୪୬ ବର୍ଷର ରେକର୍ଡ ଭାଙ୍ଗିଲା ବର୍ଷା, ୬ ଘଣ୍ଟାରେ ୩୩୦ ମିମି ବର୍ଷିଲା

ମୁମ୍ବାଇ: ପ୍ରବଳ ବର୍ଷାରେ ବେହାଲ ମହାରାଷ୍ଟ୍ର। ଉବୁଟୁବୁ ମାୟାନଗରୀ ମୁମ୍ବାଇ। ଲଗାଣ ବର୍ଷା ଯୋଗୁଁ ମୁମ୍ବାଇର ଅନେକ ଅଞ୍ଚଳରେ ଅଣ୍ଟେ ଉଚ୍ଚର ପାଣି ଜମି ରହିଛି । ବିଭିନ୍ନ ସ୍ଥାନରେ ଜଳବନ୍ଦୀ ଅବସ୍ଥାରେ ଲୋକେ ଫସି ରହିଥିବା ଦେଖିବାକୁ ମିଳିଛି । ଚର୍ଚ୍ଚଗେଟ୍‌,    ୱର୍ଲି, ଚୌପାଟୀ, ହିନ୍ଦ୍‌ମାତା, ମଦନପୁରା ଆଦି ଅଞ୍ଚଳ ବେଶୀ ପ୍ରଭାବିତ ହୋଇଛି ।

ବୁଧବାର ପରିସ୍ଥିତି ଆହୁରି ସଙ୍ଗୀନ ଥିଲା । ୪୬ ବର୍ଷର ରେକର୍ଡ ଭାଙ୍ଗିଛି ବର୍ଷା। ମାତ୍ର ୬ ଘଣ୍ଟା ମଧ୍ୟରେ ୩୩୦ ମିମି ବର୍ଷା ହୋଇଛି। ୧୯୭୪ ମସିହାରେ ମୁମ୍ବାଇରେ ସର୍ବାଧିକ ୨୬୨ ମିମି ବର୍ଷା ରେକର୍ଡ କରାଯାଇଥିଲା।

ଥାନେ ଓ ପାଲଘର ଅଞ୍ଚଳରେ ବି ପ୍ରବଳ ବର୍ଷା ଯୋଗୁଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଟ୍ରେନ୍ ଓ ବସ୍ ସେବା ଗୁରୁତର ପ୍ରଭାବିତ ହୋଇଛି । ରେସ୍‌କ୍ୟୁ  ଓ ରିଲିଫ୍ ଅପରେସନ ପାଇଁ ରାଜ୍ୟରେ ୧୫ଟି NDRF ଟିମ୍ ମୁତୟନ କରାଯାଇଛି । ସେହିପରି ୬୦ରୁ ୭୦ କିଲୋମିଟର ବେଗରେ ପବନ ବୋହିବା ଯୋଗୁଁ ବହୁ ସ୍ଥାନରେ ଗଛ ଭାଙ୍ଗିଥିବା ଦେଖିବାକୁ ମିଳିଛି ।

କେତେକ ସ୍ଥାନରେ ବର୍ଷା ପାଣି ମେଡିକାଲରେ ପଶିଥିବା ଦେଖିବାକୁ ମିଳିଛି । ମୁମ୍ବାଇର ଜେଜେ ହସ୍ପିଟାଲରେ ବର୍ଷା ପାଣି ପଶିବା ଫଳରେ ରୋଗୀ ଓ ରୋଗୀଙ୍କ ସଂପର୍କୀୟ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ତେବେ କିଛି ସମୟ ପରେ ହସ୍ପିଟାଲ ପରିସରରୁ ବର୍ଷା ଜଳ ନିଷ୍କାସନ କରାଯାଇଥିବା ନେଇ ବ୍ରିହାନ ମୁମ୍ବାଇ ମ୍ୟୁନିସିପାଲିଟି ପକ୍ଷରୁ କୁହାଯାଇଛି।

 

ପ୍ରବଳ ବର୍ଷାରେ ବେହାଲ ହେଲାଣି ଜନଜୀବନ। ରାସ୍ତା ଉପରେ ଅଣ୍ଟେ ଉଚ୍ଚର ପାଣି। #Mumbai #RainsandWeather

 

You might also like