ମୁହଁ ଖୋଲିଲେ ମୋଦି

ଲୋକଙ୍କୁ ପିଟି ପିଟି ହତ୍ୟା ଘଟଣାକୁ ନିନ୍ଦା କଲେ

ନୂଆଦିଲ୍ଲୀ : ଦେଶର ବିଭିନ୍ନ ସ୍ଥାନରେ ବିଭିନ୍ନ କାରଣରୁ ଲୋକଙ୍କୁ ପିଟିପିଟି ହତ୍ୟା କରାଯାଉଥିବାରୁ ଏହାକୁ ନିନ୍ଦା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏ ପ୍ରସଙ୍ଗରେ ବହୁ ଦିନ ଧରି ଚୁପ୍ ରହିବା ପରେ ସେ ମୁହଁ ଖୋଲିଛନ୍ତି।

ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ମୋଦି କହିଛନ୍ତି, ଏହା ଅତ୍ୟନ୍ତ ଦୁର୍ଭାଗ୍ୟଜନକ ଘଟଣା। ଯେକୌଣସି କାରଣରୁ ହେଉନା କାହିଁକି, କାହାକୁ ପିଟି ପିଟି ମାରିଦେବା, ବେଅାଇନ ଅଟେ। ଅାଇନ ଶୃଙ୍ଖଳା ବଜାୟ ରଖି ଦେଶର ପ୍ରତ୍ୟେକ ନାଗରିକଙ୍କୁ ସୁରକ୍ଷା ଦେବାକୁ ଏନ୍‌ଡିଏ ସରକାର ପ୍ରତିଶ୍ରୁତିବଦ୍ଧ ବୋଲି କହିଛନ୍ତି ମୋଦି।

ସେ କହିଛନ୍ତି, ଏସବୁ ଘଟଣାକୁ ରୋକିବାକୁ ରାଜ୍ୟ ସରକାରଗୁଡ଼ିକ କଡ଼ା ପଦକ୍ଷେପ ନେଇ ଅାଇନ ଶୃଙ୍ଖଳା ବଜାୟ ରଖିବା ଉଚିତ। ବିରୋଧୀମାନେ ଏହାକୁ ଅଯଥାରେ ପ୍ରସଙ୍ଗ କରୁଥିବା ମଧ୍ୟ ଅଭିଯୋଗ କରିଛନ୍ତି ମୋଦି।

You might also like