ପ୍ରଫେଟ ମହମ୍ମଦଙ୍କ କାର୍ଟୁନ ଦେଖାଇବାରୁ ଶିକ୍ଷକଙ୍କ ମୁଣ୍ଡ କାଟିଦେଲେ

ପ୍ୟାରିସ୍‌: ନିକଟରେ ପ୍ରଫେଟ ମହମ୍ମଦଙ୍କ କାର୍ଟୁନ ଛାତ୍ରଙ୍କୁ ଦେଖାଉଥିବା ଅଭିଯୋଗରେ ଜଣେ ଶିକ୍ଷକଙ୍କୁ  ସ୍କୁଲରୁ ବାହାର କରି ଦିଆଯିବା ସହ ମୁଣ୍ଡ କାଟ କରାଯାଇଛି। ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଏହି ଘଟଣାକୁ  ଇସଲାମିକ୍ ଆତଙ୍କବାଦୀ ଆକ୍ରମଣ ସହ ସମାନ ବୋଲି କହିଛନ୍ତି। ଶିକ୍ଷକଙ୍କ ମୁଣ୍ଡ କାଟିଥିବା ଆକ୍ରମଣକାରୀଙ୍କୁ ଗିରଫ କରିବାକୁ ଯାଇ ପୋଲିସ ତାଙ୍କ ଉପରକୁ ଗୁଳି ଚଳାଇଥିଲା। ପୋଲିସ ଗୁଳିରେ ଆକ୍ରମଣକାରୀଙ୍କ ମୃତ୍ୟୁ ଘଟିଛି।

ଫ୍ରାନ୍ସ ରାଜଧାନୀ ପ୍ୟାରିସ୍‌ଠାରୁ ପ୍ରାୟ ୩୦ କିମି ଦୂର ଉତ୍ତର ପଶ୍ଚିମ ଉପନଗରର ଏକ ସ୍କୁଲ ନିକଟରେ ଘଟିଛି ଏପରି ଘଟଣା। ପୋଲିସ ସୂତ୍ରରୁ ମିଳିଥିବା ଖବର ଅନୁଯାୟୀ,  ସ୍କୁଲ ପାଖରୁ ଜଣେ ସନ୍ଦିଗ୍ଧ ବ୍ୟକ୍ତି ଫୋନ କରି ପୋଲିସକୁ ଏ ବିଷୟରେ ସୂଚନା ଦେଇଥିଲେ। ପୋଲିସ ଘଟଣା ସ୍ଥଳରେ ପହଞ୍ଚି ଶିକ୍ଷକଙ୍କ ଶବ ଉଦ୍ଧାର କରିଥିଲା।

ପୋଲିସ ଛାନଭିନ କରି ତୁରନ୍ତ ଅଭିଯୁକ୍ତଙ୍କୁ ଠାବ କରିପାରି ଥିଲା। ସେତେବେଳେ ଅଭିଯୁକ୍ତଙ୍କ ହାତରେ ଏକ ବ୍ଲେଡ ଥିଲା। ପୋଲିସ ତାକୁ ଧରିବାକୁ ଉଦ୍ୟମ କରିବାରୁ ଧମକ ଦେଇଥିଲା । ଶେଷରେ ପୋଲିସ ବାଧ୍ୟ ହୋଇ ଗୁଳିଚାଳନା କରିଥିଲା। ଅଭିଯୁକ୍ତ ଦେହରେ ଗୁଳି ବାଜିବାରୁ ମୃତ୍ୟୁ ଘଟିଥିଲା। ପୋଲିସ କହିବା ଅନୁଯାୟୀ, ଏହି ଘଟଣାରେ ଜଣେ ନାବାଳକଙ୍କ ସମେତ ୪ ଜଣଙ୍କୁ ଗିରଫ କରାଯାଇଛି।

