ମେ ୩ ପରେ ଲକ୍‌ଡାଉନ୍‌ ଉଠିବ ନା ନାହିଁ ?

ନୂଆଦିଲ୍ଲୀ: ମେ ୩ ପର୍ଯ୍ୟନ୍ତ କରୋନା ଭାଇରସ୍‌ ପାଇଁ ଲକ୍‌ଡାଉନ୍‌ କଟଣା ଲଗାଯାଇଛି। ଏହାପରେ ସବୁକିଛି ସ୍ୱାଭାବିକ ହେବ ବୋଲି ସମସ୍ତେ ଆଶା ରିଖିଛନ୍ତି। କିନ୍ତୁ ଖବର ଅନୁସାରେ ମେ୩ ତାରିଖ ପରେ ବି କେତେକ କଟକଣା ପୂର୍ବଭଳ ଜାରି ରହିପାରେ ବୋଲି ଶୁଣାଯାଉଛି।

ଲକଡାଉନ କଟକଣା କେବଳ କରୋନା ଦ୍ୱାରା କମ୍‌ ପ୍ରଭାବିତ ହୋଇଥିବା ଜିଲ୍ଲା ଓ ଅଞ୍ଚଳରେ କୋହଳ କରାଯିବ। ସେହିପରି ମେ’ ୧୫ ତାରିଖ ଯାଏ ଟ୍ରେନ, ବସ ଓ ବିମାନ ଚଳାଚଳ ବନ୍ଦ ରଖିବାକୁ କେନ୍ଦ୍ର ସରକାର ଯୋଜନା କରୁଥିବା ଜଣାପଡ଼ିଛି।

ତେବେ କେଉଁ ସବୁ କଟକଣା ଲାଗିବ ଓ କେଉଁ ସବୁ କଟକଣା କୋହଳ କରାଯିବ, ତା’ ଉପରେ ଚୂଡ଼ାନ୍ତ ନିଷ୍ପତ୍ତି ନେବାକୁ ଆଜି ସନ୍ଧ୍ୟାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ଅଧ୍ୟକ୍ଷରେ ଗ୍ରୁପ ଅଫ ମିନିଷ୍ଟର୍ସ ବୈଠକ ବସିବ।

ସୂଚାନୁସାରେ, କେନ୍ଦ୍ର ସରକାର ସମଗ୍ର ଭାରତ ବର୍ଷରେ ଲକ୍‌ଡାଉନ ଅବଧିକୁ ବୃଦ୍ଧି କରିବା ମୁଡରେ ନାହାନ୍ତି। ତେବେ ସାମାଜିକ ଦୂରତା ଓ ମାସ୍କ ଭଳି ନିୟମ ଜାରି ରହିବ। ଏହାକୁ ଦୀର୍ଘ ସମୟ ପାଇଁ କାର୍ଯ୍ୟକ୍ଷମ କରି ରଖିବାକୁ ସରକାର ଚିନ୍ତା କରୁଛନ୍ତି। ସେହିପରି ଟ୍ରେନ, ବିମାନ ଓ ଇଣ୍ଟରଷ୍ଟେଟ ଟ୍ରାଫିକ ମେ’ ୧୫ ଯାଏ ବନ୍ଦ ରହିବ।

କେବଳ ଗ୍ରୀନ ଜୋନ ବା ଖୁବ କମ କରୋନା ମାମଲା ଥିବା ଅଞ୍ଚଳରେ ଲକଡାଉନ ନିୟମକୁ କିଛିଟା କୋହଳ କରାଯିବ। କୋଭିଡି-୧୯ ପାଇଁ ଚିହ୍ନଟ ହୋଇଥିବା କଣ୍ଟେନମେଣ୍ଟ ଜୋନରେ ପୂର୍ବଭଳି କଡ଼ା କଟକଣା ଜାରି ରହିବ। ଏହି କଣ୍ଟେନମେଣ୍ଟ ଜୋନ ଉପରେ ନିଷ୍ପତ୍ତି ପର୍ଯ୍ୟାୟକ୍ରମେ ସ୍ଥିତି ସମୀକ୍ଷା କରି ନିଆଯିବ। ଜିଲ୍ଲା କିମ୍ବା ରାଜ୍ୟ ମଧ୍ୟରେ ଲୋକମାନଙ୍କୁ ଚଳ ପ୍ରଚଳ କରିବା ପାଇଁ ସରକାର ମେ’ ୩ ପରେ ଅନୁମତି ଦେଇ ପାରନ୍ତି।

