍ ଭଲ ଭାବେ ମନିଟର କରିପାରୁଛନ୍ତି।”

ଆହୁରି ପଢ଼ନ୍ତୁ

ଚୀନର ପଛଘୁଞ୍ଚା ପଛର ମାଷ୍ଟରମାଇଣ୍ଡ କିଏ?

ଚୀନ୍ ଉପରେ ଗର୍ଜିଲେ ମୋଦି, କହିଲେ ‘ଆଉ ଚଳିବନି ବିସ୍ତାରବାଦ’

ଗଲୱାନ ଘାଟିରୁ ହଟିବାକୁ ଚୀନ୍ ରାଜି!

ଚୀନକୁ ଜବାବ ଦେବାକୁ ଅଣ୍ଟା ଭିଡ଼ିଲା ବ୍ୟବସାୟୀ ମହାସଂଘ

ଭାରତ-ଚାଇନା ସୀମା ବିବାଦ: ଉଭୟ ଦେଶକୁ ସାହାଯ୍ୟ କରିବାକୁ ପ୍ରସ୍ତାବ ଦେଲା ଆମେରିକା

ଗରିବ କଲ୍ୟାଣ ଅଭିଯାନର ଶୁଭାରମ୍ଭ; ଓଡ଼ିଶାର ୪ ଜିଲ୍ଲା ସାମିଲ୍

‘ମୁକାବିଲା ପାଇଁ ଭାରତ ପ୍ରସ୍ତୁତ, ଏଲ୍‌ଏସି ଘଟଣା ଆମ ପ୍ରସ୍ତୁତିର ଏକ ଛୋଟ ପ୍ରତିଫଳନ’

ସହିଦ ଭାରତୀୟ ଯବାନଙ୍କ ପାଇଁ ଗଭୀର ଶୋକପ୍ରକାଶ କଲା ଆମେରିକା

ଅଟକ ରଖିଥିବା ଭାରତର ୧୦ ଯବାନଙ୍କୁ ଛାଡ଼ିଲା ଚୀନ !

ଚୀନ୍‌କୁ ସାବାଡ୍‌ କରିବାକୁ ୫ ପ୍ଲାନ୍

ମୋଦି-ନବୀନ ଆଲୋଚନା: ୩ଟି ଦାବି ରଖିଲେ ମୁଖ୍ୟମନ୍ତ୍ରୀ

ସହିଦ ପୁଅ ପାଇଁ କାଲି ପଡ଼ିଥିଲା କାନ୍ଦବୋବାଳି, ହେଲେ ଆଜି..