ଆହତ ମହିଳାଙ୍କୁ କାନ୍ଧେଇ ୪୦ କିଲୋମିଟର ଚାଲିଲେ ଯବାନ

ଡେରାଡୁନ: ଉତ୍ତରାଖଣ୍ଡର ପିଥୋରାଗଡ ସ୍ଥିତ ଦୂରଦରାଜ ଗାଁ ଲାପସାରୁ ସୁଦୂର ଗାଁ ମୁନସ୍ୟାରୀ ପର୍ଯ୍ୟନ୍ତ କାନ୍ଧରେ ବୋହି ଯବାନ ହସ୍ପିଟାଲ ନେଇଥିବାର ଚିତ୍ର ସାମ୍ନାକୁ ଆସିଛି। ଯବାନମାନେ ୪୦ କିଲୋମିଟର ରାସ୍ତା ଏଭଳି ନେଇଥିବା ଜଣାପଡ଼ିଛି। ଏଥିପାଇଁ ସେମାନଙ୍କୁ ଲାଗିଥିଲା ୧୫ ଘଣ୍ଟାର ସମୟ। ଆହତ ମହିଳାଙ୍କୁ ନେବା ବେଳେ ନାଳ ସହିତ ଅନେକ ଭୂସ୍ଖଳନ ଜାଗା ଅତିକ୍ରମ କରିବାକୁ ପଡ଼ିଥିଲା ଆଇଟିବିପି ଯବାନଙ୍କୁ। ଆଇଟିବିପି ଟ୍ୱିଟ୍ କରି ଏହି ସୂଚନା ଦେଇଛି।

ଆଇଟିବିପିର ଏହି ଭିଡିଓକୁ ରିଟ୍ୱିଟ କରିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷ ବର୍ଦ୍ଧନ। ଏଥିସହ ସେ ଲେଖିଛନ୍ତି ଯେ ଆଇଟିବିପି ଯବାନମାନେ ପ୍ରମାଣ କରିଛନ୍ତି ଯେ କେବଳ ସୀମା ନୁହେଁ ଦେଶ ଭିତରେ ମଧ୍ୟ ଲୋକଙ୍କୁ ସହଯୋଗର ହାତ ବଢ଼ାଇଛନ୍ତି। ଆହତ ମହିଳାଙ୍କୁ ଉତ୍ତରାଖଣ୍ଡର ଡାକ୍ତରଖାନାକୁ ଆଣିଥିବାରୁ ଯବାନଙ୍କୁ ହର୍ଷବର୍ଦ୍ଦନ ପ୍ରଶଂସା କରିଛନ୍ତି।

ଆଇଟିବିପି ମଧ୍ୟ ଟ୍ୱିଟ୍ କରି ଭିଡିଓ ଶେୟାର କରିଛି। ଯେଉଁଥିରେ ଲେଖାଅଛି ‘ସେବା ସବୁଠାରୁ ବଡ ଧର୍ମ।’ ଏହି ସାହାସୀ ଯବାନ ୧୪ ତମ ବାଟାଲିୟନର ବୋଲି ଜଣାପଡ଼ିଛି। ଯବାନମାନେ ରାସ୍ତାରେ ଅତିକ୍ରମ କରିବା ବେଳେ ପାହାଡିଆ ଅଞ୍ଚଳକୁ ମଧ୍ୟ ଅତିକ୍ରମ କରିଛନ୍ତି।

ସୂଚନାଯୋଗ୍ୟ, ଅଗଷ୍ଟ ୨୦ରେ ଜଣେ ସ୍ଥାନୀୟ ମହିଳା ପାହାଡ଼ରେ ପଡ଼ିଯାଇଥିଲେ। ମହିଳାଙ୍କ ଗୋଡ଼ ଭାଙ୍ଗିବା କାରଣରୁ ସେ ଯନ୍ତ୍ରଣା ଅନୁଭବ କରୁଥିଲେ। ଚିକିତ୍ସା ପାଇଁ ମହିଳା ଜଣକ ହସ୍ପିଟାଲରେ ଭର୍ତ୍ତି ହେବା ଆବଶ୍ୟକ ଥିଲା। ଏ ନେଇ ଆଇଟିବିପି ଯବାନମାନେ ଖବର ପାଇବା ପରେ ମହିଳାଙ୍କୁ ଉଦ୍ଧାର କରିବା ପାଇଁ ସୀମାନ୍ତ ପୋଷ୍ଟରୁ ଗାଁକୁ ଯାଇଥିଲେ।

