ସାରା ଦେଶରେ ଶୁଭିଲା ‘ଗୋ ଚାଇନା ଗୋ ’

ନୂଆଦିଲ୍ଲୀ: ସୁଚିନ୍ତିତ ଯୋଜନା କରି ନିରସ୍ତ୍ର ଭାରତୀୟ ସେନାଙ୍କୁ ଆକ୍ରମଣ କରିଥିବା ଚୀନ ବିରୋଧରେ ସାରା ଦେଶରେ ଜଳୁଛି ନିଆଁ। ସୀମାନ୍ତରେ ଚୀନର ଦାଦାଗିରିକୁ ସବୁ ମହଲରେ ବିରୋଧ କରାଯାଇଛି। ଆଜି ଉତ୍ତରପ୍ରଦେଶର ବାରଣାସୀରେ ଏହାକୁ ନେଇ ବିରୋଧ କରିବା ସହ ଜଳାପୋଡା କରିଛନ୍ତି। ଚୀନର ବିଭିନ୍ନ ସାମଗ୍ରୀକୁ ବର୍ଜନ କରିବା ସହ ଚୀନ ରାଷ୍ଟପ୍ରତି ଜିନ୍‌ପିଙ୍ଗଙ୍କ କୁଶପୁତ୍ତଳିକା ଦାହ କରାଯାଇଛି।

ଦେଶବ୍ୟାପି ଚୀନ୍ ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଉଥିବା ଦେଖିବାକୁ ମିଳିଛି।  ବିଭିନ୍ନ ସ୍ଥାନରେ ଚୀନ୍ ପତାକାକୁ ଲୋକେ ପୋଡ଼ିଛନ୍ତି । ଚୀନ୍ ସରକାର ଓ ସେନା ବିରୋଧରେ ନାରାବାଜି କରୁଛନ୍ତି । ଦିଲ୍ଲୀ ସ୍ଥିତ ଚୀନ୍ ଅମ୍ବାସୀ ନିକଟରେ ଆଜି ବହୁ ସଂଖ୍ୟାରେ ଲୋକେ ଏକତ୍ରିତ ହୋଇ ନାରାବାଜି କରିଥିଲେ ।

ପରେ ଦିଲ୍ଲୀ ପୋଲିସ ପହଞ୍ଚି ଭିଡ଼ ହଟାଇବା ସହ ଆନ୍ଦୋଳନକାରୀଙ୍କୁ ବୁଝାସୁଝା କରୁଥିବାର ଦେଖିବାକୁ ମିଳିଥିଲା । ସେହିଭଳି କର୍ଣ୍ଣାଟକ ରାଜଧାନୀ ବେଙ୍ଗଳୁରୁରେ ସହିଦ ଭାରତୀୟ ଯବାନଙ୍କୁ ଶ୍ରଦ୍ଧାଞ୍ଜଳି ଦିଆଯିବା ସହ ଚୀନ୍ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦାବି କରାଯାଇଛି । ଜମ୍ମୁରେ ମଧ୍ୟ କେତେକ ସ୍ଥାନରେ ଚୀନ୍ ବିରୋଧରେ ପ୍ରତିବାଦର ସ୍ୱର ଉଠାଇଛନ୍ତି ଲୋକେ।

ଭାରତ-ଚୀନ ସୀମା ବିବାଦ ପରେ LAC ରେ ସେନା ସତର୍କ  ରହିଛି।

 

You might also like