କଙ୍ଗନାଙ୍କୁ ମିଳିଲା Y ପ୍ଲସ୍ ଶ୍ରେଣୀ ସୁରକ୍ଷା ବ୍ୟବସ୍ଥା

ମୁମ୍ବାଇ: ସୁଶାନ୍ତି ସିଂହ ରାଜପୁତ୍ କଙ୍ଗନା ରନାୱତ ଏବଂ ଶିବସେନା ନେତାଙ୍କ ମଧ୍ୟରେ ବାକ୍ ଯୁଦ୍ଧ ଶେଷ ହେବାର ନାଁ ନେଉନାହିଁ। ଏହା ବିବାଦ ମଧ୍ୟରେ ଅଭିନେତ୍ରୀ କଙ୍ଗନା ଆସନ୍ତା ୯ ତାରିଖରୁ ମୁମ୍ବାଇ ପହଞ୍ଚୁଛନ୍ତି। ତେବେ ଶିବସେନା ମୁଖପାତ୍ର ସଞ୍ଜୟ ରାଉତଙ୍କ ସହ ବିବାଦ ବଢ଼ିବା ପରେ କେନ୍ଦ୍ର ଗୃହମନ୍ତ୍ରଣାଳୟ ପକ୍ଷରୁ କଙ୍ଗନାଙ୍କୁ Y ପ୍ଲସ୍ ଶ୍ରେଣୀ ସୁରକ୍ଷା ବ୍ୟବସ୍ଥା ମିଳିଛି।

Y ପ୍ଲସ୍ ଶ୍ରେଣୀ ସୁରକ୍ଷା ବ୍ୟବସ୍ଥାରେ ଜଣେ କିମ୍ବା ୨ କମାଣ୍ଡୋଙ୍କ ସହ ୧୧ ଜଣ ସୁରକ୍ଷାକର୍ମୀ କଙ୍ଗନାଙ୍କ ସୁରକ୍ଷା ଦାୟିତ୍ୱରେ ରହିବେ। ଆସନ୍ତା ୯ ତାରିଖରେ କଙ୍ଗନା ମୁମ୍ବାଇ ଯାଉଥିବାରୁ ତାଙ୍କୁ ଏହି ସୁରକ୍ଷା ବ୍ୟବସ୍ଥା ଦିଆଯାଇଛି। Y ପ୍ଲସ୍ ଶ୍ରେଣୀ ସୁରକ୍ଷା ବ୍ୟବସ୍ଥା ମିଳିବା ପରେ କଙ୍ଗନା କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଧନ୍ୟବାଦ ଜଣାଇଛନ୍ତି।

ଦେଶରେ ଅଲଗା ଅଲଗା ଶ୍ରେଣୀର ସୁରକ୍ଷା ବ୍ୟବସ୍ଥା ରହିଛି। ଏଥିରେ ନେତାଙ୍କଠାରୁ ଆରମ୍ଭ କରି ଅନ୍ୟ ଭିଆଇପି, ଯାହାଙ୍କ ଉପରେ କୌଣସି ପ୍ରକାରର ବିପଦ କିମ୍ବା ଧମକ ଆଧାର କରି ସୁରକ୍ଷା ଦିଆଯାଇଥାଏ। ଏଥିରେ X, Y, Z, Z+ ଶ୍ରେଣୀର ସୁରକ୍ଷା ରହିଛି। X ଶ୍ରେଣୀ ସୁରକ୍ଷା ବ୍ୟବସ୍ଥାରେ ଦୁଇ ପୋଲିସ୍ କର୍ମୀ, Y ଶ୍ରେଣୀରେ ୧୧ ଯବାନ୍, Z ଶ୍ରେଣୀରେ ମୋଟ ୨୨ ଜଣ, ଯେଉଁଥିରେ ଏନଏସଜି କମାଣ୍ଡୋ ରହିଥାନ୍ତି। ତେବେ Z+ ସୁରକ୍ଷାରେ ଏନଏସଜି କମାଣ୍ଡୋ ସମେତ ମୋଟ ୩୬ଜଣ ଯବାନ୍ ସୁରକ୍ଷାରେ ମୁତୟନ ରୁହନ୍ତି। ଏହା ଉପରକୁ କେବଳ ଏସପିଜି ଶ୍ରେଣୀ ସୁରକ୍ଷା ବ୍ୟବସ୍ଥା ଥାଏ, ଯାହା ପ୍ରଧାନମନ୍ତ୍ରୀଙ୍କ ପାଖରେ ରହିଥାଏ।

