ମହାରାଷ୍ଟ୍ର ଓ ହରିୟାଣାରେ ମତଦାନ : ଇଭିଏମ୍‌ରେ ସିଲ୍ ହେଲା ପ୍ରାର୍ଥୀଙ୍କ ଭାଗ୍ୟ

ମହାରାଷ୍ଟ୍ର : ୨ ବିଜେପି ଶାସିତ ରାଜ୍ୟ ମହାରାଷ୍ଟ୍ର ଓ ହରିୟାଣାରେ ହୋଇଛି ମତଦାନ। ଅପରାହ୍ଣ ୫ଟା ସୁଦ୍ଧା ହରିଆଣାରେ  ୫୩.୭  ପ୍ରତିଶତ ଓ  ମହାରାଷ୍ଟ୍ରରେ ୫୪.୫୩ ପ୍ରତିଶତ ମତଦାନ ହୋଇଥିବା ସୂଚନା ମିଳିଛି। ମୋଦି ସରକାର ଦ୍ୱିତୀୟ ଥର ପାଇଁ କେନ୍ଦ୍ରରେ କ୍ଷମତା ଦଖଲ କଲାପରେ ଏହା ପ୍ରଥମ ଗୁରୁତ୍ୱପୂର୍ଣ୍ଣ ନିର୍ବାଚନ ମହାରାଷ୍ଟ୍ରର ସମସ୍ତ ୨୮୮ ଆସନ ପାଇଁ ହୋଇଛି ଭୋଟ୍ ଗ୍ରହଣ।

କଡ଼ା ସୁରକ୍ଷା ମଧ୍ୟରେ ରାଜ୍ୟରେ ୯୬ ହଜାର ୬୬୧ଟି ବୁଥ୍‌ରେ ଆଜି ମତାଧିକାର ସାବ୍ୟସ୍ତ କରିଛନ୍ତି ଭୋଟର। ମୈଦାନରେ ଅଛନ୍ତି ୩୨ ଶହ ୩୭ ପ୍ରାର୍ଥୀ ଭୋଟ୍‌ର ମତ ଇଭିଏମରେ ସିଲ ହେବା ସହ ପ୍ରାର୍ଥୀଙ୍କ ଭାଗ୍ୟ ବି ସିଲ ହୋଇଛି।

ସେହିପରି  ହରିୟାଣାରେ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ହୋଇଛି ଭୋଟ୍ ଗ୍ରହଣ । ମତଦାନ ପାଇଁ ହରିୟାଣାରେ ୧୬ହଜାର ୩୫୭ଟି ପୋଲିଂ ବୁଥ୍ କରାଯାଇଥିଲା।  ସକାଳ ୭ଟାରୁ ଭୋଟ ଆରମ୍ଭ ହୋଇଥିବାବେଳେ ଅପରାହ୍ନ ୫ଟା ପର୍ଯ୍ୟନ୍ତ ଚାଲିଥିଲା।  ୯୦ ଆସନ ବିଶିଷ୍ଟ ହରିୟାଣା ବିଧାନସଭା ପାଇଁ ମଇଦାନରେ ୧୧ ଶହ୬୯ ଜଣ ପ୍ରାର୍ଥୀ ଅଛନ୍ତି ।

ହରିୟାଣାରେ ଭୋଟରଙ୍କ ମତ ଇଭିଏମରେ ସିଲ ହୋଇଛି। ଏଠାରେ ବିଜେପି ଓ କଂଗ୍ରେସ ମଧ୍ୟରେ ଟକ୍କର ହେଉଛି।

You might also like