ଏହି ସହରରେ ଡିସେମ୍ୱର ୩୧ ପର୍ଯ୍ୟନ୍ତ ବନ୍ଦ ରହିବ ସ୍କୁଲ

ମୁମ୍ୱାଇ: ମୁମ୍ୱାଇ ସହରରେ ବଢ଼ୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ନଭେମ୍ୱର ୨୩ରୁ ଖୋଲାଯିବାକୁ ଥିବା ସମସ୍ତ ବିଦ୍ୟାଳୟକୁ ବନ୍ଦ ରଖିବାକୁ ନିଷ୍ପତ୍ତି ନେଇଛି ବିଏମ୍‌ସି( Brihanmumbai Municipal Corporation)।

ବିଏମ୍‌ସି ଅଧିନରେ ଆସୁଥିବା ସମସ୍ତ ବିଦ୍ୟାଳୟକୁ ୩୧ ଡିସେମ୍ୱର ପର୍ଯ୍ୟନ୍ତ ବନ୍ଦ ରଖାଯିବ। କିଛିଦିନ ହେବ ମୁମ୍ୱାଇ ସହରରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବାରୁ ନଭେମ୍ୱର ୨୩ରେ ସ୍କୁଲ ଗୁଡ଼ିକ ଖୋଲାଯିବ ନାହିଁ ବୋଲି ମୁମ୍ୱାଇର ମେୟର କିଶୋରି ପେଡ୍‌ନେକାର କହିଛନ୍ତି।

ମହାରାଷ୍ଟ୍ର ସରକାର ପୂର୍ବରୁ ନବମ ଏବଂ ଦଶମ ଶ୍ରେଣୀର ଛାତ୍ରଛାତ୍ରୀମାନେ ନଭେମ୍ୱର ୨୩ରୁ ସ୍କୁଲକୁ ଯାଇପାରିବେ ବୋଲି ନିଷ୍ପତ୍ତି ନେଇଥିଲେ। ଏହା ସହିତ ଜୁନିଅର କଲେଜ୍‌ର ଛାତ୍ରଛାତ୍ରୀମାନେ ମଧ୍ୟ କଲେଜ୍‌ ଯାଇପାରିବେ ବୋଲି କହିଥିଲେ।

ତେବେ କୋଭିଡ୍‌-୧୯ର ପ୍ରୋଟକଲ୍‌ ନିୟମକୁ ମାନି ମହାରାଷ୍ଟ୍ରର ଅନ୍ୟ ସ୍ଥାନଗୁଡ଼ିକରେ ନଭେମ୍ୱର ୨୩ ତାରିଖଠାରୁ ସ୍କୁଲଗୁଡ଼ିକ ଖୋଲାଯିବ। ଏହା ପୂର୍ବରୁ ସମସ୍ତ ସ୍କୁଲକୁ ସାନିଟାଇଜ୍‌ କରାଯିବ। ଏଥିସହିତ କରୋନା ସଂକ୍ରମଣକୁ ହ୍ରାସ କରିବା ପାଇଁ ଶିକ୍ଷା ବିଭାଗର ନିର୍ଦ୍ଦେଶ ଅନୁସାରେ ଶିକ୍ଷକମାନେ ସେମାନଙ୍କର RT-PCR ଟେଷ୍ଟ କରାଇନେବାକୁ କୁହାଯାଇଛି।

You might also like