ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ନୂଆଦିଲ୍ଲୀ: ନିକଟରେ ଏକ ଗବେଷଣା କରି ବୈଜ୍ଞାନିକମାନେ ଭାରତୀୟଙ୍କ ବ୍ରେନ ଆଟଲାସ ପ୍ରସ୍ତୁତ କରିଛନ୍ତି । ମସ୍ତିଷ୍କର ଏହି ଡିଜିଟାଲ ଇମେଜ ଚୀନ୍‌ ଲୋକଙ୍କ ବ୍ରେନ ସହ ତୁଳନା କରାଯାଇଥିଲା । ଯାହା ଫଳାଫଳ ଆସିଥିଲା ତାହା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏହି ଗବେଷଣା ଅନୁଯାୟୀ, ଭାରତୀୟଙ୍କ ମସ୍ତିଷ୍କ ଚୀନୀ ମସ୍ତିଷ୍କ ତୁଳନାରେ ଛୋଟ ଅଟେ । ଏହି ଗବେଷଣା ହାଇଦ୍ରାବାଦର ଇଣ୍ଟରନାଶନାଲ ଇନ୍‌ଷ୍ଟିଚ୍ୟୁଟ ଅଫ ଇନ୍‌ଫର୍ମେଶନ ଟେକ୍ନୋଲଜି ପକ୍ଷରୁ କରାଯାଇଥିଲା । ଏହି ପରୀକ୍ଷାରେ ୟୁରୋପୀୟ ମୂଳ ବ୍ୟକ୍ତିଙ୍କ ବ୍ରେନକୁ ଭାରତୀୟ ବ୍ରେନ୍‌ ସହ ମଧ୍ୟ ତୁଳନା କରାଯାଇଥିଲା । ତେବେ ଉଭୟଙ୍କ ବ୍ରେନ ପାଖାପାଖି ସମାନ ଥିବା ଜଣାଯାଇଥିଲା । ଏହି ଗବେଷଣା ପରେ ସ୍‌:ତଃ ମନରେ ପ୍ରଶ୍ନ ଆସେ, ସତରେ କ’ଣ ଭାରତୀୟଙ୍କ ପାଖରେ ଚୀନୀଙ୍କଠାରୁ କମ୍‌ ଶକ୍ତିଶାଳୀ ବ୍ରେନ ରହିଛି ?

ଭାରତୀୟ ହ୍ୟୁମାନ ବ୍ରେନ ଆଟଲାସ ତିଆରି କରିବା ପାଇଁ୧୦୦ରୁ ଅଧିକ ଲୋକଙ୍କୁୁ ମନୋନୀତ କରାଯାଇଥିଲା ଯେଉଁମାନେ କି ମାନସିକ ଏବଂ ଶାରୀରିକ ଭାବେ ସୁସ୍ଥ ଥିଲେ । ଏମାନଙ୍କ ମଧ୍ୟରେ ୫୦ ପୁରୁଷ ଓ ୫୦ ମହିଳା ଥିଲେ । ସମସ୍ତଙ୍କର ବୟସ ୨୧ରୁ ୩୦ ବର୍ଷ ମଧ୍ୟରେ ଥିଲା । ଏମଆରଆଇ ଜରିଆରେ ଏମାନଙ୍କର ବ୍ରେନର ଡିଜିଟାଲ ଆଟଲାସ ପ୍ରସ୍ତୁତ କରାଯାଇଥିଲା । ଏହାକୁ ଚୀନୀ ବ୍ରେନ ସହ ତୁଳନା କଲା ପରେ ଜଣା ପଡ଼ିଥିଲା, ଲମ୍ବାର ଉଭୟଙ୍କ ବ୍ରେନ ପାଖାପାଖି ସମାନ । ହେଲେ ଉଚ୍ଚତା ଏବଂ ଚଉଡାରେ ବହୁତ କମ୍‌ ।
ଇକନମିକ ଟାଇମ୍ସର ସାଇନ୍ସ ଜର୍ଣ୍ଣାଲ ନ୍ୟୁରୋସାଇନ୍ସ ଇଣ୍ଡିଆରେ ଏହି ଖବର ପ୍ରକାଶିତ ହୋଇଛି । ଏଥିରେ କୁହାଯାଇଛି, ଇଣ୍ଡିଆନ ବ୍ରେନ ଆଟଲାସ୍‌ର ଲମ୍ବ, ଚଉଡା ଏବଂ ଉଚ୍ଚତା ଯଥାକ୍ରମେ ୧୬୦, ୧୩୦ ଏବଂ ୮୮ ମିମି । ଅନ୍ୟପକ୍ଷେ ଚାଇନିଜମାନଙ୍କ ବ୍ରେନ୍‌ର ଲମ୍ବ, ଚଉଡା ଏବଂ ଉଚ୍ଚତା ଯଥାକ୍ରମେ ୧୬୦, ୧୩୬ ଏବଂ ୯୨ ମିମି । ଏପରିକି ଭଲ୍ୟୁମରେ ବି ଭିନ୍ନତା ରହିଛି । ଭାରତୀୟଙ୍କ ବ୍ରେନ ଭଲ୍ୟୁମ ୧.୩୯ ଥିବାବେଳେ ଚାଇନିଜମାନଙ୍କର ୧.୬୩ କ୍ୟୁବିକ୍‌ ଡାଏମିଟର ଥିବା ଜଣାଯାଇଛି ।
ତେବେ ଗବେଷକମାନେ ଏକଥା ମଧ୍ୟ ସ୍ପଷ୍ଟ କରିଛନ୍ତି, ମଣିଷ ମସ୍ତିଷ୍କର ଆକାର ସହ ବୁଦ୍ଧିର କୌଣସି ସମ୍ପର୍କ ନାହିଁ । ଆମର ମସ୍ତିଷ୍କ ଆମ ପୂର୍ବଜମାନଙ୍କ ତୁଳନାରେ ତିନିଗୁଣରୁ ଅଧିକ ଛୋଟ । ହେଲେ ବିଜ୍ଞାନ, ଟେକନିକ ଏବଂ ଅନ୍ୟାନ୍ୟ ବିଚାର ବୁଦ୍ଧିରେ ଆମେ ଯଥେଷ୍ଟ ଆଗରେ ।

