ନିର୍ବାଚନରେ ହାରିଲେ ସରପଞ୍ଚ; ଗ୍ରାମବାସୀ ଦେଲେ ୨୧ ଲକ୍ଷ ଟଙ୍କା

ଜୟପୁର: ନିର୍ବାଚନରେ ହାରିଲେ ସରପଞ୍ଚ। ଗାଁ ଲୋକ ମିଶି ଚାନ୍ଦା ଆଦାୟ କରି ପରାଜିତ ପ୍ରାର୍ଥୀଙ୍କୁ ଦେଲେ ୨୧ ଲକ୍ଷ ଟଙ୍କା। କଥାଟା ଶୁଣି ଆଶ୍ଚର୍ଯ୍ୟ ହେଉଥିଲେ ବି ସତ। ଘଟଣା ଘଟିଛି ରାଜସ୍ଥାନର ଯୋଧପୁର ଜିଲ୍ଲାର ନାନନ ଗାଁରେ। ଏହି ଗାଁରେ ବ୍ୟକ୍ତି ଜଣକ ବିରୋଧୀଙ୍କଠାରୁ ମାତ୍ର ୮୪ ଖଣ୍ଡ ଭୋଟ୍‌ରେ ହାରିଗଲେ। କିନ୍ତୁ ଗାଁ ଲୋକଙ୍କର ଏଭଳି ଭଲପାଇବା ତାଙ୍କୁ ପରାଜୟର ଦୁଃଖ ଭୁଲାଇ ଦେଲା।

ନିକଟରେ ନାନନ ଗାଁରେ ସରପଞ୍ଚ ନିର୍ବାଚନ ହୋଇଥିଲା। ଏଥିରେ ମୁକୁନ୍ଦ ଦେୱାସୀ ଓ ସୁନ୍ଦରୀ ଦେବୀ ପ୍ରତିଦ୍ୱନ୍ଦ୍ୱିତା କରିଥିଲେ। କିନ୍ତୁ ମୁକୁନ୍ଦ ତାଙ୍କ ପ୍ରତିଦ୍ୱନ୍ଦ୍ୱି ସୁନ୍ଦରୀ ଦେବୀଙ୍କ ଠାରୁ ମାତ୍ର ୮୪ ଖଣ୍ଡ ଭୋଟରେ ହାରି ଯାଇଥିଲେ। କିନ୍ତୁ ନିର୍ବାଚନ ହାରିବା ପରେ ଗାଁ ଲୋକଙ୍କୁ ଧନ୍ୟବାଦ ଜଣାଇବା ପାଇଁ ମୁକୁନ୍ଦ ଏକ କାର୍ଯ୍ୟକ୍ରମ ଆୟୋଜନ କରିଥିଲେ। ଏଥିରେ ଖାଇବାପିଇବା ବ୍ୟବସ୍ଥା ସହ ବ୍ୟାଣ୍ଡବାଜା ମଧ୍ୟ ବାଜିଥିଲା। ନିର୍ବାଚନ ହାରିବା ପରେ ବି ଗାଁ ଲୋକଙ୍କ ପ୍ରତି ମୁକୁନ୍ଦଙ୍କ ଏପରି ଭଲପାଇବା ଦେଖି ଗାଁ ଲୋକେ ତାଙ୍କୁ ସହାୟତାର ହାତ ବଢ଼ାଇଥିଲେ।

