ଜୁଲାଇ ୩୧ ଯାଏ ଲକଡାଉନ୍ ବଢ଼ାଇଲା ଏହି ରାଜ୍ୟ

ମୁମ୍ବାଇ: ଭାରତରେ କରୋନା ଭାଇରସର ସଂକ୍ରମଣ ଲଗାତର ବଢ଼ିବାରେ ଲାଗିଛି। ଦେଶରେ ଏପର୍ଯ୍ୟନ୍ତ ୫ଲକ୍ଷ ୪୮ହଜାରରୁ ଅଧିକ ଲୋକେ ସଂକ୍ରମିତ ହୋଇଥିବା ବେଳେ ୧୬,୪୦୦ରୁ ଅଧିକ ଲୋକଙ୍କର ମୃତ୍ୟୁ ହୋଇଛି। ଏହାକୁ ଆଖି ଆଗରେ ରଖି ମହାରାଷ୍ଟ୍ର ସରକାର ବଡ଼ ନିଷ୍ପତ୍ତି ନେଇଛନ୍ତି। ଦେଶରେ ସବୁଠାରୁ ଅଧିକ ପ୍ରଭାବିତ ହୋଇଥିବା ଏହି ରାଜ୍ୟରେ ଲକଡାଉନକୁ ଜୁଲାଇ ୩୧ ତାରିଖ ପର୍ଯ୍ୟନ୍ତ ବଢ଼ାଇ ଦିଆଯାଇଛି। ତେବେ ଲକଡାଉନ୍ ସମୟରେ ରାଜ୍ୟରେ ଜରୁରୀ ସାମଗ୍ରୀ ଦୋକାନ ଖୋଲା ରହିବ।

ମହାରାଷ୍ଟ୍ରରେ କରୋନା ଭାଇରସର ମାମଲା ମଧ୍ୟ ଥମିବାର ନାଁ ନେଉନାହିଁ। ଲଗାତର ପଜିଟିଭ୍ ଆକ୍ରାନ୍ତ ବଢ଼ୁଥିବାର ଦେଖି ଉଦ୍ଧବ ଠାକରେ ତିନି ମହାରାଷ୍ଟ୍ର ଅଗାଡ଼ି ସରକାର ଲକଡାଉନକୁ ବଢ଼ାଇବାକୁ ନିଷ୍ପତ୍ତି ନେଇଛନ୍ତି। ଏହା ପୂର୍ବରୁ ରବିବାର ଠାକରେ କହିଥିଲେ ଯେ ଜୁନ୍ ୩୦ ତାରିଖ ପରେ ମଧ୍ୟ ରାଜ୍ୟରେ କଟକଣା ଜାରି ରହିବ। ଠାକରେ କହିଥିଲେ, କରୋନା ଭାଇରସର ବିପଦ ଏବେବି ଟଳିନାହିଁ। ଅର୍ଥବ୍ୟବସ୍ଥାକୁ ପୁଣିଥରେ ଟ୍ରାକକୁ ଆଣିବା ପାଇଁ ଅନଲକ୍ ପ୍ରକ୍ରିୟାକୁ ଧୀରେ ଧୀରେ ଲାଗୁ କରାଯାଉଛି, ଯାହାକୁ ‘ମିଶନ୍ ବିଗିନ୍ ଏଗେନ୍’ ଆଖ୍ୟା ଦିଆଯାଇଛି।

ରବିବାର ମୁମ୍ବାଇ ପୁଲିସ୍ କରୋନାଭାଇରସକୁ ବ୍ୟାପିବାରୁ ରୋକିବା ପାଇଁ ସ୍ଥାନୀୟ ବାସିନ୍ଦାଙ୍କୁ ନିୟମିତ ବ୍ୟାୟାମ କରିବା କିମ୍ବା ଦୋକାନ ଓ ସେଲୁନ୍ ଯିବା ପାଇଁ ନିଜ ଘରଠାରୁ ୨ କିଲୋମିଟରରୁ ଅଧିକ ବାଟ ନଯିବାକୁ ନିବେଦନ କରିଥିଲା। ମହାରାଷ୍ଟ୍ର ପୂର୍ବରୁ କିଛି ରାଜ୍ୟ ମଧ୍ୟ କରୋନା ସଂକ୍ରମଣ ବଢ଼ୁଥିବାର ଦେଖି ଲକଡାଉନକୁ ବଢ଼ାଇଛନ୍ତି। ଏହା ପୂର୍ବରୁ ପଶ୍ଚିମବଙ୍ଗର ମମତା ବାନାର୍ଜୀ ସରକାର ରାଜ୍ୟରେ ଜୁଲାଇ ୩୧ ତାରିଖ ପର୍ଯ୍ୟନ୍ତ ଲକଡାଉନ୍ ବଢ଼ାଇଥିଲେ।

ଆହୁରି ପଢ଼ନ୍ତୁ

କରୋନାରୁ ସୁସ୍ଥ ହେଲେ ଆଉ ୨୦୭୧ ଆକ୍ରାନ୍ତ

ଯେମିତି ନିର୍ବାଚନ, ସେଇ ପଦ୍ଧତିରେ ହେବ ଦେଶରେ କୋଭିଡ୍ ଟିକାକରଣ

ବାଃ କୋଭିଡ୍‌ ଯୋଦ୍ଧା, ଅସୁସ୍ଥ କରୋନା ରୋଗୀଙ୍କୁ ଅଧକିଲୋମିଟର ପିଠିରେ ବୋହି ଆମ୍ବୁଲାନ୍ସରେ ବସାଇଲେ

ଓଡ଼ିଶାରେ କରୋନା ସ୍ଥିତି: ଆଖି ବୁଜିଲେ ଆଉ ୧୬ କରୋନା ଆକ୍ରାନ୍ତ

ଦିନକରେ ଓଡ଼ିଶାରେ ୧,୬୩୩ କରୋନା ପଜିଟିଭ୍‌‌ ଚିହ୍ନଟ

ରାଜ୍ୟରେ ଆଉ ୨୬୧୩ କରୋନା ଆକ୍ରାନ୍ତ ସୁସ୍ଥ ହେଲେ

ଭୁବନେଶ୍ୱରରେ ୧୮୨ କରୋନା ପଜିଟିଭ ଚିହ୍ନଟ

‘ଦେଶର ସମସ୍ତ ନାଗରିକଙ୍କୁ ମାଗଣା କରୋନା ଭ୍ୟାକ୍ସିନ ମିଳିବା ଦରକାର’

ପୁଣି ଥରେ କରୋନା ଭାକ୍ସିନ୍ ପରୀକ୍ଷଣ ଆରମ୍ଭ କଲା ଅଷ୍ଟ୍ରେଜେନିକା

ଦିନକରେ କରୋନା ନେଲା ଆଉ ୬୫୦ ଜୀବନ

କରୋନାରେ ଆଖି ବୁଜିଲେ ଆଉ ୧୫ ଜଣ

ଓଡ଼ିଶାରେ ଦିନକରେ ୧,୬୯୫ କରୋନା ପଜିଟିଭ୍‌ ଚିହ୍ନଟ, କମୁଛି କ୍ୱାରେଣ୍ଟିନ୍ ଓ ଲୋକାଲ୍ କେସ୍‌

You might also like