ଅନୁମତି ଦେଲେ ମଧ୍ୟ ଯେଉଁମାନେ ମାସ୍କ କିମ୍ବା ସାମାଜିକ ଦୂରତାକୁ ପାଳନ ନ କରିବେ, ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏକାଧିକ ଅଫିସ ଖୋଲିବାକୁ ସରକାର ଅନୁମତି ଦେଇପାରନ୍ତି। ହେଲେ ସେଗୁଡ଼ିକରେ ମଧ୍ୟ କମ ସଂଖ୍ୟକ କର୍ମଚାରୀ ଓ ସାମାଜିକ ଦୂରତା ନିୟମରେ ଚାଲିବ।

ସରକାର ପରବର୍ତ୍ତୀ ଗୋଟିଏ ମାସ ଯାଏ ବଡ଼ ଧରଣର କାର୍ଯ୍ୟକ୍ରମ ଯଥା, ବାହାଘର, ଜନସମାବେଶ, ବ୍ରତ ଘର ଓ ଅନ୍ତିମ ସଂସ୍କାର ଭଳି କାମ ଉପରେ କଟକଣା ପୂର୍ବଭଳି ରଖି ପାରନ୍ତି। ମେ’ ୧୫ ଯାଏ ପ୍ରଥମେ ଏଭଳି ନିୟମ ପାଳନ କରାଯିବ। ଏହାପରେ ପୁଣି ଥରେ ସମୀକ୍ଷା କରି ପରବର୍ତ୍ତୀ ବ୍ୟବସ୍ଥା କରାଯିବ।

ବିଶେଷ କରି କରୋନା ଦ୍ୱାରା ଅଧିକ କ୍ଷତିଗ୍ରସ୍ତ ହୋଇଥିବା ସହର କିମ୍ବା ରାଜ୍ୟ ପାଇଁ ସରକାର ସ୍ୱତନ୍ତ୍ର ରଣନୀତି ଆପଣାଇ ପାରନ୍ତି।

ଆହୁରି ପଢ଼ନ୍ତୁ

ଜେଡିୟୁରେ ମିଶିଲେ ବିହାରର ପୂର୍ବତନ ଡିଜିପି

ଆଜି ଦିନକରେ ଯେତିକି ଆକ୍ରାନ୍ତ ଚିହ୍ନଟ ହେଲେ ତା’ଠୁ ଅଧିକ ସୁସ୍ଥ ହେଲେ

ନୀତୀଶଙ୍କ ଦଳରେ ମିଶିବେ ପୂର୍ବତନ ବିହାର ଡିଜିପି ଗୁପ୍ତେଶ୍ୱର ପାଣ୍ଡେ

କରୋନାର ଭୟଙ୍କର ପ୍ରଭାବ ବିଷୟରେ କ’ଣ କହିଲେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ?

‘କୃଷକ ଆତ୍ମନିର୍ଭର ଭାରତର ଆଧାର’

ଭାରତରେ ନାଁ ବଦଳାଇ ଲୋକପ୍ରିୟ ହେଉଛନ୍ତି ଚାଇନିଜ୍ ଆପ୍‌

ଜିଓକୁ ପଛରେ ପକାଇଲା ଏୟାର୍‌ଟେଲ୍‌

ମିରଟରେ ନିର୍ଭୟା ଘଟଣାର ପୁନରାବୃତ୍ତି: ଚଳନ୍ତା ବସ୍‌ରେ ମହିଳାଙ୍କୁ ଗଣଦୁଷ୍କର୍ମ

ଅକ୍ସିଜେନ୍‌ ସିଲିଣ୍ଡରକୁ ନେଇ ସରକାରଙ୍କ ବଡ଼ ନିଷ୍ପତ୍ତି

ପୂର୍ବତନ କେନ୍ଦ୍ରମନ୍ତ୍ରୀ ଯଶୱନ୍ତ ସିଂଙ୍କ ପରଲୋକ

ଉମା ଭାରତୀଙ୍କୁ କରୋନା

ଭାଙ୍ଗିଲା ପୁରୁଣା ସମ୍ପର୍କ; ଏନ୍‌ଡିଏକୁ ବାଏ ବାଏ କଲା ସିରୋମଣି ଅକାଳି ଦଳ

You might also like