କର୍ଣ୍ଣାଟକ ବିଧାନସଭାରେ ହାଇଡ୍ରାମା ; ରାଜ୍ୟପାଳଙ୍କ ନିର୍ଦ୍ଦେଶକୁ ମାନିଲେନି ବାଚସ୍ପତି

ବେଙ୍ଗାଲୁରୁ : କର୍ଣ୍ଣାଟକ ବିଧାନସଭାରେ ହାଇଡ୍ରାମା। ରାଜ୍ୟପାଳଙ୍କ ନିର୍ଦ୍ଦେଶକୁ ମାନିଲେନି ବାଚସ୍ପତି। ଆଜି ସୁଦ୍ଧା ଆସ୍ଥା ଭୋଟ୍ କରାଇବାକୁ ରାଜ୍ୟପାଳ ନିର୍ଦ୍ଦେଶ ଦେଇଥିଲେ ବି ଏହାକୁ ନମାନି ଆସନ୍ତାକାଲି ଦିନ ୧୧ଟା ଯାଏଁ ଗୃହ ମୁଲତବୀ ଘୋଷଣା କଲେ ବାଚସ୍ପତି।

ସେପଟେ ବାଚସ୍ପତିଙ୍କ ନିଷ୍ପତ୍ତିକୁ ତୀବ୍ର ପ୍ରତିବାଦ କରିବା ସହ ଆସ୍ଥା ଭୋଟ ନହେବା ଯାଏଁ ଗୃହ ନଛାଡ଼ିବାକୁ ବିଜେପି ବିଧାୟକମାନେ ଅଡ଼ିବସିଛନ୍ତି। ଗୃହ ଭିତରେ ରାତି ସାରା ଧାରଣା ଦେବେ ବୋଲି କହିଛନ୍ତି ବିଜେପି ନେତା ବି.ଏସ୍. ୟେଦୁରପ୍ପା। ଏହା ପୂର୍ବରୁ ଆସ୍ଥା ଭୋଟ୍‌ରେ ବିଳମ୍ବ ହେବା ଆଶଙ୍କା କରି ବିଜେପି ବିଧାୟକ ଦଳ ରାଜ୍ୟପାଳଙ୍କ ହସ୍ତକ୍ଷେପ ଲୋଡ଼ିଥିଲେ।

ଏହାପରେ ଆଜି ସୁଦ୍ଧା ଆସ୍ଥା ଭୋଟ୍ କରାଇବା ପାଇଁ ରାଜ୍ୟପାଳ ବାଜୁଭାଇ ବାଲା ନିର୍ଦ୍ଦେଶ ଦେବା ସହ ବାଚସ୍ପତିଙ୍କ ନିକଟକୁ ସ୍ୱତନ୍ତ୍ର ଅଫିସର ପଠାଇଥିଲେ।  ରାଜ୍ୟପାଳଙ୍କ ନିର୍ଦ୍ଦେଶ ପରେ ଗୃହରେ ହଟ୍ଟଗୋଳ କରିଥିଲେ କଂଗ୍ରେସ ଓ ଜେଡିଏସ୍ ବିଧାୟକ। ବିଜେପି ଏ ପ୍ରସଙ୍ଗ ଗୃହରେ ଆଲୋଚନା ନ କରି ସିଧା ରାଜ୍ୟପାଳଙ୍କୁ ଅବଗତ କରାଇବା ଅସାମ୍ବିଧାନିକ ବୋଲି ଶାସକ ମେଣ୍ଟର ସଦସ୍ୟ କହିଥିଲେ।

ଆଜି ମୁଖ୍ୟମନ୍ତ୍ରୀ ଏଚ୍. ଡି. କୁମାରସ୍ୱାମୀ ଆସ୍ଥା ଭୋଟ୍  ପ୍ରସ୍ତାବ ଉପରେ ଆଲୋଚନା ଆରମ୍ଭ କରିବା ପରେ କଂଗ୍ରେସ ବିଧାୟକ ଦଳ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ସିଦ୍ଦରମୈୟା କହିଥିଲେ ଯେ, ଆସ୍ଥା ଭୋଟ୍ ଉପରେ ଆଲୋଚନା ବନ୍ଦ କରାଯାଉ। ପ୍ରଥମେ ସୁପ୍ରିମକୋର୍ଟଙ୍କ ରାୟ ସଂପର୍କରେ ଅବଗତ କରାଯାଉ ଓ ବିଧାୟକ ଦଳର ନେତା ଭାବେ ସେ ଦଳର ବିଧାୟକଙ୍କ ଉପରେ ହ୍ୱିପ୍ ଜାରି କରିପାରିବେ କି ନାହିଁ ସେ ସଂପର୍କରେ ସ୍ପଷ୍ଟ କରାଯାଉ ବୋଲି ସିଦ୍ଦରମୈୟା ଦାବି କରିଥିଲେ।

