4G ସେବା ଉନ୍ନୟନ କାର୍ଯ୍ୟରେ ଲାଗିବନି ଚାଇନା ସାମଗ୍ରୀ

ନୂଆଦିଲ୍ଲୀ: ବିଏସ୍‌ଏନ୍‌ଏଲ୍‌ରେ ଲାଗିବନି ଚାଇନିଜ୍‌ ସରଞ୍ଜାମ। ଏନେଇ ଟେଲିକମ୍ ଡିପାର୍ଟମେଣ୍ଟ ନିଷ୍ପତ୍ତି ନେଇଥିବା ସୂଚନା ମିଳିଛି। ବିଏସ୍‌ଏନ୍‌ଏଲ୍‌ର 4G ସେବାର ଉନ୍ନୟନ କାର୍ଯ୍ୟରେ ଚାଇନାର କୌଣସି ସରଞ୍ଜାମ ନ ଲଗାଇବାକୁ ଦୂରସଂଚାର ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଥିବା ଖବର ମିଳିଛି।

ଖବର ଅନୁସାରେ, BSNL, MTNL ଏବଂ ଅନ୍ୟ ସହାୟକ ଟେଲିକମ୍ କମ୍ପାନୀଗୁଡ଼ିକୁ ସେବା ଉନ୍ନୟନ କାର୍ଯ୍ୟରେ ଚାଇନା ସରଞ୍ଜାମ ବ୍ୟବହାର ନକରିବାକୁ ନିର୍ଦ୍ଦେଶ ଦେଇଛି ଦୂର ସଂଚାର ମନ୍ତ୍ରାଳୟ। ତା ବଦଳରେ ଭାରତୀୟ ସାମଗ୍ରୀକୁ ବ୍ୟବହାର କରିବାକୁ କମ୍ପାନୀଗୁଡ଼ିକୁ କୁହାଯାଇଛି। କେନ୍ଦ୍ର ସରକାରଙ୍କ ଆତ୍ମନିର୍ଭର ଭାରତ ଯୋଜନାକୁ ବଳ ଦେବାକୁ ଏଭଳି ନିଷ୍ପତ୍ତି ନିଆଯାଇଥିବା କୁହାଯାଇଛି।

ବିଶେଷ ସୂତ୍ରରୁ ମିଳିଥିବା ସୂଚନାନୁସାରେ, 4G ସେବାର ଉନ୍ନୟନ କାର୍ଯ୍ୟରେ ହୋଇଥିବା ଟେଣ୍ଡର ଉପରେ ଆଉଥରେ କାମ ଆରମ୍ଭ କରିବାକୁ ନିର୍ଦ୍ଦେଶ ଦିଆଯାଇଛି।

ସୁରକ୍ଷାଜନିତ କାରଣରୁ ଚାଇନା ସରଞ୍ଜାର ବ୍ୟବହାର ନ କରିବାକୁ ଭାରତ ସରକାର BSNLକୁ ଦୃଢ଼ ଭାବରେ ନିର୍ଦ୍ଦେଶ ଦେଇଥିବା ସୂଚନା ମିଳିଛି। କେବଳ ସେତିକି ନୁହେଁ, ବିଭାଗ 4G ସେବାରେ କ୍ଷେତ୍ରରେ ପୁନଃ କାମ ଆରମ୍ଭ କରିବ ବୋଲି ସୂଚନା ମିଳିଛି।

ଭାରତର ଟେଲିକମ୍ ଗୁଡ଼ିକରେ ନେଟ୍‌ୱାର୍କ ସିକ୍ୟୁରିଟି କ୍ଷେତ୍ରରେ ଚାଇନା ସଂରଞ୍ଜାମ ବ୍ୟବହାର ହେଉଥିଲେ ମଧ୍ୟ ଏଥିରୁ ଅନେକ ସମୟରେ ସୁରକ୍ଷାକୁ ନେଇ ପ୍ରଶ୍ନ ଉଠୁଛି।

You might also like