ଏହାପରେ ଗାଁ ଲୋକମାନେ ମିଶି ଅର୍ଥ ସଂଗ୍ରହ କରିବା ଆରମ୍ଭ କରିଦେଇଥିଲେ। ଏଥିରେ ଆଦାୟ ହୋଇଥିବା ୨୧ ଲକ୍ଷ ଟଙ୍କା ପରାଜିତ ପ୍ରାର୍ଥୁ ମୁକୁନ୍ଦଙ୍କୁ ଦେଇଥିଲେ। ମୁକୁନ୍ଦ ମଧ୍ୟ ଗ୍ରାମବାସୀଙ୍କର ଏପରି ଭଲପାଇବାକୁ ସମ୍ମାନ ଜଣାଇଥିଲେ। ସଂଗୃହିତ ୨୧ ଲକ୍ଷ ଟଙ୍କାରୁ ମୁକୁନ୍ଦଙ୍କ ଘନିଷ୍ଠ ବନ୍ଧୁ ଶ୍ୟାମ ଚୌଧୁରୀ ୫.୫୧ ଲକ୍ଷ ଦେଇଥିବା ବେଳେ ପୂର୍ବତନ ସରପଞ୍ଚ ବନରାମ ୧.୧୧ ଲକ୍ଷ ଟଙ୍କା ଦାନ କରିଛନ୍ତି। ମୁକୁନ୍ଦଙ୍କୁ ଗାଁ ଲୋକେ ଏହି ଟଙ୍କା ଦେବା ପରେ ସେ ବେଶ୍‌ ଖୁସି ବ୍ୟକ୍ତି କରିଛନ୍ତି। ଏଥିସହ ସେ ସମସ୍ତଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି।

ଆହୁରି ପଢ଼ନ୍ତୁ

ପୁଲଓ୍ୱାମା ପ୍ରସଙ୍ଗ ଉଠାଇ ବିରୋଧୀଙ୍କ ଉପରେ ବର୍ଷିଲେ ମୋଦି

‘ଭାରତ ଉପରେ ଆଖି ପକାଇଲେ ଉଚିତ୍ ଜବାବ ଦେବୁ’

କ୍ଷଣିକ ଭିତରେ ହୋଇଗଲା ଛାରଖାର…ମାଟିରେ ମିଶିଗଲା ସବୁକିଛି

ରାସ୍ତା ଉପରେ ଆଇଟିବିପି ସେନାଙ୍କୁ ସାଲ୍ୟୁଟ୍‌ ମାରୁଥିବା ପିଲାକୁ ଅଢେଇ ଲକ୍ଷ ଟଙ୍କା ଦେଲେ ବିଜେପି ସାଂସଦ

ଭୂମିକମ୍ପ ଓ ସୁନାମିରେ ୧୭ ମୃତ, ୭୦୦ରୁ ଅଧିକ ଆହତ

୧୦ ଜଣଙ୍କୁ ହତ୍ୟା କରିଥିବା ହତ୍ୟାକାରୀକୁ ଫାଶୀ

ଗ୍ରୀସ୍ ଓ ତୁର୍କୀରେ ଭୟଙ୍କର ଭୂମିକମ୍ପ, ମାଡ଼ିଆସିଲା ସୁନାମି !

ଅଭିନନ୍ଦନଙ୍କୁ ଛାଡ଼ିବା ପାଇଁ କୌଣସି ଚାପ ପଡ଼ି ନ ଥିଲା-ସଫେଇ ଦେଲେ ଇମ୍ରାନ

ଆରୋଗ୍ୟ ସେତୁ ଆପ୍ସର ତଥ୍ୟ ଖିଲାପ କରିଥିବା ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ନିର୍ଦ୍ଦେଶ

ବାପାଙ୍କୁ ହତ୍ୟା କରିବା ପରେ କ୍ରାଇମ୍‌ ଶୋ’ରୁ ଆଇଡିଆ ନେଇ ପ୍ରମାଣ ନଷ୍ଟ କଲା ପୁଅ

ବିଜେପି ନେତାଙ୍କୁ ହତ୍ୟା ଘଟଣାରେ ବର୍ଷିଲେ ପ୍ରଧାନମନ୍ତ୍ରୀ

ସେକ୍ସ ଗୁରୁଙ୍କୁ ମିଳିଲା ସଜା, ଜେଲରେ ରହିବେ ୧୨୦ ବର୍ଷ

You might also like