ସୋଶାଲ ମିଡିଆରେ ଲିଙ୍କ ହୋଇପାରେ ଆଧାର

ନୂଆଦିଲ୍ଲୀ: ବିଭନ୍ନ ସୋଶାଲ ମିଡିଆ ବିଶେଷ କରି ଫେସବୁକ୍‌ରେ ଆଧାର କାର୍ଡ ଲିଙ୍କ କରିବାକୁ ସରକାର ଯୋଜନା କରୁଛନ୍ତି କି? ଏ ସମ୍ପର୍କରେ ଜାଣିବା ପାଇଁ ଆଜି ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଜବାବ ତଲବ କରିଛନ୍ତି। ଆସନ୍ତା ୨୪ ତାରିଖ ସୁଦ୍ଧା କେନ୍ଦ୍ର ସରକାର ଏ ସମ୍ପର୍କରେ ନିଜର ଆଭିମୁଖ୍ୟ ସ୍ପଷ୍ଟ କରିବେ। ୨୪ ତାରିଖରେ ହିଁ ମାମଲାର ପରବର୍ତ୍ତୀ ଶୁଣାଣି କରାଯିବ ବୋଲି ପ୍ରଧାନ ବିଚାରପତି ଜଷ୍ଟିସ୍‌ ରଞ୍ଜନ ଗୋଗୋଇଙ୍କ ଖଣ୍ଡପୀଠ ଆଜି ରୁଲିଂ ଦେଇଛନ୍ତି।

ଫେସବୁକ୍‌ରେ ଆକାଉଣ୍ଟ ଖୋଲି ଅନେକ ଲୋକ ଆପତ୍ତିଜନକ ପୋଷ୍ଟ କରୁଛନ୍ତି। ଜଣଙ୍କ ନାଁରେ ଅନ୍ୟ ଜଣେ ଫେକ ଆକାଉଣ୍ଟ ମଧ୍ୟ ଖୋଲିବାର ନଜିର ରହିଛି। ତେଣୁ ସୋଶାଲ ମିଡିଆରେ ଆକାଉଣ୍ଟ ଖୋଲୁଥିବା ବ୍ୟକ୍ତିଙ୍କ ପରିଚୟ ଜାଣିବା ପାଇଁ ଏଥିରେ ଆଧାର କାର୍ଡ ଲିଙ୍କ କରିବାକୁ ଦାବି ହୋଇଥିଲା। ଏନେଇ ମାଡ୍ରାସ ହାଇକୋର୍ଟ, ବମ୍ବେ ହାଇକୋର୍ଟ ଏବଂ ମଧ୍ୟପ୍ରଦେଶ ହାଇକୋର୍ଟରେ ୩ଟି ଆବେଦନ କରାଯାଇଥିଲା। ଅନ୍ୟତମ ସୋଶାଲ ମେସେଜିଂ ଆପ୍‌ ହ୍ୱାଟସଆପ୍‌ରେ ମଧ୍ୟ ସମାନ ବ୍ୟବସ୍ଥା କରିବାକୁ ଦିଲ୍ଲୀ ହାଇକୋର୍ଟରେ ଆବେଦନ କରାଯାଇଥିଲା।

ଏହି ଆବେଦନଗୁଡ଼ିକର ଏକାଠି ଶୁଣାଣି କରିବାକୁ ଫେସବୁକ୍‌ ପକ୍ଷରୁ ସୁପ୍ରିମକୋର୍ଟରେ ନିବେଦନ କରାଯାଇଥିଲା। ଯଦି ଭିନ୍ନଭିନ୍ନ ହାଇକୋର୍ଟ ଅଲଗା ଅଲଗା ରାୟ ଦିଅନ୍ତି, ତା’ହେଲେ ଏଥିପାଇଁ ଫେସବୁକକୁ କ୍ଷତି ସହିବାକୁ ପଡ଼ିବ। ତେଣୁ ହାଇକୋର୍ଟଗୁଡ଼ିକର ଶୁଣାଣି ପରେ ସୁପ୍ରିମକୋର୍ଟ ରୋକ ଲଗାନ୍ତୁ ବୋଲି ଫେସବୁକ ପକ୍ଷରୁ ନିଜର ଆବେଦନରେ ଦର୍ଶାଯାଇଥିଲା। କାରଣ ଆଧାର କାର୍ଡ ବାଧ୍ୟତାମୂଳକ କରିବା ଏକ କେନ୍ଦ୍ରୀୟ ସ୍କିମ। ଯଦି କୌଣସି ହାଇକୋର୍ଟ ଏହାକୁ ସୋଶାଲ ମିଡିଆରେ ଲିଙ୍କ କରିବାକୁ ବାଧ୍ୟତାମୂଳକ ବୋଲି ରାୟ ଦିଅନ୍ତି, ତା’ହେଲେ ଏହାର ପ୍ରଭାବ ସମଗ୍ର ଦେଶ ଉପରେ ପଡ଼ିବାର ଆଶଙ୍କା ଥିବା ଫେସବୁକ ନିଜ ଯୁକ୍ତିରେ ଦର୍ଶାଇଥିଲା।