ଆହୁରି ପଢ଼ନ୍ତୁ

ମୁହଁରେ ପ୍ଲାଷ୍ଟିକ୍‌‌ ମାସ୍କ ଲଗାଇ ରାସ୍ତାରେ ବୁଲିଲେ ଲୋକ, ଭିଡିଓ ଭାଇରାଲ୍‌

NEET Result: ସୋଏବଙ୍କ ପରି ଇଏ ବି ରଖିଛନ୍ତି ଶତପ୍ରତିଶତ ମାର୍କ

ରୋଗୀ ସେବାରେ ବ୍ରତୀ ରାଜ୍ୟପାଳ

ପୁରୁଣା ଇଂଜିନ୍‌ ବ୍ୟବହାର କରି ୪ ଚକିଆ ଗାଡି ତିଆରି କଲେ ଇଂଜିନିୟରିଂ ଛାତ୍ର

ଆଦିବାସୀ ପିଲାଙ୍କୁ ପଢାଇବାର ନିଆରା ପ୍ରୟାସ: ନିଜ ଖର୍ଚ୍ଚରେ ସ୍କୁଲ୍‌ କାନ୍ଥରେ ଚିତ୍ର କଲେ ଶିକ୍ଷକ

ସ୍କୁଟି ଉପରେ ଖାଇବା ଦୋକାନ: ଟଙ୍କା ନଥିଲେ ମାଗଣା ଖାଇପାରିବେ ଗ୍ରାହକ

ଅଳିଆ ଗଦାରେ ଭେଟ: ଭୋକିଲା ଦେଖି ୩୦୦କୁକୁରକୁ ଘରକୁ ନେଇଆସିଛନ୍ତି ମହିଳା

୫ବର୍ଷ ବୟସରେ ବିବାହ କରିଥିଲେ ବାବା: କହିଲେ, ସ୍ତ୍ରୀର ପ୍ରେମ ଦିଏ ଲଢିବାକୁ ସାହାସ

ଲକ‌ଡାଉନ୍‌ ସଂଘର୍ଷ ଥିମ୍‌ରେ ଏଥର ଦୁର୍ଗା ମେଢ

ପିପିଇ କିଟ୍‌ ପିନ୍ଧି‌ ଦାଣ୍ଡିଆ ନାଚିଲେ ପିଲା, ଭିଡ଼ିଓ ଭାଇରାଲ୍‌

ଆଜିଠୁ ଆରମ୍ଭ ମହାନବରାତ୍ର ପୂଜା; ଜାଣନ୍ତୁ, କେଉଁଦିନ ମା’ଙ୍କର କେଉଁ ସ୍ୱରୂପକୁ ପୂଜା କରାଯାଏ

ଓଟିଭି ପ୍ରତି କାହିଁକି ଏତେ ଆକ୍ରୋଶ ?

You might also like