ରେକର୍ଡ ୨୩.୯% ତଳକୁ ଖସିଲା ଜିଡିପି

ନୂଆଦିଲ୍ଲୀ: ମହାମାରୀ କରୋନା ଭାଇରସ ପାଇଁ ଜାରି କଟକଣାର ସାଂଘାତିକ ପ୍ରଭାବ ଦେଶର ଅର୍ଥନୀତି ଉପରେ ପଡ଼ିଛି। ଏପ୍ରିଲରୁ ଜୁନ୍‌ ପ୍ରଥମ ତିନିମାସରେ ଦେଶର ଡିଜିପି ଐତିହାସିକ ୨୩.୯% ତଳକୁ ଖସି ଯାଇଛି। ପରିସଂଖ୍ୟାନ ଓ କାର୍ଯ୍ୟକ୍ରମ ମନ୍ତ୍ରଣାଳୟ ପକ୍ଷରୁ ଜାରି ସୂଚନା ଅନୁଯାୟୀ, ୨୦୧୯-୨୦ ପ୍ରଥମ କ୍ୱାର୍ଟରରେ ଜିଡିପି ୩୫.୩୫ ଲକ୍ଷ କୋଟି ଟଙ୍କାରୁ ହ୍ରାସ ପାଇ ୨୦୨୦-୨୧ର ପ୍ରଥମ କ୍ୱାର୍ଟରରେ ୨୬.୯୦ ଲକ୍ଷ କୋଟି ଟଙ୍କା ହୋଇଯାଇଛି।

୨୦୧୯-୨୦ ପ୍ରଥମ କ୍ୱାର୍ଟରରେ ଜିଡିପି ଅଭିବୃଦ୍ଧି ୫.୨% ବଢ଼ିଥିବା ବେଳେ ୨୦୨୦-୨୧ରେ ଏହା ୨୩.୯% ହ୍ରାସ ପାଇଛି। ବିଗତ ୪୦ ବର୍ଷରେ ଏହା ରେକର୍ଡ଼ ହ୍ରାସ। ଗତ ଆର୍ଥିକ ବର୍ଷରେ ଦେଶର ଅର୍ଥନୀତି ସର୍ବମୋଟ ୫% ଅଭିବୃଦ୍ଧି ଘଟିଥିଲା। ସେହିପରି ୨୦୧୯-୨୦ ୪ର୍ଥ କ୍ୱାର୍ଟରରେ ଅଭିବୃଦ୍ଧି ହାର ୩.୧% ରହିଥିଲା।

ଚଳିତ ଆର୍ଥିକ ବର୍ଷର ଅର୍ଥନୀତି ଉପରେ କରୋନାର ସାଂଘାତିକ ପ୍ରଭାବ ପଡ଼ିଛି। ବିଶେଷ କରି ନିର୍ମାଣ କାମର ଅଭିବୃଦ୍ଧି ୫୦% ହ୍ରାସ ପାଇଥିବା ବେଳେ ହୋଟେଲ ଶିଳ୍ପର ଅଭିବୃଦ୍ଧି ୪୭% ହ୍ରାସ ପାଇଛି। ଉତ୍ପାଦନ ଶିଳ୍ପ ୩୯.୩% କମିଥିବା ବେଳେ ମାଇନିଂ ଅଭିବୃଦ୍ଧି ୨୩.୩% ହ୍ରାସ ପାଇଛି। କରୋନା କାଳ ମଧ୍ୟରେ କେବଳ କୃଷି କ୍ଷେତ୍ରର ଅଭିବୃଦ୍ଧି ହୋଇଛି। ଚଳିତ ବର୍ଷ ପ୍ରଥମ କ୍ୱାର୍ଟରରେ କୃଷି କ୍ଷେତ୍ରର ଅଭିବୃଦ୍ଧି ୩.୪% ବୃଦ୍ଧି ପାଇଛି।

ଏପ୍ରିଲ, ମେ’ ଓ ଜୁନ୍‌ ମାସର ଜିଡିପି ତଥ୍ୟ ଆଜି ସାର୍ବଜନୀନ କରାଯାଇଛି। ଏହି ସମୟରେ ଦେଶରେ କରୋନା ପାଇଁ ଲକଡାଉନ ଜାରି କରାଯାଇଥିଲା। କରୋନା ମାଡ଼ରେ ଭାରତର ଅର୍ଥନୀତି ବିଶ୍ୱର ଅନ୍ୟ ଦେଶଗୁଡ଼ିକ ତୁଳନାରେ ବ୍ୟାପକ ଭାବେ ପ୍ରଭାବିତ ହୋଇଛି। କରୋନା ଦ୍ୱାରା ସବୁଠାରୁ ଅଧିକ ପ୍ରଭାବିତ ହୋଇଥିବା ବ୍ରିଟେନ ଓ ଆମେରିକାର ଜିଡିପି ଭାରତ ତୁଳନାରେ ଭଲ ରହିଛି।

