ମୁମ୍ବାଇ ତାଜ୍‌ ହୋଟେଲ ଉଡ଼ାଇ ଦେବାକୁ ଆତଙ୍କବାଦୀଙ୍କ ଧମକ

ମୁମ୍ବାଇ: ଭାରତର ଆର୍ଥିକ ରାଜଧାନୀ ମୁମ୍ବାଇସ୍ଥିତ  ତାଜ ହୋଟେଲକୁ ମଙ୍ଗଳବାର ଏକ ଧମକପୂର୍ଣ୍ଣ କଲ ଆସିଥିଲା। କେହି ଜଣେ କଲ କରି ତାଜ ହୋଟେଲ ପ୍ରତି ଆତଙ୍କୀ ଭୟ ଥିବା ଧମକ ଦେଇଥିଲେ। ଏହି ଘଟଣା ପରେ ପରେ ହୋଟେଲର ସୁରକ୍ଷା ବ୍ୟବସ୍ଥାକୁ  କଡାକଡି କରି ଦିଆଯାଇଛି।

ତାଜ୍‌ ହୋଟେଲର ଜଣେ ଅଧିକାରୀଙ୍କ କହିବା ଅନୁଯାୟୀ, ସକାଳ ପ୍ରାୟ ସାଢେ ୧୨ଟା ସମୟରେ ଏହି କଲ ଆସିଥିଲା। କଲ୍‌ ପାକିସ୍ତାନରୁ ଆସିଥିବା ଜଣାଯାଇଛି। ଫୋନ୍‌ରେ ଏହି ହୋଟେଲକୁ ବୋମା ପକାଇ ଉଡ଼ାଇ ଦିଆଯିବ ବୋଲି ଧମକ ମିଳିଥିଲା।

ଫୋନ କରିଥିବା ବ୍ୟକ୍ତିଜଣକ କହିଥିଲେ, କରାଚୀ ଏକ୍ସଚେଞ୍ଜ ଉପରେ ହୋଇଥିବା ଆତଙ୍କବାଦୀ ଆକ୍ରମଣ ସାରା ଦୁନିଆ ଦେଖିଲା। ଏବେ ଭାରତର ତାଜ ହୋଟେଲ୍‌ରେ ୨୬/୧୧ ପରି ପୁଣି ଏକ ଆକ୍ରମଣ କରାଯିବ।

ପାକିସ୍ତାନରୁ ଏପରି ଧମକ ମିଳିବା ନେଇ ହୋଟେଲ କର୍ମଚାରୀ ମୁମ୍ବାଇ ପୋଲିସକୁ ଅବଗତ କରାଇଛନ୍ତି। ହୋଟେଲର ପ୍ରତ୍ୟେକ ଗେଟ ଉପରେ କଡା ନଜର ରଖାଯାଇଛି।

ସୂଚନାଥାଉ କି, ୨୦୦୮ ନଭେମ୍ବର ୨୬ ତାରିଖରେ ମୁମ୍ବାଇର ଏଇ ତାଜ୍‌ ହୋଟେଲ  ଆତଙ୍କବାଦୀ ଆକ୍ରମଣର ଶିକାର ହୋଇଥିଲା।

ଭାରତ ଇତିହାସରେ ଘଟିଥିବା ଏକ ମର୍ମନ୍ତୁଦ ଆତଙ୍କବାଦୀ ଆକ୍ରମଣରେ ୨୬୬ ଜଣଙ୍କର ମୃତ୍ୟୁ ଘଟିଥିବା ବେଳେ ୩୦୦ରୁ ଅଧିକ ଆହତ ହୋଇଥିଲେ। ପାକିସ୍ତାନ ଆତଙ୍କୀ ସଂଗଠନ ଲସ୍କର-ଏ-ତୋଇବାର ପ୍ରାୟ ୧୦ ଜଣ ସଶସ୍ତ୍ର ଆତଙ୍କବାଦୀ ହୋଟେଲ ଭିତରକୁ ପଶି ଏଭଳି ବର୍ବର କାଣ୍ଡ ଭିଆଇଥିଲେ। ୬୦ ଘଣ୍ଟା ଧରି ଚାଲିଥିଲା ଅପରେଶନ। ଶେଷରେ ଜଣେ ଆତଙ୍କବାଦୀ କସାବକୁ ପୋଲିସ ଜୀବିତ ଧରି ପାରିଥିଲା। କସାବ ପରେ ଅପରାଧ ସ୍ୱୀକାର କରିଥିଲା। ୨୦୧୨ରେ କସାବକୁ ଫାଶି ଦଣ୍ଡ ଦିଆଯାଇଥିଲା।

 

ଆହୁରି ପଢ଼ନ୍ତୁ

ଯେମିତି ନିର୍ବାଚନ, ସେଇ ପଦ୍ଧତିରେ ହେବ ଦେଶରେ କୋଭିଡ୍ ଟିକାକରଣ

ଆର୍‌ବିଆଇ ଗଭର୍ଣ୍ଣରଙ୍କୁ କରୋନା

ସିଏଏକୁ ନେଇ ମୋହନ ଭାଗବତଙ୍କ ମନ୍ତବ୍ୟରେ କଡ଼ା ପ୍ରତିକ୍ରିୟା ରଖିଲେ ଅସଦୁଦ୍ଦିନ ଓୱେସୀ

ବାଃ କୋଭିଡ୍‌ ଯୋଦ୍ଧା, ଅସୁସ୍ଥ କରୋନା ରୋଗୀଙ୍କୁ ଅଧକିଲୋମିଟର ପିଠିରେ ବୋହି ଆମ୍ବୁଲାନ୍ସରେ ବସାଇଲେ

ହାଥରସ୍ ଗଣଦୁଷ୍କର୍ମ ଓ ହତ୍ୟା ମାମଲାର ତଦନ୍ତକାରୀ ଅଧିକାରୀ ପତ୍ନୀଙ୍କ ଆତ୍ମହତ୍ୟା

ବିହାର ଲୋକେ ନୀତୀଶଙ୍କ ଉପରେ କେବଳ ରାଗୁ ନାହାନ୍ତି, ତାଙ୍କୁ ଘୃଣା ବି କରୁଛନ୍ତି; ତେଜସ୍ୱୀ ଯାଦବ

ରେଳବାଇର କୋଭିଡ୍‌ କେୟାର କୋଚ୍‌ରେ ମହାରାଷ୍ଟ୍ରର ଜଣେ ବି ରୋଗୀ ଆଡ୍‌ମିଶନ ହୋଇ ନାହାନ୍ତି

ଏପଟେ ପୂଜା ସେପଟେ ପତ୍ନୀଙ୍କୁ ହତ୍ୟା ! ପୂଜା ଘର ଭିତରୁ ମିଳିଲା ମୃତଦେହ

ଜେଡିଆର୍‌ ପାର୍ଟି ନେତାଙ୍କୁ ଗୁଳି କରି ହତ୍ୟା ଘଟଣାରେ ବଡ଼ ଖୁଲାସା

‘ଭାରତର କଡ଼ା ଜବାବରେ ଭୟଭୀତ ଚାଇନା’

ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ରାଜନାଥ ସିଂ

ମନ କି ବାତ୍‌: ଯବାନଙ୍କ ପାଇଁ ଦୀପ ଜାଳିବାକୁ କହିଲେ ପ୍ରଧାନମନ୍ତ୍ରୀ

You might also like