ଧାର୍ଯ୍ୟ ସମୟରେ ହେବ ଜେଇଇ ମେନ୍‌ ଓ ନିଟ୍‌ ପରୀକ୍ଷା

ନୂଆଦିଲ୍ଲୀ: ଘୁଞ୍ଚିବ ନାହିଁ NEET-2020 ଓ JEE Main-2020। ପୂର୍ବ ନିର୍ଦ୍ଧାରିତ ସମୟ ସେପ୍ଟେମ୍ବରରେ ହିଁ ହେବ ପରୀକ୍ଷା ।ପରୀକ୍ଷା ଘୁଞ୍ଚାଇବାକୁ ଦାଖଲ ହୋଇଥିବା ଆବେଦନ ଖାରଜ କରିଛନ୍ତି ସୁପ୍ରିମକୋର୍ଟ। ଜଷ୍ଟିସ୍ ଅରୁଣ ମିଶ୍ର, ବିଆର୍ ଗାବି, କ୍ରିଷ୍ଣା ମୋରାଇଙ୍କୁ ନେଇ ଗଠିତ ତିନି ଜଣିଆ ଖଣ୍ଡପୀଠ ମାମଲାର ଶୁଣାଣି କରି ଏହି ରାୟ ଦେଇଛନ୍ତି।

ଦେଶର ବିଭିନ୍ନ ରାଜ୍ୟରୁ ୧୧ ଜଣ ପରୀକ୍ଷାର୍ଥୀ ଏଣ୍ଟ୍ରାନ୍ସ  ଘୁଞ୍ଚାଇବାକୁ ନିବେଦନ କରିଥିଲେ। କୋଭିଡ୍ ପରିସ୍ଥିିତିରେ ପରୀକ୍ଷା କରାନଯାଇ ଏହାକୁ ଆସନ୍ତା କିଛି ମାସ ପରେ ନ୍ୟାସନାଲ୍ ଟେଷ୍ଟିଂ ଏଜେନ୍ସି-NTA ଦ୍ୱାରା କରାଇବାକୁ ନିବେଦନ କରିଥିଲେ। ତେବେ ଏହି ଆବେଦନ ଖାରଜ କରି ଜଷ୍ଟିସ୍ ମିଶ୍ର କହିଛନ୍ତି, ପରୀକ୍ଷା ନିର୍ଦ୍ଧାରିତ ସମୟରେ କରାଯିବ। ସେ ଆହୁରି କହିଛନ୍ତି, ଶିକ୍ଷା ସହ ଜଡ଼ିତ ଜିନିଷକୁ ଖୋଲି ଦେବା ଉଚିତ୍। କାରଣ କୋଭିଡ-୧୯ ଏକ ବର୍ଷ ଧରି ଲାଗି ରହିପାରେ। ଏହାକୁ ସ୍ଥଗିତର ରଖିଲେ ପିଲାଙ୍କ କ୍ୟାରିୟର ଖରାପ ହେବାର ଆଶଙ୍କା ରହିଛି ବୋଲି ସେ କହିଥିଲେ।

ତେବେ ପରୀକ୍ଷା ସମୟରେ ସତର୍କତା ଅବଲମ୍ବନ ଉପରେ ଗୁରୁତ୍ୱ ଦିଆଯାଇଛି। ଏଠି କହିରଖିବୁ, ପୂର୍ବ ନିର୍ଦ୍ଧାରିତ ସମୟ ଅନୁସାରେ JEE ମେନ୍‌ ସେପ୍ଟେମ୍ବର ୧ରୁ ସେପ୍ଟମ୍ବର ୬ ପର୍ଯ୍ୟନ୍ତ ହେବ। ଜେଇଇ ଆଡ୍‌ଭାନ୍ସ ସେପ୍ଟେମ୍ବର ୨୭ରେ ହେବ । ସେହିପରି NEET 2020 ସେପ୍ଟେମ୍ବର ୧୩ ତାରିଖରେ କରାଯିବ।

You might also like