ଦୁର୍ଘଟଣାରୁ ଦୁଇଥର ରକ୍ଷା ପାଇଲା ବିମାନ

ମୁମ୍ବାଇ: ଦୁର୍ଘଟଣାରୁ ଦ୍ୱିତୀୟ ଥର ପାଇଁ ରକ୍ଷା ପାଇଗଲା ଏୟାର ଏସିଆର ଫ୍ଲାଇଟ୍‌। ଶନିବାର ସକାଳେ ଏହି ଫ୍ଲାଇଟ୍‌ ମୁମ୍ବାଇ ଅଭିମୁଖେ ଆସୁଥିବା ବେଳେ ଟେକ୍‌ଅଫ୍ କରୁଥିବା ସମୟରେ ଏକ ପକ୍ଷୀ ପିଟି ହୋଇଯିବାରୁ ଫ୍ଲାଇଟ୍‌ଟି ରାଞ୍ଚି ବିମାନ ବନ୍ଦରରେ ଅଟକି ରହିଯାଇଥିଲା। ଏହାର କିଛି ଘଣ୍ଟା ପରେ ବିମାନଟି ପୁଣିଥରେ ଟେକ୍‌ଅଫ୍‌ କରିବାକୁ ବାହାରିଥିବା ବେଳେ ଯାନ୍ତ୍ରିକ ସମସ୍ୟା ଦେଖା ଦେଇଥିଲା।

ଏୟାର ଏସିଆର i5-632 ବିମାନଟି ଆଜି  ସକାଳେ ୧୭୬ ଜଣ ଯାତ୍ରୀଙ୍କୁ ଧରି ରାଞ୍ଚିରୁ ମୁମ୍ବାଇ ଅଭିମୁଖେ ଉଡ଼ାଣ ଭରିବାର ଥିଲା। ବିମାନ ଟି ଟେକ୍ଅଫ୍‌ କଲା ବେଳେ ହଠାତ୍ ଏକ ପକ୍ଷୀ ପିଟି ହୋଇଯାଇଥିଲା। ଫଳରେ ବିମାନଟି ଉଡ଼ାଣ ନ ଭରି ରାଞ୍ଚି ଏୟାରପୋର୍ଟରେ ଅଟକି ଯାଇଥିଲା। ଏହାପରେ କର୍ତ୍ତୃପକ୍ଷ ଦ୍ୱାରା ବିମାନଟି ଭଲଭାବରେ ଚେକ୍‌ କରାଯିବା ପରେ ପୁଣି ଥରେ ସନ୍ଧ୍ୟାରେ ଉଡ଼ାଣ ଭରିବାକୁ ଟେକ୍ଅଫ୍‌ କଲାବେଳକୁ ଯାନ୍ତ୍ରୀକ ତ୍ରୁଟି ଦେଖାଇ ଦେଇଥିଲା। ଦ୍ୱିତୀୟ ଥର ପାଇଁ ବି ବିମାନଟି ନ ଉଡ଼ିପାରି ଏୟାରପୋର୍ଟରେ ଅଟକି ରହିଛି।

ଗତକାଲି ଏୟାର ଇଣ୍ଡିଆ ଏକ୍ସପ୍ରେସର ଏକ ବିମାନ କେରଳ କୋଝିକୋଡ଼େର କରିପୁର ଏୟାରପୋର୍ଟରେ କ୍ରାସ୍‌ ଲ୍ୟାଣ୍ଡି ହୋଇଥିଲେ। ରନ୍‌ୱେରେ ଥିବା ୩୦ ଫୁଟ୍‌ର ଏକ ଖାଲରେ ପଡ଼ିଯିବାରୁ ବିମାନଟିର ଆଗ ଓ ପଛ ପୂରା ଖଣ୍ଡବିଖଣ୍ଡିତ ହୋଇଥିଲା। ଏଥିରେ ୧୮ ଜଣଙ୍କ ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଥିଲେ। ମୃତକଙ୍କ ପରିବାର ପାଇଁ କେରଳ ସରକାର ୧୦ ଲକ୍ଷ ଟଙ୍କାର କ୍ଷତିପୂରଣ ଘୋଷଣା କରିଛନ୍ତି।

 

You might also like