ଧାର୍ଯ୍ୟ ତାରିଖରେ ହେବ JEE ମେନ୍, NEET

ନୂଆଦିଲ୍ଲୀ: ଧାର୍ଯ୍ୟ ତାରିଖରେ ଅନୁଷ୍ଠିତ ହେବ JEE ମେନ୍ ଓ NEET। ଏ ନେଇ ପ୍ରେସ ବିଜ୍ଞପ୍ତି ଜରିଆରେ ସୂଚନା ଦେଇଛି ନ୍ୟାସନାଲ ଟେଷ୍ଟିଂ ଏଜେନ୍ସି NTA । JEE (ମେନ୍) ସେପ୍ଟେମ୍ବର ୧ରୁ ୬ ତାରିଖ ଓ NEET (ୟୁଜି) ପରୀକ୍ଷା ସେପ୍ଟେମ୍ବର ୧୩ ତାରିଖରେ ହେବାକୁ ପୂର୍ବରୁ ଦିନ ଧାର୍ଯ୍ୟ ହୋଇଛି । ଏନଟିଏର ଏହି ସୂଚନା ପରେ ପିଲାଙ୍କ ମନରେ ପରୀକ୍ଷା ତାରିଖକୁ ନେଇ ଥିବା ଦ୍ୱନ୍ଦ୍ୱ ଦୂର ହୋଇଛି ।

ଏପଟେ ଜେଇଇ ମେନ୍ ଲାଗି ପରିକ୍ଷାର୍ଥୀଙ୍କ ଆଡମିଟ୍ କାର୍ଡ ପ୍ରକାଶ ପାଇଥିବା ବେଳେ ନିଟ୍ ପରୀକ୍ଷା ପାଇଁ ଖୁବଶୀଘ୍ର ଆଡମିଟ୍ କାର୍ଡ ପ୍ରକାଶ ପାଇବ ବୋଲି ଏନଟିଏ ସୂଚନା ଦେଇଛି। ଉଭୟ ପରୀକ୍ଷା ଲାଗି ୯୯ ପ୍ରତିଶତ ଛାତ୍ରଛାତ୍ରୀ ଦେଇଥିବା ପ୍ରଥମ ସେଣ୍ଟର ପସନ୍ଦ ପୂରଣ କରାଯାଇଥିବା ସୂଚନା ଦେଇଛି ଏନଟିଏ । ସେହିଭଳି JEE (ମେନ୍)ର ସେଣ୍ଟର ସଂଖ୍ୟା ୫୭୦ରୁ ୬୬୦କୁ ବୃଦ୍ଧି କରାଯାଇଥିବା ବେଳେ NEET (ୟୁଜି) ସେଣ୍ଟର ସଂଖ୍ୟା ୨୫୪୬ରୁ ୩୮୪୩କୁ ବୃଦ୍ଧି କରାଯାଇଛି।

ପରୀକ୍ଷା କେନ୍ଦ୍ରକୁ ଯିବା ପାଇଁ ପରୀକ୍ଷାର୍ଥୀଙ୍କ  ଲାଗି ସୁବିଧା କରିବାକୁ ରାଜ୍ୟ ସରକାରମାନଙ୍କୁ ଏନଟିଏ ଚିଠି ଲେଖିଥିବା କହିଛି।

ସୂଚନାଥାଉ କି, JEE (ମେନ୍) ପାଇଁ ୮ ଲକ୍ଷ ୫୮ ହଜାର ଓ NEET (ୟୁଜି) ପାଇଁ ୧୫ ଲକ୍ଷ ୯୭ ହଜାର ପରୀକ୍ଷାର୍ଥୀ ପଞ୍ଜୀକରଣ କରିଛନ୍ତି।

You might also like