ଘର ବାହୁଡା ଶ୍ରମିକଙ୍କ ଦୁଃଖ: ଟ୍ରକ ଦୁର୍ଘଟଣାରେ ଚାଲିଗଲା ୫ ଜୀବନ

ନୂଆଦିଲ୍ଲୀ: ମହାରାଷ୍ଟ୍ରର ଜାଲନା ଓ ଔରଙ୍ଗାବାଦ ମଝିରେ ଟ୍ରେନରେ କଟି ୧୬ ଜଣ ଶ୍ରମିକଙ୍କ ମୃତ୍ୟୁ ଘଟଣାର ଦୁଃଖ  ମନରୁ  ଲିଭିନି।  ଏହାର ଦୁଇ ଦିନ ପରେ ଆଉ ଏକ ଦୁଖଦ ଘଟଣା ଘଟିଛି ମଧ୍ୟପ୍ରଦେଶରେ। ଲକଡାଉନ ଯୋଗୁଁ ରୋଜଗାର ହରାଇ ଫସି ରହିଥିବା ୫ ଜଣ ଶ୍ରମିକ ବଞ୍ଚିବା ପାଇଁ ଘରକୁ ଫେରୁଥିବାବେଳେ ଟ୍ରକ ଦୁର୍ଘଟଣାରେ ପ୍ରାଣ ହରାଇଛନ୍ତି ।  ୧୫ ଜଣ ଶ୍ରମିକ ଆହତ ହୋଇଛନ୍ତି।

ତେଲଙ୍ଗାନାର ହାଇଦ୍ରାବାଦରେ କାମ କରୁଥିବା ଏହି ଶ୍ରମିକମାନେ ମଧ୍ୟପ୍ରଦେଶର ଝାନସି ଓ ଉତ୍ତରପ୍ରଦେଶର ସୀମାବର୍ତ୍ତୀ ଅଞ୍ଚଳରୁ ଏମାନେ ଚାଲିଚାଲି ଆସୁଥିଲେ।  ହାଇଦ୍ରାବାଦରୁ କିଛି ବାଟ  ଆସିବା ପରେ ଗୋଟିଏ ଆମ୍ବ ବୋଝେଇ ଟ୍ରକରେ ଆସିଲେ।

ତେବେ ଗତ ରାତିରେ ଭୋପାଳଠାରୁ ୨୦୦ କିଲୋମିଟର ପୂର୍ବରୁ ନରସିଂଗପୁର ଗାଁ ପାଖରେ ଟ୍ରକଟି ଓଲଟି ପଡ଼ିଥିଲା।  ଆହତ ୧୫ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ସଂକଟାପନ୍ନ ରହିଛି । ସମସ୍ତଙ୍କର କରୋନା ଆକ୍ରାନ୍ତଙ୍କ ନମୂନା ପରୀକ୍ଷା ହୋଇଥିବାବେଳେ ଜଣଙ୍କଠାରେ ଲକ୍ଷଣ ଦେଖାଦେଇଛି ।

ସୂଚନାଥାଉ କି, ଦୁଇ ଦିନ ତଳେ ଔରଙ୍ଗାବାଦରେ ପ୍ରାଣ ହରାଇଥିବା ଶ୍ରମିକମାନେ ମଧ୍ୟ ମଧ୍ୟପ୍ରଦେଶର ଭୁଷବଲ ଅଞ୍ଚଳର ଥିଲେ। ସେମାନେ ଚାଲି ଚାଲି ଯାଉଥିବାବେଳେ ଥକି ଯାଇ ରେଳ ଧାରଣାରେ ଶୋଇ ପଡ଼ିଥିଲେ। ଏକ ମାଲବାହୀ ଟ୍ରେନ ଚଢିଯିବାରୁ ଏମାନଙ୍କର ମୃତ୍ୟୁ ଘଟିଥିଲା।

You might also like