ଲକ୍‌ଡାଉନରେ ବି ସମ୍ବାଦପତ୍ର ବଣ୍ଟନ ହେବ

ନୂଆଦିଲ୍ଲୀ: ଲକ୍‌ଡାଉନରେ ବି ଚାଲିବ ସମ୍ବାଦପତ୍ର ବଣ୍ଟନ । ୨୧ ଦିନିଆ ଲକଡାଉନ ପିରିୟଡରେ ଦେଶରେ ସମ୍ବାଦପତ୍ର ବଣ୍ଟନ ଜାରି ରହିବା ନେଇ ସ୍ପଷ୍ଟ କରିଛି କେନ୍ଦ୍ର ଗୃହ ମନ୍ତ୍ରଣାଳୟ । ପ୍ରିଣ୍ଟ ମିଡିଆକୁ ଲକଡାଉନ କଟକଣାରୁ ବାଦ୍ ଦିଆଯାଇଥିବାରୁ ଖବରକାଗଜ ନେଇ ଯାଉଥିବା ଗାଡ଼ିଗୁଡ଼ିକୁ ଚଳାଚଳ ପାଇଁ ଅନୁମତି ଦିଆଯାଇଛି । ଏ ନେଇ କେନ୍ଦ୍ର ଗୃହ ସଚିବ ଅଜୟ ଭାଲ୍ଲା ସମସ୍ତ ରାଜ୍ୟର ମୁଖ୍ୟ ସଚିବଙ୍କୁ ଚିଠି ଲେଖିଛନ୍ତି ।

ସେହିପରି ସମସ୍ତ ପ୍ରକାର ମାଲବାହୀ ସାମଗ୍ରୀକୁ ମଧ୍ୟ ପରିବହନ ଲାଗି ଅନୁମତି ଦିଆଯାଇଛି। ଅତ୍ୟାବଶ୍ୟକ ହେଉ କି ଅଣ ଅତ୍ୟାବଶ୍ୟକ ସବୁ ସାମଗ୍ରୀର ପରିବହନ କରାଯିବ ।

You might also like