ଟ୍ରମ୍ପଙ୍କ ବିରୋଧରେ ଲଢ଼ିବେ ଜୋଏ ବିଡେନ୍

ନ୍ୟୁୟର୍କ: ଆମେରିକାର ପୂର୍ବତନ ଉପରାଷ୍ଟ୍ରପତି ଜୋଏ ବିଡେନ୍ ହେବେ ଡେମୋକ୍ରେଟିକ୍ ଦଳର ରାଷ୍ଟ୍ରପତି ପ୍ରାର୍ଥୀ। ତାଙ୍କୁ ଦଳ ତରଫରୁ ମନୋନୟନ କରାଯାଇଛି। ଆସନ୍ତା ନଭେମ୍ବର ମାସରେ ହେବ ରାଷ୍ଟ୍ରପତି ନିର୍ବାଚନ। ଏଥିରେ ସେ ଡୋନାଲ୍ଡ ଟ୍ରମ୍ପଙ୍କ ବିରୋଧରେ ଲଢିବେ।

ତେବେ ଡେମୋକ୍ରାଟିକ ପାର୍ଟିରେ ତାଙ୍କୁ ପ୍ରାର୍ଥୀ କରାଯାଇଥିବାରୁ ସେ କୃତଜ୍ଞତା ଜଣାଇଛନ୍ତି। ଗତ ଶୁକ୍ରବାର ଆୟୋଜିତ ଏକ ସଭାରେ ଜୋଏ ଆମେରିକାର ଜବ୍ ରିପୋର୍ଟକୁ ନେଇ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପକୁ ସମାଲୋଚନା କରିଥିଲେ। ଏହାସହ ଯୁକ୍ତରାଷ୍ଟ୍ରର ଅର୍ଥ ବ୍ୟବସ୍ଥା ଜଟିଳ ସମସ୍ୟା ଦେଇ ଗତି କରୁଛି ବୋଲି ସେ କହିଥିଲେ।

ପ୍ରକାଶଥାଉକି, ୨୦୦୯ରୁ ୨୦୧୭ ମଧ୍ୟରେ ବାରାକ୍ ଓବାମା ରାଷ୍ଟ୍ରପତି ଥିବା ସମୟରେ ଜୋଏ ବିଡେନ୍ ଉପରାଷ୍ଟ୍ରପତି ଥିଲେ। ଜୋଏ ବିଡେନଙ୍କର ସବୁବେଳେ ଭାରତ ସପକ୍ଷ ମନୋଭାବ ରହିଆସିଛି। ୨୦୦୮ ମସିହାରେ ସିନେଟର ହିସାବରେ ଦୁଇ ଦେଶ ମଧ୍ୟରେ ଆଣବିକ ଚୁକ୍ତି ପାଇଁ ସେ ଭୋଟ୍ ଦେଇଥିଲେ।

You might also like