୬ଷ୍ଠ ପର୍ଯ୍ୟାୟ ନିର୍ବାଚନ ପାଇଁ ଆଜି ସରୁଛି ପ୍ରଚାର  

ନୂଆଦିଲ୍ଲୀ: ୬ଷ୍ଠ ପର୍ଯ୍ୟାୟ ନିର୍ବାଚନ ପାଇଁ ଆଜି ପ୍ରଚାରର ଶେଷ ଦିନ । ଦଳୀୟ ପ୍ରାର୍ଥୀଙ୍କ ପାଇଁ  ସବୁ ଦଳର ଷ୍ଟାର ପ୍ରଚାରକମାନେ ଘନଘନ ପ୍ରଚାର କରୁଛନ୍ତି । ଭୋପାଳ ଲୋକସଭା ଆସନ ପାଇଁ ବିଜେପି ପ୍ରାର୍ଥୀ ସାଧ୍ୱୀ ପ୍ରଜ୍ଞା ଠାକୁର ବାଇକ ରାଲି କରିଛନ୍ତି । ସେପଟେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧି ଉତ୍ତରପ୍ରଦେଶର ସିଦ୍ଧାର୍ଥନଗରରେ ପ୍ରଚାର କରିଛନ୍ତି ।

୬ଷ୍ଠ ପର୍ଯ୍ୟାୟରେ ଉତ୍ତର ପ୍ରଦେଶର ୧୪, ହରିୟାଣାର ୧୦, ବିହାର, ମଧ୍ୟପ୍ରଦେଶ ଓ ପଶ୍ଚିମବଙ୍ଗର ୮ଟି ଲେଖାଏଁ, ଦିଲ୍ଲୀର ୭, ଝାଡ଼ଖଣ୍ଡର ୪ଟି ଲୋକସଭା ଆସନ ଲାଗି ମତଦାନ ହେବ । ଆସନ୍ତା ୧୨ ତାରିଖରେ ମତାଧିକାର ସାବ୍ୟସ୍ତ କରିବେ ଭୋଟର।  ଏଥର ଅଧିକ ଫୋକସରେ ରହିଛି ଦିଲ୍ଲୀର ସମସ୍ତ ୭ଟି ଆସନ,  ଚାନ୍ଦିନି ଚୌକ, ନର୍ଥ ଇଷ୍ଟ ଦିଲ୍ଲୀ, ଇଷ୍ଟ ଦିଲ୍ଲୀ, ନ୍ୟୁ ଦିଲ୍ଲୀ, ନର୍ଥ ୱେଷ୍ଟ ଦିଲ୍ଲୀ, ୱେଷ୍ଟ ଦିଲ୍ଲୀ ଏବଂ ସାଉଥ ଦିଲ୍ଲୀ।  ଏଥର ଏହିସବୁ ଆସନରେ କଡ଼ା ମୁକାବିଲା ଦେଖିବାକୁ ମିଳିବ । ସେପଟେ  ନିର୍ବାଚନକକୁ ନଜରରେ ରଖି ପଶ୍ଚିମବଙ୍ଗରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସିଆରପିଏଫ ପକ୍ଷରୁ ଇଷ୍ଟ ମେଦିନିପୁରରେ ଫ୍ଲାଗମାର୍ଚ୍ଚ ହୋଇଛି ।

You might also like