ପ୍ରବଳ ବର୍ଷାରେ ମୁମ୍ବାଇ ଜଳବନ୍ଦୀ

ମୁମ୍ୱାଇ: ପ୍ରବଳ ବର୍ଷାରେ ବେହାଲ ମହାରାଷ୍ଟ୍ର, ଉବୁଟୁବୁ ମାୟାନଗରୀ। ମୁମ୍ବାଇ ଲଗାଣ ବର୍ଷା ଯୋଗୁଁ ମୁମ୍ବାଇର ଅନେକ ଅଞ୍ଚଳରେ ଅଣ୍ଟେ ଉଚ୍ଚର ପାଣି ଜମି ରହିଛି। ଆଜି ପ୍ରାୟ ୬୦ରୁ ୭୦ କିଲୋମିଟର ବେଗରେ ପବନ ବୋହିଥିଲା। ଫଳରେ ବହୁ ସ୍ଥାନରେ ଗଛ ଭାଙ୍ଗି ରାସ୍ତା ଅବରୋଧ ହୋଇଛି। ବିଭିନ୍ନ ସ୍ଥାନରେ ଜଳବନ୍ଦୀ ଅବସ୍ଥାରେ ଲୋକେ ଓ ଯାତ୍ରୀ ଫସି ରହିଥିବା ମଧ୍ୟ ଦେଖିବାକୁ  ମିଳିଥିଲା।

ଚର୍ଚଗେଟ୍, ଓ୍ବର୍ଲି, ଚୌପାଟୀ, ହିନ୍ଦମାତା, ମଦନପୁରା ଆଦି ଅଞ୍ଚଳ ବେଶୀ ପ୍ରଭାବିତ ହୋଇଛି। ଥାନେ ଓ ପାଲଘର ଅଞ୍ଚଳରେ ବି ପ୍ରବଳ ବର୍ଷା ଯୋଗୁଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି।

ଟ୍ରେନ୍ ଓ ବସ୍ ଗୁରୁତର ପ୍ରଭାବିତ ହୋଇଛି। ୧୨ ଘଣ୍ଟାରେ ମହାରାଷ୍ଟ୍ରରେ ୧୫୦ ମିଲିମିଟିର ବର୍ଷା ରେକର୍ଡ କରାଯାଇଛି ରେସ୍କ୍ୟୁ ଓ ରିଲିଫ୍ ଅପରେସନ ପାଇଁ ରାଜ୍ୟରେ ୧୫ଟି NDRF ଟିମ୍ ମୁତୟନ କରାଯାଇଛି।

You might also like