ଏହି ରାଜ୍ୟରେ ଜୁଲାଇ ୫ରୁ ହେବ ଲକ୍‌ଡାଉନ୍‌

ବେଙ୍ଗାଲୁରୁ: କର୍ଣ୍ଣାଟକରେ ଦ୍ରୁତ ଗତିରେ କରୋନା ଭାଇରସ ତା’ର କାୟାକୁ ବିସ୍ତାର କରିବାରେ ଲାଗିଛି। ଏନେଇ ସେଠାକାର ରାଜ୍ୟ ସରକାର ପ୍ରତି ରବିବାର ଦିନ ଲକ୍‌ଡାଉନ୍‌ କରିବାକୁ ନିଷ୍ପତ୍ତି ନେଇଛନ୍ତି। ମୁଖ୍ୟମନ୍ତ୍ରୀ ବି.ଏସ୍‌ ୟେଦୁରୁପ୍ପାଙ୍କ କାର୍ଯ୍ୟାଳୟରୁ କୁହାଯାଇଛି ଯେ ଜୁଲାଇ ୫ ତାରିଖରୁ ପ୍ରତି ରବିବାର ଲକ୍‌ଡାଉନ୍‌ କରାଯିବ। ପରବର୍ତ୍ତୀ ଅର୍ଡ଼ର ଆସିବା ପର୍ଯ୍ୟନ୍ତ ପ୍ରତ୍ୟେକ ରବିବାର ଏହି ଲକଡାଉନ୍ ଜାରି ରହିବ।

ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ କୁହାଯାଇଛି ଯେ ଜୁଲାଇ ୫ରେ ହେବାକୁ ଥିବା ଲକ୍‌ଡାଉନ୍‌ରେ ଦୋକାନ ଓ ସମସ୍ତ ପ୍ରତିଷ୍ଠାନଗୁଡିକ ବନ୍ଦ ରହିବ। କିନ୍ତୁ ଅତ୍ୟାବଶ୍ୟକ ସେବା ସହ ଜଡ଼ିତ ଦୋକାନ, ମେଡିସିନ୍‌ ଷ୍ଟୋର ଓ ଅଫିସ୍‌ଗୁଡିକ ଖୋଲା ରହିବ।

ଅନ୍ୟପଟେ କୋଭିଡ-୧୯ର ବୃଦ୍ଧି ଯୋଗୁ ରାଜ୍ୟର ଡାକ୍ତରୀ ଶିକ୍ଷାମନ୍ତ୍ରୀ ଏସ୍‌ ସୁଧାକର ଗତ ଶନିବାର ଦିନ କହିଛନ୍ତି ଯେ ସୋମବାର ସନ୍ଧ୍ୟା ଠାରୁ ସରକାରୀ ତଥା ବେସରକାରୀ ଡାକ୍ତରଖାନାଗୁଡିକରେ କରୋନା ଭାଇରସର ଚିକିତ୍ସା ପାଇଁ ୧୦ହଜାର ବେଡ୍‌ର ବ୍ୟବସ୍ଥା କରାଯିବ। ସଂକ୍ରମିତ ବ୍ୟକ୍ତିଙ୍କ ଚିକିତ୍ସା ପାଇଁ ବହୁ ମହଲା ବିଶିଷ୍ଟ ଆବାସିକ ଅଟ୍ଟାଳିକାକୁ ମଧ୍ୟ ବ୍ୟବହାର କରାଯିବ।

କର୍ଣ୍ଣାଟକରେ ଗତ ୨୪ ଘଣ୍ଟା ମଧ୍ୟରେ ୯୧୮ଟି ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛି। ଏନେଇ ସେଠାରେ ଭୟର ବାତାବରଣ ଦେଖାଦେଇଛି। ବର୍ତ୍ତମାନ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୧୯୨୩ଥିବା ଜଣାପଡିଛି। ସେଥିମଧ୍ୟରୁ ୭୨୮୭ ରୋଗୀ ସୁସ୍ଥ ହୋଇଛନ୍ତି। ୪୪୪୧ଟି ଆକ୍ଟିଭ କେସ୍‌ ରହିଛି। ରାଜ୍ୟରେ ୧୯୧ଜଣଙ୍କର ମୃତ୍ୟୁ ଘଟିଛି। ୧୯୭ ଜଣ ରୋଗୀ ଆଇସିୟୁରେ ଅଛନ୍ତି।

 

ଆହୁରି ପଢ଼ନ୍ତୁ

ସାଧାରଣ ଲୋକଙ୍କୁ ଦିଆଗଲା ଋଷ ଭାକ୍ସିନ୍‌ ‘ସ୍ପୁଟନିକ ଭି’

ଏନ୍‌କାଉଣ୍ଟରରେ ଦୁଇ ଲସ୍କର ଆତଙ୍କୀ ନିହତ

୩ଟି ପର୍ଯ୍ୟାୟରେ ହେବ ବିହାର ବିଧାନସଭା ନିର୍ବାଚନ, ଭୋଟ୍‌ ଗ୍ରହଣ ସମୟ ସୀମା ୧ ଘଣ୍ଟା ବୃଦ୍ଧି

ଅକ୍ଟୋବରରେ ହେବ ଭାରତ ପ୍ରସ୍ତୁତ ’କୋଭାକ୍ସିନ’ର ତୃତୀୟ ପର୍ଯ୍ୟାୟ ପରୀକ୍ଷଣ

ଦକ୍ଷିଣ କୋରିଆ ଅଧିକାରୀଙ୍କୁ ଗୁଳି କରି ହତ୍ୟା କରିବା ପରେ ଜାଳିଦେଲେ

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ଭାରତରେ Harley-Davidsonର ପ୍ରଡକ୍ଟ ଓ ସେଲ୍ ବନ୍ଦ

ଗଲୱାନ ସଂଘର୍ଷରେ କେତେ ସୈନିକଙ୍କୁ ହରାଇଛି, ହିସାବ ଦେଲା ଚୀନ

୧୨ ବର୍ଷର ନାବାଳକଙ୍କ ସମେତ ୩ ଜଣଙ୍କ ଉପରେ ଚଢ଼ିଗଲା ବସ୍‌

କୃଷି ବିଲ୍‌ ବିରୋଧରେ ଚାଷୀଙ୍କ ‘ଭାରତ ବନ୍ଦ’ ଡାକରା ଆଜି

କମିଲା ସୁନା ଓ ରୂପା ଦର

ଅଭିନେତ୍ରୀ ପାୟଲ ଘୋଷଙ୍କ ଟ୍ୱିଟ୍‌କୁ ନେଇ ଚର୍ଚ୍ଚା, କହିଲେ- ଯଦି ଝୁଲନ୍ତା ଅବସ୍ଥାରେ ମୋ ମୃତଦେହ ମିଳେ…

You might also like