ଏହାକୁ ନେଇ ଗୃହରେ ବିଜେପି ପକ୍ଷରୁ ଜୋରଦାର ହଟ୍ଟଗୋଳ କରାଯାଇଥିଲା।  ସେପଟେ ମେଣ୍ଟ ସରକାର ଭାଙ୍ଗିବା ପାଇଁ କଂଗ୍ରେସ ବିଧାୟକ ଶ୍ରୀମନ୍ତ ପାଟିଲ୍‌ଙ୍କୁ ଅପହରଣ କରି ମୁମ୍ବାଇର ଏକ ହସ୍ପିଟାଲରେ ଭର୍ତ୍ତି କରାଯାଇଥିବା ଗୃହରେ ଦଳର ବରିଷ୍ଠ ବିଧାୟକ ଡି କେ ଶିବକୁମାର ଅଭିଯୋଗ କରିଥିଲେ।

ଏଥିସହ କଂଗ୍ରେସ ସଦସ୍ୟମାନେ ପାଟିଲଙ୍କ ହସ୍ପିଟାଲରେ ଚିକିତ୍ସାଧୀନ ଥିବା ଫଟୋ ଗୃହରେ ଦେଖାଇଥିଲେ।

ଆହୁରି ପଢ଼ନ୍ତୁ

ସିଏଏ ଆଇନ୍‌ ବିରୋଧ ହିଂସା: ପଶ୍ଚିମବଙ୍ଗରେ ୫ ସ୍ଥାନର ଇଣ୍ଟରନେଟ୍ ସେବା ବନ୍ଦ

‘ମିସ୍‌ ୱାର୍ଲଡ’ ମୁକୁଟ; ତୃତୀୟ ସ୍ଥାନରେ ଭାରତୀୟ ସୁନ୍ଦରୀ ସୁମନ୍‌

ଭାଗ୍ୟ ବଦଳାଇଲା ପିଆଜ; ଋଣଗ୍ରସ୍ତ ଚାଷୀ ଏବେ କୋଟିପତି

ଦିଲ୍ଲୀ ମେଟ୍ରୋରେ ଚାକିରି କରିବାକୁ ଚାହୁଁଛନ୍ତି ? ତୁରନ୍ତ କରନ୍ତୁ ଆବେଦନ…

କମିଲା ରିଲାଏନ୍ସ ଜିଓ ଫାଇବରର ନେଟ୍‌ ସ୍ପିଡ୍

ସହିଦ ବାପାଙ୍କ ପ୍ରତିମୂର୍ତ୍ତିକୁ ଜୀବିତ ଭାବି ଚୁମ୍ବନ ଦେଲା କୁନି ଝିଅ

ପିଆଜ ପରେ ବଢ଼ିଲା କ୍ଷୀର ଦର; କେତେ ହେଲା ଜାଣନ୍ତୁ

୫୦୦ ମିଟର ତଳକୁ ଖସିଲା ବସ୍; ୧୨ ମୃତ, ଅନେକ ଆହତ

ଶସ୍ତା ହେଲା ସାମସଙ୍ଗ୍‌ର ଏହି ଫୋନ୍‌

ପାହାଚ ଚଢିବା ବେଳେ ପଡ଼ିଗଲେ ମୋଦି

ବିନା ଟଙ୍କାରେ ଏମିତି ବୁକ୍‌ କରନ୍ତୁ ଟ୍ରେନ୍‌ ଟିକେଟ୍‌

ସିଏଏକୁ ବିରୋଧ: ୫ ଟ୍ରେନ୍‌ ଜାଳିଦେଲେ ବିକ୍ଷୋଭକାରୀ

You might also like