ଦିଅରର ଟାଙ୍ଗିଆ ଚୋଟରେ ଭାଉଜ ମୃତ

କାମାକ୍ଷାନଗର: ଢେଙ୍କାନାଳ ଜିଲ୍ଲା କାମାକ୍ଷାନଗର ଭୁବନ ଥାନା ଅସୁରବନ୍ଧ ଗାଁରେ ଏକ ହତ୍ୟାକାଣ୍ଡ ଘଟିଯାଇଛି। ଗତକାଲି ରାତିରେ ଦିଅରର ଟାଙ୍ଗିଆ ଚୋଟରେ ଭାଉଜ ମୃତ୍ୟୁ ଘଟିଛି। ମୃତ ମହିଳା ଜଣକ ହେଲେ ସେହି ଗ୍ରାମର ଅଭିମନ୍ୟୁ ମଲ୍ଲିକଙ୍କ ପତ୍ନୀ ଲିଲି।

ଗତକାଲି ରାତିରେ ଖାଇସାରି ବିଲକୁ ଯାଇଥିଲେ। ସେଠାରେ ପତ୍ନୀ ଲିଲିଙ୍କ ହତ୍ୟା ଖବର ପାଇଥିଲେ । ସାନ ଭାଇ ରବୀନ୍ଦ୍ର ଟାଙ୍ଗିଆରେ  ହାଣି ହତ୍ୟା କରିଥିବା ଜଣେ ପଡୋଶୀ ସୂଚନା ଦେଇଥିଲେ।

ଘରେ ପହଞ୍ଚି ପତ୍ନୀଙ୍କ ରକ୍ତ ଜୁଡୁବୁଡୁ ଶରୀର ଦେଖିଥିଲେ। ତୁରନ୍ତ  ତାଙ୍କୁ ଡାକ୍ତରଖାନା ନେଇଥିଲେ ହେଁ  ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।  ଖବର ପାଇ ପୋଲିସ ମୃତଦେହ ଜବତ କରିବା ସହିତ ଅଭିଯୁକ୍ତ ଦିଅରକୁ ଗିରଫ ରଖି ଜେରା କରୁଛି । ରବୀନ୍ଦ୍ର ଭାଉଜ ଲିଲିଙ୍କୁ ହତ୍ୟା କରିଥିବା ପୋଲିସ ଆଗରେ ସ୍ୱୀକାର କରିଛନ୍ତି।

ତେବେ ହତ୍ୟାକାଣ୍ଡର କାରଣ ଜଣାପଡ଼ି ନାହିଁ।

 

You might also like