ସୂଚନାଯୋଗ୍ୟ, ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାକୁ ନେଇ କଙ୍ଗନା ମୁହଁ ଖୋଲିବା ପରେ ତାଙ୍କୁ ମୁମ୍ବାଇ ନଆସିବାକୁ ଧମକ ଦେଇଥିଲେ ଶିବସେନା ମୁଖପାତ୍ର ସଞ୍ଜୟ ରାଉତ। କଙ୍ଗନା ମୁମ୍ବାଇକୁ ପିଓକେ ସହ ତୁଳନା କରିଥିଲେ, ଯାହାକୁ ନେଇ ଧମକ ଦେଇଥିଲେ ସଞ୍ଜୟ ରାଉତ। କଙ୍ଗନାଙ୍କ ଏହି ମନ୍ତବ୍ୟକୁ ନେଇ ମହାରାଷ୍ଟ୍ରର ୨ଟି ଥାନାରେ ଏତଲା ଦାୟାର ହୋଇଛି। ଗୋଟିଏ ଅନ୍ଧେରୀ ପୋଲିସ ଷ୍ଟେସନ ଓ ଅନ୍ୟଟି ଆଜାଦ ମୈଦାନ ପୋଲିସ ଷ୍ଟେସନର ମାମଲା ଦାୟର କରାଯାଇଛି।

ଆହୁରି ପଢ଼ନ୍ତୁ

ମୃତ୍ୟୁ ପୂର୍ବରୁ ଶେଷଥର ପାଇଁ କାହାକୁ କଲ୍‌ କରିଥିଲେ ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶା ?

କରୋନା ପଜିଟିଭ୍‌ କହି ପତ୍ନୀଙ୍କ ପାଖରୁ ଖସିଗଲେ, ଗର୍ଲଫ୍ରେଣ୍ଡ୍‌ଙ୍କ ସହ ଧରାପଡ଼ିଲେ

ନୂଆ କୃଷି ବିଲ୍‌‌କୁ କାହିଁକି ଡରୁଛନ୍ତି ଚାଷୀ ?

ଦେଶରେ ଦିନକରେ ୯୬ହଜାର ୪୨୪ କରୋନା ଆକ୍ରାନ୍ତ ଚିହ୍ନଟ

ୱାଶ୍‌ରୁମ୍‌ରୁ ମିଳିଲା ଜଣାଶୁଣା ଫ୍ୟାଶନ୍‌ ଡିଜାଇନର୍‌ଙ୍କ ମୃତଦେହ

ବିରୋଧ ସତ୍ତ୍ୱେ ଲୋକସଭାରେ ପାରିତ ହେଲା କୃଷି ବିଲ

ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିରୋଧରେ ଯୌନ ନିର୍ଯାତନା ଅଭିଯୋଗ

ନିଜ ଜୀବନକୁ ବାଜିରେ ଲଗାଇ ପାଣି ଭିତରେ ପଶି କୁକୁରର ଜୀବନ ରକ୍ଷା କଲେ ହୋମଗାର୍ଡ

ମନ୍ତ୍ରୀପରିଷଦରୁ ଇସ୍ତଫା ଦେଲେ ହରସିମରତ୍ କୌର୍ ବାଦଲ

ସୀମାରେ ଚୀନ ସେନାର ନୂଆ ଷଡ଼ଯନ୍ତ୍ର

କରୋନା ମୁକାବିଲା ପାଇଁ ଏଇ ସହରରେ ଲାଗୁ ହେଲା ୧୪୪ ଧାରା

ଲଦାଖରେ ୩୦ ମହଲା ଉଚ୍ଚତାରେ ଜଗିଛନ୍ତି ଭାରତୀୟ ଯବାନ, ୯ ଚୀନ୍ ସେନା ପାଇଁ ଜଣେ ଭାରତୀୟ ସେନା ଭାରି ପଡ଼ିବ

You might also like