ଯୋଗୀ ସରକାରଙ୍କ ପାଇଁ ଅଡ଼ୁଆ ହେବକି ଜାତୀୟ ମାନବାଧିକାର କମିଶନଙ୍କ ରିପୋର୍ଟ

ନୂଆଦିଲ୍ଲୀ: କେନ୍ଦ୍ରରେ ବିଜେପି ନେତୃତ୍ୱାଧୀନ ସରକାର ଦଳିତ ଓ ସଂଖ୍ୟାଲଘୁଙ୍କ ପାଇଁ କାର୍ଯ୍ୟ କରୁଥିବା କହୁଛନ୍ତି। ସେହିପରି ଉତ୍ତର ପ୍ରଦେଶରେ କ୍ଷମତାସୀନ ଯୋଗୀ ସରକାର ଓ ରାଜ୍ୟ ପୁଲିସ୍‌ ଆଇନ୍‌ଶୃଙ୍ଖଳା ସ୍ଥିତିକୁ ସୁଧାରି ଦେଇଥିବା ଦାବି କରୁଛନ୍ତି। ହେଲେ ଜାତୀୟ ମାନବାଧିକାର କମିଶନଙ୍କ ରିପୋର୍ଟ ଯୋଗୀ ସରକାରଙ୍କ ଗୁମର ଖୋଲି ଦେଇଛି।

ଉତ୍ତର ପ୍ରଦେଶରେ ସଂଖ୍ୟାଲଘୁ ଓ ଦଳିତ ମାନଙ୍କୁ କ୍ରମାଗତ ଭାବେ ନିର୍ଯାତନା ଦିଆଯାଉଛି। ଯୋଗୀଙ୍କ ସରକାରରେ ସଂଖ୍ୟାଲଘୁ ଓ ଦଳିତମାନେ ନିଜକୁ ସୁରକ୍ଷିତ ମଣୁନାହାନ୍ତି। ଦଳିତ ଓ ସଂଖ୍ୟାଲଘୁଙ୍କ ଉପରେ ହେଉଥିବା ନିର୍ଯାତନାକୁ ନେଇ ଜାତୀୟ ମାନବାଧିକାର କମିଶନ ଗତ ୩ ବର୍ଷ ମଧ୍ୟରେ ଏକାଧିକ ମାମଲା ରୁଜୁ କରିଛନ୍ତି।

ଏହା ମଧ୍ୟରୁ ୪୩% ମାମଲା କେବଳ ଉତ୍ତର ପ୍ରଦେଶରେ ଘଟିଛି। ସେହିପରି ଓଡ଼ିଶାରେ ସଂଖ୍ୟାଲଘୁଙ୍କୁ ନିର୍ଯାତନା ସଂକ୍ରାନ୍ତରେ ୫ଟି ଓ ଦଳିତଙ୍କ ଉପରେ ହୋଇଥିବା ଆକ୍ରମଣ ପାଇଁ ୭୦ଟି ମାମଲା ରୁଜୁ ହୋଇଛି।

୨୦୧୬ରୁ ୨୦୧୯ ଜୁନ୍‌ ୧୫ ମଧ୍ୟରେ ଜାତୀୟ ମାନବାଧିକାର କମିଶନ ୨,୦୦୮ଟି ମାମଲା ରୁଜୁ କରିଛି। ଏହା ମଧ୍ୟରୁ କେବଳ ଉତ୍ତର ପ୍ରଦେଶରେ ୮୬୯ଟି ମାମଲା ରୁଜୁ ହୋଇଛି।