ପ୍ରଥମ କ୍ୱାର୍ଟରରେ ବ୍ରିଟେନର ଅଭିବୃଦ୍ଧି ହାର ୨୦.୪% ହ୍ରାସ ପାଇଥିବା ବେଳେ ଆମେରିକାର ଜିଡିପି ୯.୫%, ଫ୍ରାନ୍ସରେ ୧୩.୮%, ଇଟାଲୀରେ ୧୨.୪%, କାନାଡାରେ ୧୨%, ଜର୍ମାନୀରେ ୧୦.୧% ଓ ଜାପାନରେ ଅଭିବୃଦ୍ଧି ହାର ୭.୬% ହ୍ରାସ ପାଇଛି।

କରୋନାର ସୃଷ୍ଟି ହୋଇଥିବା ଚାଇନାରେ କିନ୍ତୁ ଅଭିବୃଦ୍ଧି ହାର ପ୍ରଥମ କ୍ୱାର୍ଟରରେ ୩.୪% ବୃଦ୍ଧି ପାଇଛି। ଭାରତରେ ଶେଷ ଥର ପାଇଁ ୧୯୯୬ରେ ଜିଡିପି ଏତେ ପରିମାଣରେ ହ୍ରାସ ପାଇଥିଲା। ଏହାପରଠାରୁ କେବେ ହେଲେ ଅଭିବୃଦ୍ଧି ହାର ଏତେ କମ ନଥିଲା।

ଆହୁରି ପଢ଼ନ୍ତୁ

ସ୍ୱାମୀଙ୍କୁ ହତ୍ୟା କରି ବେଡ୍‌ ତଳେ ମୃତଦେହ ଲୁଚାଇଥିଲେ ପତ୍ନୀ, ଗନ୍ଧ ବାହାରିବାରୁ…

‘ନେତା କୈସା ହୋ.. ବାଇଡେନ ଜୈସା ହୋ’-ଏମିତି ଚାଲିଛି ଆମେରିକାରେ ନିର୍ବାଚନ ପ୍ରଚାର

ନେପାଳ ପର୍ବତାରୋହୀଙ୍କ ପରଲୋକ; ୧୦ ଥର ମାଉଣ୍ଟ ଏଭରେଷ୍ଟ ଚଢି ରେକର୍ଡ କରିଥିଲେ

ଭଲ୍ୟୁଣ୍ଟାରୀ ରିଟାୟାରମେଣ୍ଟ ନେଲେ ବିହାର ଡିଜିପି ଗୁପ୍ତେଶ୍ୱର ପାଣ୍ଡେ, ନିର୍ବାଚନ ଲଢ଼ିବା ନେଇ ଚର୍ଚ୍ଚା

ଚାଇନା ରାଷ୍ଟ୍ରପତିଙ୍କୁ ନିନ୍ଦା କଲେ ଦଣ୍ଡ ୧୮ ବର୍ଷ ଜେଲ

୨୦୧୫ରୁ ପ୍ରଧାନମନ୍ତ୍ରୀ ମୋଦିଙ୍କ ବିଦେଶ ଗସ୍ତରେ ଖର୍ଚ୍ଚ ହୋଇଛି ୫୦୦ କୋଟିରୁ ଅଧିକ ଟଙ୍କା

ଅତ୍ୟାବଶ୍ୟକ ସାମଗ୍ରୀ ତାଲିକାରୁ ବାଦ୍‌ ପଡ଼ିଲା ଆଳୁ, ପିଆଜ, ଡାଲି

କେବେଠୁ ହେବ ୟୁଜି ଓ ପିଜି କ୍ଲାସ? ଜାଣନ୍ତୁ…

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

୨୮ରୁ ଏହି ରାଜ୍ୟରେ ଖୋଲିବ ସ୍କୁଲ

ଦୀପିକାଙ୍କୁ କଙ୍ଗନାଙ୍କ କଟ୍ଟାକ୍ଷ: ‘ମାଲ୍ ହେ କ୍ୟା’

ବିରାଟ୍ କୋହଲିଙ୍କ ସହ କଥା ହେବେ ପ୍ରଧାନମନ୍ତ୍ରୀ ମୋଦି

You might also like