କରୋନା ଟିକା ପ୍ରସ୍ତୁତ ପାଇଁ ଜୋରସୋର ଉଦ୍ୟମ ଚଳାଇଛି ଭାରତ

ନୂଆଦିଲ୍ଲି: କରୋନା ସଂକ୍ରମଣ ଯୋଗୁ  ସାରା ବିଶ୍ୱ ଚିନ୍ତିତ ଥିବା ବେଳେ ଏହାର ଟିକା ପ୍ରସ୍ତୁତ ପାଇଁ ବିଭିନ୍ନ ଦେଶ ପ୍ରୟାସ କରୁଛନ୍ତି ।ଭାରତ ପକ୍ଷରୁ ମଧ୍ୟ ଟିକା ପ୍ରସ୍ତୁତ ପାଇଁ ଜୋରସୋରରେ ଉଦ୍ୟମ କରାଯାଉଥିବା କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ ସୂଚନା ଦେଇଛନ୍ତି ।

ଭାରତ ପକ୍ଷରୁ ଏ ସମ୍ପର୍କରେ କଣ ସହଯୋଗ କରାଯାଇ ପାରିବ ସେ  ସମ୍ପର୍କରେ ସୂଚନା ଦେବାକୁ ଯାଇ କେନ୍ଦ୍ରମନ୍ତ୍ରୀ କହିଛନ୍ତି,  ଟିକା ପ୍ରସ୍ତୁତି ନେଇ ଭାରତ ସହ ବିିଭିନ୍ନ ଦେଶର ପ୍ରତିନିଧିମାନଙ୍କର ଆଲୋଚନା କରାଯାଉଛି । ଏନେଇ କିିଛି ଅଗ୍ରଗତି ହୋଇଥିବା ବିଶ୍ୱ ସ୍ୱାସ୍ଥ୍ୟ ସଂଗଠନ ମୁଖ୍ୟ ବୈଜ୍ଞାନିକ ସୌମ୍ୟା ସ୍ୱାମୀନାଥନ ସୂଚନା ଦେଇଛନ୍ତି ।

କରୋନା ମୁକାବିଲା ନେଇ ଭାରତର ପଦକ୍ଷେପକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ପ୍ରଶଂସା କରିଛି । ମୁମ୍ବାଇର ଧରାବୀ ବସ୍ତିରେ ଅନେକ ଲୋକ କରୋନା ସଂକ୍ରମିତ ହୋଇଥିଲେ ମଧ୍ୟ କଣ୍ଟା ଟ୍ରେସିଂ, ଆଇସୋଲେସନ ଓ ଟେଷ୍ଟି ଦ୍ୱାରା ତାହାକୁ ନିୟନ୍ତ୍ରଣ କରାଯାଇପାରିଛି।

ପଶୁମାନଙ୍କ ଠାରୁ ମନୁଷ୍ୟ ଶରୀରକୁ କିପରି କରୋନା ସଂକ୍ରମଣ ହେଲା ସେ ସମ୍ପର୍କରେ ତଥ୍ୟ ସଂଗ୍ରହ କରିବା ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନର ଦୁଇଜଣ ବିଶେଷଜ୍ଞ ଚୀନ ଯାଇଛନ୍ତି।

ଆହୁରି ପଢ଼ନ୍ତୁ

You might also like