ସେମାନେ ପ୍ରଥମେ ଅଗଷ୍ଟ ୨୨ ରେ ଗାଁରେ ପହଞ୍ଚି ପାଦରେ ଚାଲି ଚାଲି ମହିଳାଙ୍କୁ ଷ୍ଟ୍ରେଚରରେ ଆଣିଥିଲେ। ଏହାପରେ ରାସ୍ତାରେ ୨୫ ଜଣ ଆଇଟିବିପି ଯବାନ ଷ୍ଟ୍ରେଚରକୁ ଜଣକ ପରେ ଜଣେ ୧୫ ଘଣ୍ଟା ଧରି ହସ୍ପିଟାଲକୁ ଆଣିଥିଲେ।

କରୋନା ମହାମାରୀ ସହିତ ଉତ୍ତରାଖଣ୍ଡ ପ୍ରାକୃତିକ ସମସ୍ୟାର ସମ୍ମୁଖୀନ ହେଉଛି। ରାଜ୍ୟରେ ମୌସୁମୀ ଆସିବା ଆସିବାଠାରୁ ବର୍ଷା ଜନିତ ଦୁର୍ଘଟଣା ଘଟିଛି। ବନ୍ୟା ଓ ଭୂସ୍ଖଳନ ଯୋଗୁଁ ଲୋକମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି।

ଆହୁରି ପଢ଼ନ୍ତୁ

ହାଥରସ ଗଣଦୁଷ୍କର୍ମ ମାମଲା; ପରିବାର ଲୋକଙ୍କୁ ଘରେ ବନ୍ଦ କରି ପୀଡିତାଙ୍କ ଶବ ସତ୍କାର କଲା ପୋଲିସ

ପ୍ରେସିଡେନ୍‌ସିଆଲ ଡିବେଟରେ ମୁହାଁମୁହିଁ ହେଲେ ଟ୍ରମ୍ପ-ବିଡେନ

ଆସନ୍ତାବର୍ଷ ସୁଦ୍ଧା କମ୍‌ ଦାମ୍‌ରେ ମିଳିବ କରୋନା ଟିକା

୨୮ ବର୍ଷ ପରେ ଆଜି ହେବ ବାବରି ମସଜିଦ୍ ଭଙ୍ଗା ମାମଲାର ରାୟ ଶୁଣାଣି

ଏହି ରାଜ୍ୟରେ ଅକ୍ଟୋବର ୩୧ ଯାଏ ବଢ଼ିଲା ଲକ୍‌ଡାଉନ୍‌

ଉପରାଷ୍ଟ୍ରପତି ଭେଙ୍କୟା ନାଇଡୁ କରୋନାରେ ଆକ୍ରାନ୍ତ

ସୁଶାନ୍ତଙ୍କ ମୃତ୍ୟୁକୁ ନେଇ ଏମିତି ରିପୋର୍ଟ ଦେଲା ଦିଲ୍ଲୀ ଏମ୍ସର ଡାକ୍ତରୀ ଟିମ୍

ସୁଶାନ୍ତଙ୍କ ମୃତ୍ୟୁ ସହିତ ଡ୍ରଗ୍ସ କାରବାର ତଦନ୍ତର କୌଣସି ସମ୍ପର୍କ ନାହିଁ; NCB

ଆଉ ଜଣେ ଅଭିନେତାଙ୍କ ଆତ୍ମହତ୍ୟା !

କରୋନାରୁ ସୁସ୍ଥ ହେଲେ ଦିଲ୍ଲୀ ଉପମୁଖ୍ୟମନ୍ତ୍ରୀ

୫୪ ସିଟ୍ ପାଇଁ ଉପନିର୍ବାଚନ ତାରିଖ ଘୋଷଣା କଲେ ଇସି

୩୦ ବର୍ଷ ସେବା ଯୋଗାଇବା ପରେ ସତ୍ତା ହରାଇବ INS Viraat

You might also like