ପୂର୍ବ ଶୁଣାଣି ବେଳେ ସୁପ୍ରିମକୋର୍ଟ ହାଇକୋର୍ଟଙ୍କ ଶୁଣାଣି ଉପରେ ରୋକ ଲଗାଇ ନଥିଲେ। ହେଲେ କୋର୍ଟକୁ କୌଣସି ଚୂଡ଼ାନ୍ତ ନିଷ୍ପତ୍ତି ନ ନେବାକୁ କହିଥିଲେ।

ଆଜି ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଏ ସମ୍ପର୍କରେ ଜବାବ ତଲବ କରିଛନ୍ତି। ଅର୍ଥାତ କେନ୍ଦ୍ର ସରକାର ଜବାବ ଦାଖଲ କରିବା ପରେ ଯାଇ ସୁପ୍ରିମକୋର୍ଟ ଏହି ଆବେଦନ ଉପରେ ଚୂଡ଼ାନ୍ତ ରାୟ ପ୍ରକାଶ କରିବେ।

 

ଆହୁରି ପଢ଼ନ୍ତୁ

କମିଲା ସୁନା ଓ ରୂପା ଦର

ଅଭିନେତ୍ରୀ ପାୟଲ ଘୋଷଙ୍କ ଟ୍ୱିଟ୍‌କୁ ନେଇ ଚର୍ଚ୍ଚା, କହିଲେ- ଯଦି ଝୁଲନ୍ତା ଅବସ୍ଥାରେ ମୋ ମୃତଦେହ ମିଳେ…

ଶିବାଙ୍ଗୀ ସିଂ ହେବେ ଲଢୁଆ ବିମାନ ରାଫେଲ୍‌ର ପ୍ରଥମ ମହିଳା ପାଇଲଟ୍‌

ଓଡ଼ିଶାରୁ ସୁରତକୁ ଟ୍ରକ୍‌ରେ ଏମିତି ଚାଲାଣ ହେଉଥିଲା ଲକ୍ଷାଧିକ ଟଙ୍କାର ଗଞ୍ଜେଇ

ଓ୍ୱାର୍କିଂ ଜର୍ଣ୍ଣାଲିଷ୍ଟ ସଂଜ୍ଞାରେ ଡିଜିଟାଲ ଏବଂ ଇଲେକ୍ଟ୍ରୋନିକ୍‌ ମିଡିଆ ସାମ୍ବାଦିକ ସାମିଲ

ବିସ୍ଫୋରଣ ପରେ ONGC ପ୍ଲାଣ୍ଟରେ ଅଗ୍ନିକାଣ୍ଡ

ପରଲୋକରେ ରେଳ ରାଷ୍ଟ୍ରମନ୍ତ୍ରୀ

ଫେଲ୍ ମାରିଲା ପାକିସ୍ତାନର ହୀନ ଉଦ୍ୟମ

ସ୍ୱାମୀଙ୍କୁ ହତ୍ୟା କରି ବେଡ୍‌ ତଳେ ମୃତଦେହ ଲୁଚାଇଥିଲେ ପତ୍ନୀ, ଗନ୍ଧ ବାହାରିବାରୁ…

‘ନେତା କୈସା ହୋ.. ବାଇଡେନ ଜୈସା ହୋ’-ଏମିତି ଚାଲିଛି ଆମେରିକାରେ ନିର୍ବାଚନ ପ୍ରଚାର

ନେପାଳ ପର୍ବତାରୋହୀଙ୍କ ପରଲୋକ; ୧୦ ଥର ମାଉଣ୍ଟ ଏଭରେଷ୍ଟ ଚଢି ରେକର୍ଡ କରିଥିଲେ

ଭଲ୍ୟୁଣ୍ଟାରୀ ରିଟାୟାରମେଣ୍ଟ ନେଲେ ବିହାର ଡିଜିପି ଗୁପ୍ତେଶ୍ୱର ପାଣ୍ଡେ, ନିର୍ବାଚନ ଲଢ଼ିବା ନେଇ ଚର୍ଚ୍ଚା

You might also like