ପୋଲିସ କହିବା ଅନୁଯାୟୀ, ଶିକ୍ଷକ ଜଣକ ଇତିହାସ ପଢାଉଥିଲେ। ବ୍ୟକ୍ତିଙ୍କ ବାକ୍‌ ସ୍ୱାଧୀନତା ଉପରେ ସେ ଶ୍ରେଣୀରେ ବୁଝାଉଥିଲେ। ଏହି ଅବସରରେ ସେ ମହମ୍ମଦଙ୍କ କାର୍ଟୁନ ଦେଖାଇଥିଲେ। ଜଣେ ଅଭିଭାବକଙ୍କ କହିବା ଅନୁଯାୟୀ, ଶିକ୍ଷକ ଏହି କାର୍ଟୁନ ଦେଖାଇବା ସମୟରେ ସମସ୍ତ ମୁସଲମାନ୍‌ ଛାତ୍ରଙ୍କୁ ବାହାରକୁ ଚାଲିଯିବାକୁ କହି ବିବାଦ ସୃଷ୍ଟି କରିଥିଲେ।

ଏହି ଘଟଣା ଶୁଣିବା ପରେ ରାଷ୍ଟ୍ରପତି ଇମାନୁଏଲ ସ୍ତବ୍ଧ ହୋଇ ଯାଇଥିଲେ।  ପୁରା ଦେଶ ଶିକ୍ଷକଙ୍କୁ ସୁରକ୍ଷା ଯୋଗାଇ ଦେବା ପାଇଁ ପ୍ରସ୍ତତ ରହିଛି।

 

ଆହୁରି ପଢ଼ନ୍ତୁ

ଗ୍ରାହକଙ୍କୁ ବନ୍ଧୁକ ଦେଖାଇ ବ୍ୟାଙ୍କରୁ ଲୁଟିନେଲେ ୭ ଲକ୍ଷ

ଆସୁଛି ୫ଜି ନେଟୱାର୍କ, ଚୀନ ବଦଳରେ ଆମେରିକା ସହ ହାତ ମିଳାଇଛି ଭାରତ

କରୋନାରୁ ସୁସ୍ଥ ହେବାପରେ କ’ଣ କରିବେ?

କଙ୍ଗନାଙ୍କୁ ମୁମ୍ବାଇ ପୋଲିସ୍‌ର ସମନ

କରୋନା ଚିକିତ୍ସାରୁ ବାଦ୍ ପଡ଼ିପାରେ ପ୍ଲାଜ୍‌ମା ଥେରାପି

ବଜେପି ଛାଡ଼ିଲେ ବରିଷ୍ଠ ନେତା ଏକନାଥ ଖଡ଼ସେ; କହିଲେ, ଫଡ଼ନାଭିସଙ୍କ ପାଇଁ ଛାଡ଼ିଲି ଦଳ

ଆନ୍ଧ୍ର କନକ ଦୁର୍ଗା ମନ୍ଦିର ନିକଟରେ ଭୂସ୍ଖଳନ: ୪ ଫସି ରହିଥିବା ଆଶଙ୍କା

କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ବୋନସ୍ ଘୋଷଣା

ମଦ୍ରାସାକୁ ନେଇ ବିବାଦୀୟ ମନ୍ତବ୍ୟ ଦେଲେ ବିଜେପି ସାଂସଦ

କିଛି ଦିନ ତଳେ କମିଥିଲା, ଏବେ ପୁଣି ବଢ଼ିଲା ସୁନା ଦର

୨୩ ଜଣ ବନ୍ଧୁଙ୍କୁ ନେଇ ରେଷ୍ଟୁରାଣ୍ଟରେ ପହଞ୍ଚିଲେ ଗର୍ଲଫ୍ରେଣ୍ଡ; ବିଲ୍‌ ଦେଖି ଦୌଡି ପଳାଇଲେ ପ୍ରେମିକ

ହାଥରସ୍‌ ଘଟଣା ପରେ ଧର୍ମ ପରିବର୍ତ୍ତନ କଲେ ବାଲ୍ମିକୀ ସମାଜର ୫୦ ପରିବାର

You might also like