କରୋନା ମୁକାବିଲାରେ ଭୁଲି ହେବନି ମାସ୍କର ଭୂମିକା

ନୂଆଦିଲ୍ଲୀ: କରୋନାକୁ ମାତ ଦେବା ପାଇଁ ସବୁଠାରୁ ବଡ ଅସ୍ତ୍ର ସାଜିଛି  ସଚେତନତା। ଏଇ ସଚେତନତାର ପ୍ରଥମ ସୋପାନ ହେଉଛି ମାସ୍କ। ଆଜିଠୁ ବିଭିନ୍ନ ସଂଗଠନ ପକ୍ଷରୁ ପାଳନ କରାଯାଉଛି ବିଶ୍ୱ ମାସ୍କ ସପ୍ତାହ । ବିଶ୍ୱ ସ୍ୱାସ୍ଥ୍ୟ ସଂଗଠନ WHO,  ଆଫ୍ରିକାର ସିଡିଏସ୍, ଫେସ୍‌ବୁକ୍, ଗୁଗଲ, ଗ୍ଲୋବାଲ ସିଟିଜେନ୍ ଭଳି ୪୦ରୁ ଅଧିକ ସଂଗଠନ ପକ୍ଷରୁ ପାଳନ କରାଯାଉଛି ବିଶ୍ୱ ମାସ୍କ ସପ୍ତାହ ।

ଆଜିଠୁ ୧୪ ତାରିଖ ପର୍ଯ୍ୟନ୍ତ ସପ୍ତାହେ ବ୍ୟାପୀ ଏହି କାର୍ଯ୍ୟକ୍ରମ କରାଯିବ । ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବା ପାଇଁ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ଲକ୍ଷ୍ୟରେ ମାସ୍କ ସପ୍ତାହ ପାଳନ କରାଯାଉଛି । ବିଶ୍ୱରେ କରୋନା ଏବେ ଖୀପ୍ର ଗତିରେ ମାଡ଼ି ଚାଲିଥିବା ବେଳେ ଏହାକୁ ରୋକିବାକୁ ହେଲେ ମାସ୍କ ପିନ୍ଧିବା ଜରୁରୀ ଅଟେ ।

କରୋନା ଟିକା ପ୍ରସ୍ତୁତି ପାଇଁ ବିଭିନ୍ନ ଦେଶ  ଜୋରସୋର ଉଦ୍ୟମ କରୁଥିବା ବେଳେ ସଂକ୍ରମଣ ରୋକିବା ଲାଗି ଏବେ ସାମାଜିକ ଦୂରତା ବଜାୟ ରଖିବା ଜରୁରୀ ହୋଇପଡ଼ିଛି । ଆଉ ଯେଉଁଠାରେ ସାମାଜିକ ଦୂରତା ବଜାୟ ରଖାଯାଇପାରୁନି ସେପରି ଜାଗାରେ ମାସ୍କ ପିନ୍ଧିବା ନିହାତି ଆବଶ୍ୟକ। ସେହିପରି  ସର୍ବସାଧାରଣ ସ୍ଥାନରେ  ମାସ୍କ ପିନ୍ଧିବା ନିହାତି ଜରୁରୀ ହୋଇପଡ଼ିଛି । ଏ ନେଇ ଲୋକଙ୍କୁ ସଚେତନ କରିବା ପାଇଁ ମାସ୍କ ସପ୍ତାହ ପାଳନ କରାଯାଉଛି।

You might also like