ଦାମୀ ରେଷ୍ଟୁରାଣ୍ଟ୍‌ରେ ଖାଉଥିଲେ‌ ସମ୍ବର ଓ ଦୋସା, ବାହାରିଲା ମଲା ଝିଟିପିଟି

ନୂଆଦିଲ୍ଲୀ: ଖାଇବା ପାଇଁ ଅର୍ଡର କଲେ ପପୁଲାର୍‌ ସାଉଥ୍‌ ଇଣ୍ଡିଆନ୍‌ ପୁଡ୍‌ ସମ୍ବର ଓ ଦୋସା। ହେଲେ ଅର୍ଡର ହୋଇଥିବା ଖାଦ୍ୟରୁ ବାହାରିଲା ଏକ ମରି ଯାଇଥିବା ଝିଟିପିଟି। ଏହାର ଏକ ଭିଡିଓ ଏବେ ସୋସିଆଲ୍‌ ମିଡିଆରେ ଭାଇରାଲ୍‌ ହେବାରେ ଲାଗିଛି। ଦିଳ୍ଲୀର କନୌଟ ଅଞ୍ଚଳରେ ଥିବା ଏକ ଦାମୀ ରେଷ୍ଟୁରାଣ୍ଟ୍‌ରୁ ଏହି ଖାଦ୍ୟ ଅର୍ଡର ହୋଇଥିଲା।

ସୂଚନା ଅନୁସାରେ, ଅଗଷ୍ଟ ୧ ରାତିରେ ଜଣେ ବ୍ୟକ୍ତି ଖାଇବା ପାଇଁ ଦିଲ୍ଲୀର ପୋଶ୍‌ ମାର୍କେଟ୍‌ ଅଞ୍ଚଳରେ ଥିବା ଏହି ରେଷ୍ଟୁରାଣ୍ଟ୍‌‌କୁ ଯାଇଥିଲେ। ସେଠାରେ ସେ ଦୋସା ଓ ସମ୍ବର ଅର୍ଡର କରିଥିଲେ। ସେଥିରୁ ସେ କିଛି ଖାଇବା ପରେ ହଠାତ୍‌ ସମ୍ବରରୁ ଏକ ମରି ଯାଇଥିବା ଝିଟିପିଟି ମିଳିଥିଲା। ଝିଟିପିଟିର ଅଧା ଶରୀର ନ ଥିବା ଦେଖିବାକୁ ମିଳିଥିଲା। ଏହାପରେ ସେ ଏସମ୍ପର୍କରେ ରେଷ୍ଟୁରାଣ୍ଟ୍‌ର ଷ୍ଟାଫ୍‌ଙ୍କୁ ଅଭିଯୋଗ କରି଼ବା ସହ ପୋଲିସ୍‌ରେ ମଧ୍ୟ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ୍‌ ଉକ୍ତ ହୋଟେଲ୍‌ ବିରୋଧରେ ଏକ ମାମଲା ରୁଜୁ କରିଛି।

You might also like