ଜୁଲାଇ ୧୬ରେ ଏକ ଲିଖିତ ପ୍ରଶ୍ନର ଉତ୍ତରରେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟ ଲୋକସଭାରେ ଏ ସମ୍ପର୍କିତ ତଥ୍ୟ ଦେଇଛି। ମହାରାଷ୍ଟ୍ରରେ ଗତ ୩ ବର୍ଷ ମଧ୍ୟରେ ସଂଖ୍ୟାଲଘୁମାନଙ୍କ ଉପରେ ନିର୍ଯାତନା ନେଇ ୧୫ଟି ମାମଲା ରୁଜୁ ହୋଇଛି। ସେହିପରି ୪୭ଟି ଦଳିତ ନିର୍ଯାତନା ମାମଲା ରୁଜୁ ହୋଇଛି।

ସଂଖ୍ୟାଲଘୁ ଓ ଦଳିତଙ୍କ ଉପରେ ହେଉଥିବା ନିର୍ଯାତନା ପାଇଁ ଉତ୍ତରାଖଣ୍ଡରେ ଯଥାକ୍ରମେ ୧୦ ଓ ୪୮, ଦିଲ୍ଲୀରେ ୧୬ ଓ ୬୦, ଗୁଜରାଟରେ ୨୩ ଓ ୬୫, ଓଡ଼ିଶାରେ ୫ ଓ ୭୦, ମଧ୍ୟପ୍ରଦେଶରେ ୧୬ ଓ ୭୨, ବିହାରରେ ୧୯ ଓ ୭୮, ହରିଆଣାରେ ୧୨ ଓ ୯୪, ରାଜସ୍ଥାନରେ ୧୧ ଓ ୧୨୦ ଏବଂ ଉତ୍ତର ପ୍ରଦେଶରେ ୭୦ ଓ ୭୯୯ଟି ମାମଲା ରୁଜୁ ହୋଇଛି।

ଆହୁରି ପଢ଼ନ୍ତୁ

ସିଏଏ ଆଇନ୍‌ ବିରୋଧ ହିଂସା: ପଶ୍ଚିମବଙ୍ଗରେ ୫ ସ୍ଥାନର ଇଣ୍ଟରନେଟ୍ ସେବା ବନ୍ଦ

‘ମିସ୍‌ ୱାର୍ଲଡ’ ମୁକୁଟ; ତୃତୀୟ ସ୍ଥାନରେ ଭାରତୀୟ ସୁନ୍ଦରୀ ସୁମନ୍‌

ଭାଗ୍ୟ ବଦଳାଇଲା ପିଆଜ; ଋଣଗ୍ରସ୍ତ ଚାଷୀ ଏବେ କୋଟିପତି

ଦିଲ୍ଲୀ ମେଟ୍ରୋରେ ଚାକିରି କରିବାକୁ ଚାହୁଁଛନ୍ତି ? ତୁରନ୍ତ କରନ୍ତୁ ଆବେଦନ…

କମିଲା ରିଲାଏନ୍ସ ଜିଓ ଫାଇବରର ନେଟ୍‌ ସ୍ପିଡ୍

ସହିଦ ବାପାଙ୍କ ପ୍ରତିମୂର୍ତ୍ତିକୁ ଜୀବିତ ଭାବି ଚୁମ୍ବନ ଦେଲା କୁନି ଝିଅ

ପିଆଜ ପରେ ବଢ଼ିଲା କ୍ଷୀର ଦର; କେତେ ହେଲା ଜାଣନ୍ତୁ

୫୦୦ ମିଟର ତଳକୁ ଖସିଲା ବସ୍; ୧୨ ମୃତ, ଅନେକ ଆହତ

ଶସ୍ତା ହେଲା ସାମସଙ୍ଗ୍‌ର ଏହି ଫୋନ୍‌

ପାହାଚ ଚଢିବା ବେଳେ ପଡ଼ିଗଲେ ମୋଦି

ବିନା ଟଙ୍କାରେ ଏମିତି ବୁକ୍‌ କରନ୍ତୁ ଟ୍ରେନ୍‌ ଟିକେଟ୍‌

ସିଏଏକୁ ବିରୋଧ: ୫ ଟ୍ରେନ୍‌ ଜାଳିଦେଲେ ବିକ୍ଷୋଭକାରୀ

You might also like